鋿晶館

2021年12月26日 今日專誠去荃灣試吓呢間點心店「鋿晶館」，聽講係前得獎大師傅現場炮製，點心款式都幾多，除咗有各種點心，仲有蒸飯丶燉湯丶甜品。餐廳環境整潔丶乾淨企理，店員服務態度好，當日點左八款點心，有脆炸北海道牛奶丶薑汁雙皮奶丶脆皮蝦多士丶蒜香蝦春卷丶蝦腸丶月半彎晶瑩鮮蝦餃丶鮮蝦豆苗餃丶上湯鮮竹卷。個人認為脆皮蝦多士唔係太好食，好油膩，有d後悔。其他點心全部都新鮮熱辣，好好味。期待下次再試其他款式點心。逢星期一至五，下午茶時段（1400-1630）有85折優惠。…查看更多

呢間點心小店已經唔係第一次食，之前只係覺得d 點心好新鮮好味，最近見到推介先知，原來呢度個師傅係日本東京富麗華做左好多年，返香港之後係好多間米芝蓮酒店同埋大型連鎖酒樓集團做過主管，再開始做自家製品牌，唔怪得之小店都有咁出色既點心啦🥰所有點心都係即叫即蒸，全部即點即做既手作點心！特別推介以下呢4款！！❤️月半灣晶瑩蝦餃 彈彈彈牙既啖啖蝦肉，皮薄新鮮🧡齒頰留香脆脆蘿蔔腸 滑滑腸粉包住脆卜卜蘿蔔絲，再包住蒸蘿蔔絲，3層口感!!💛百吃不厭咸水角 熱辣辣炸到黃金色脆卜卜💚香噴噴招牌擂沙包 好rich既芝麻擂沙餡，好似湯丸餡擺左入個包到，鐘意芝麻餡必食rrrr…查看更多

食點心覺得去茶樓食先最好但而家越來越多地點都有點心食地方都乾淨左👍👍👍用餐既時間都唔需要甘趕都好似多左年輕人飲茶🫖飲茶都唔再係老派野嚕😂鋿晶館成日都經過 次次lunch time都好多人可能只計茶錢唔洗加一服務費，同埋佢地既點心都係自家製作，所有既點心即叫即整巧手野，而且係網上surch到點心師父曾經係日本東京富麗華任職多年，回港後係好多間米芝蓮酒店同大型連鎖酒樓集團做主官。甘講得應該d點心都有質素同保證既😌一於lunch去試試佢👍👍👍我覺得最靚既位置係有霓虹燈飲啖茶食個包好吸引人注目牆上面都掛住一d點心牌而且樓上掛住一d雀仔既裝飾 用d光亮既燈射住有種感覺好似在庭院用膳😂齒頰留香脆蘿蔔腸一上枱睇到係晶瑩剔透腸粉皮好簿 之後有層脆卜卜既酥包住d蘿蔔絲 食落係香甜既蘿蔔又有層滑溜溜皮 好特別👍糯香麻蓉煎堆仔煎堆仔外面有好多既黑白芝麻，炸到金黃金黃色又圓又細粒 咬落煙韌有點黏口 裏面係黑芝麻甜甜的食包 我一定會叫流沙包 包軟綿綿咬落有流心既感興奶黃食落都起沙 但小心被熱到咀果然係巧手既製作鮮蝦菜苗餃不得了粒粒都大大粒 皮又唔厚 亦放了不少既蝦肉同菜苗 咬落菜味都突出 蝦肉彈牙新鮮小龍包皮簿餡靚 好特別既係有片瓜湯汁濃郁加埋瓜一齊食有種爽口感肉質鮮嫩 沾黑醋一流上湯鮮竹卷腐皮簿 裏面有很多肉同菜蘿蔔絲大大條 好有飽肚感上湯甜 好似有點雞湯味 不錯👍最後慢慢嘆下茶 慢慢品嘗點心食得出師傅用心製作點心 …查看更多

同先生專登嚟香車街街市食米線，最後都係不敵人龍，決定轉戰附近呢間開咗冇耐嘅點心小館，主打現場即做嘅手作點心。茶位5蚊位，雖然只有鐵觀音同普洱兩款選擇，但勝在價錢貼地，我哋揀嘅鐵觀音濃淡適中，質素可以，喜歡茗茶嘅亦可以加錢揀碧螺春、人蔘烏龍同桂花苦蕎等靚茶慢慢嘆。蝦餃加入少量翠玉瓜粒，鮮味之餘唔油膩，仲可以嗌一籠兩粒，兩個人嘆茶就啱哂。鮮蝦菜苗餃非常新鮮，皮薄餡多，蝦肉比例亦算高。鮮竹牛肉球大大粒，底下嘅腐竹亦落得大方，牛肉球食落唔會有好重粉感，質素唔錯。鮮竹卷用上湯浸住，味道鮮甜，感覺比一般嘅蠔油鮮竹卷更能夠食得出腐竹嘅豆香。脆蘿蔔腸一份六件，簡單食材配上鹹淡適中嘅甜豉油，已經非常美味，係我非常欣賞嘅一道。蔥花除咗佈滿表面嘅腸粉之外，脆網入面亦包住唔少蔥白，口感豐富，非常推薦！炸鮮奶唔係每間茶樓或者點心店都能夠做得好，呢度嘅炸鮮奶即叫即做，炸漿又薄又脆，鮮奶味道香濃，而且唔會太甜，我同先生都非常喜歡。椒鹽豆腐份量唔少，粒粒外脆內滑，加入五味粉更加香口惹味。流沙包係另一道必點推薦，樸素嘅外表冇過多嘅修飾，賣嘅係真材實料。咬開鬆軟嘅外皮，流沙效果明顯，帶住濃濃嘅鹹蛋香，食多兩個都唔會膩。蒸飯用嘅係金鳳米，軟硬適中，粒粒分明，雞肉口感嫩滑，質素亦係少有。自家點心小店價廉物美，茶位費平之餘仲免收加一，原來師傅先後喺東京富麗華、香港米芝蓮酒店同大型連鎖酒樓做過，經驗咁豐富，難怪呢度嘅點心好食過唔少大酒樓，加上店員親切嘅服務，完全冇得輸，開業咁短時間口碑咁好絕對有佢嘅原因！…查看更多