食遇上海料理

呢日在新北江發現一間上海菜嘅食遇上海料理，價錢親民，食物質素不錯，即刻就入去品嚐吓上海菜先～香酥雞翼粗炒           $60上海麵份量都唔少，麵條粗身，口感軟滑，帶陣陣麵粉香氣，蔬菜菌菇鮮爽，雞翼炸至金黃酥脆，外層粉漿唔會太厚，入面有肉汁唔乾身，香脆可口。菜肉雲吞擔擔麵            $47         上海菜肉雲吞比起廣東雲呑較為大隻，依間啲雲吞餡料好滿，肉嫩多汁，菜亦都好新鮮，呢碗係擔擔麵湯底，花生味香濃，配合鮮嫩肉碎、蒜蓉和蔥，口感好豐富，層次亦提升；可以自由選擇辣度、花生湯底、麻辣湯底或加錢轉粗麵或年糕。花雕醉雞               $47嫩滑嘅雞肉充滿花雕酒醃製，帶出酒香撲鼻嘅獨特風味，雞肉吸入咗花雕酒，入口嫩滑同時又帶有微微酒香味道。上海小籠包              $34小籠包即叫即蒸，熱騰騰嘅上海小籠包，原汁原味，充滿新鮮餡料，好足料，一唔小心就會溢出嚟，充滿鮮肉味，味道香濃而鮮甜。可口可樂         $7炎熱天氣，冰冰涼涼，口感清爽解渴。…查看更多

.擔擔麵｜英文：Sichuan DanDan Noodles｜擔擔｜意指擔挑｜以擔挑盛着自家製麵條沿街叫賣而且｜製作過程不會太複雜擔擔麵既精粹⭐️有4️⃣味⭐️花椒的麻｜辣椒醬的辣｜鎮江醋的酸｜花生醬的甜四川正宗擔擔麵 是素麵｜沒有肉臊｜另加芽菜 無湯.歷史洪流 將川菜推入滬｜絕對有3️⃣個時間點而川菜有三大菜類① 味譜廣 麻辣家常川菜 ② 麵食小點 ③ 麻辣火鍋.㈠ 清未時期｜㈡ 民初抗日｜㈢ 魯迅推廣期1️⃣ 革命戰爭｜清朝滅亡｜北伐軍中多為川人川軍太太｜開始在上海開辦菜館｜初部改善川菜口味更着重刀工｜口味轉為輕麻微辣｜2️⃣ 民初抗日後｜川渝軍閥借國民軍聚集上海地區川菜館再流行｜多為高端川菜｜有指菜館實為情報交流基地為掩飾情報收集｜多為老闆娘辦館｜招聘不同川廚班底所以有【上海婆婆】或【上海姥姥】這偏女性招牌起源.3️⃣ 孫中山立國初期｜大文豪🕺魯迅🕺任教育部要員除文筆流暢外｜其實亦係大美食家 【如同蔡瀾】大推新派川菜｜現定為【海派川菜】大量食客跟風.📚川菜入滬📝 各為互補｜絕對罕見🔺淮揚菜講究選料鮮活｜較清淡｜原汁原湯｜刀工精妙🔺四川菜中國菜系最為豐富的調味｜百菜百味｜刀工粗糙.國共戰爭｜大量上海人遷移香港｜海派川菜調整為大眾化口味｜製出【麵食小點】類以 ⭐️平價 ⭐️大眾 ⭐️工人快餐成套【豆漿/ 酸辣湯 + 擔擔麵 + 炸排骨 配 小籠包】.趁打風前｜食翻個 👨🏻‍🍳海派川菜 👨🏻‍🍳.🔺 川味口水雞翼菜飯｜Spicy Chicken wings and vegetable rice🌾 菜飯拳頭大size👊🏻 雖然菜心粒比較少飯香十足口水雞麻辣芝麻十足｜選用大雞髀 對切再細切啖啖雞肉🍗 鮮嫩又入麻辣味.🔺上海小籠包｜Shanghai soup dumplings➖一竹籠 四個小籠包 熱氣開蓋｜配上正宗浙江醋入口爆發 原味湯汁｜不油不膩肉料多 不錯.🔺紅油抄手｜Red oil wonton➖就係川菜版雲吞｜麵皮相較雲吞厚些香蔥辣油甜醋點綴｜手打肉餡加香菜 大愛👍🏻.🔺上海排骨擔擔麵｜Shanghai spare ribs with Sichuan DanDan Noodles➖ 配合本地口味｜辣度有得揀⚀ 走辣 ⚁ 小辣 ⚂ 中辣 ⚃ 大辣♢ 花生湯底 ⭐️ 花生碎/肉碎/ 蒜蓉/ 蔥花♢ 麻辣湯底 ⭐️ 榨菜/肉碎/芝麻/蔥花偏甜就揀【花生湯底】配上👍🏻上海幼滑白麵👍🏻多花生碎 與 濃湯底掛麵｜唔太油湯底 可見花生醬排骨切成4️⃣小塊｜唔太油膩 又炸同酥脆🇯🇵日式担担麵 🇯🇵 更將甜度拉高｜湯底更少.🔺黑白豆漿｜Black & White soy milk黑豆 定 黃豆甜｜好明顯 黃豆甜好多大部分量產黃豆都係基因改造｜科學家將好處一一帶上但 【黑豆】算是原始根本種｜唔甜但豆味香濃D.…查看更多

向來我係鍾意食上海嘢，因為上海菜真係好好食今次同朋友去開天水圍呢度都有唔錯嘅上海嘢食朋友介紹左兩款面第一款係花雕醉雞麵花雕醉雞向來都係我好鍾意食嘅食物之一，因為食到好香濃嘅紹慶酒味好濃味好好食，醉雞味道確實唔錯，而且湯底唔係一般清清淡淡嘅湯，湯底味道都好濃郁，廚師有落過功夫，我覺得做得幾好。而朋友都好推薦排骨擔擔麵佢話呢度嘅擔擔麵湯底幾好食，有啲辣辣地又好惹味，而且上海排骨又炸得好脆，係佢好鍾意嘅口感，我試咗一嚿都覺得唔錯，另外我哋叫咗兩款小食一款係上海小籠包小籠包皮薄餡料都唔少，上海鍋貼好香脆食完一隻忍唔住即刻要食第二隻，加埋兩枝樽裝黑豆漿飽足哂…查看更多

隔左太耐無去新北江商場，行過食上海菜嘅食遇上海料理，價錢親民，覺得食物款式唔錯，就入嚟食個午餐啦～上湯韭菜水餃擔擔麵         擔擔麵份量都好多，麵質柔軟帶麵粉香，擔擔麵湯底有花生碎、肉碎、蒜蓉、香蔥，肉碎香甜，依個份量足夠二人食，可以分享俾另一半。韭菜水餃好大隻，滿滿餡料，韭菜新鮮且味濃，內裡唔乾身，食落好香有肉汁。上湯菜肉雲吞擔擔麵       上海菜肉雲吞比廣東雲呑大隻啲，依度啲雲吞餡料滿滿，肉味鮮嫩多汁，菜亦都好新鮮，呢碗同樣點左擔擔麵湯底，濃郁花生味、肉碎、蒜蓉和蔥花，口感好豐富，層次亦增加。可自由揀辣度、花生湯底、麻辣湯底或加$轉粗麵/年糕。上海小籠包         依間嘅小籠包係即叫即蒸，熱辣辣嘅上海小籠包，原汁原味，新鮮滿滿嘅餡料，湯汁好足料，一唔小心就會溢出嚟，充滿肉味，味道香濃好鮮甜。炸排骨         排骨炸得非常香脆，仍保留肉汁，唔會乾身，肉質軟嫩，椒鹽鹹鹹香香，好惹味。酸辣湯 上海酸辣湯較為濃稠，材料都幾多，肉絲、冬菇、豆乾等，口感豐富，酸酸辣辣好味。無糖可樂   食完炸嘢飲礶可樂，冰涼爽口，解膩解渴。…查看更多

新北江真是平價覓食好去處，上次經過已經見到這間隱世小店，今次終於有機會來試了😋嫩滑雞肉擔擔面 $45雞肉果真嫩滑，擔擔麵濃而不膩，一試愛上！不過咁啱呢排感冒季節不太舒服所以沒叫辣，但沒想到不辣都好出色，相信喜歡辣的朋友或者叫小辣的話一定更惹味👍上海排骨粗炒 $62豬排酥脆，意外地有別一般粗炒，不會太油，搭配娃娃菜油膩感大減上海鮮肉鍋貼 $29/4隻鍋貼多汁濃郁，大大粒，外脆內軟，好有驚喜，必試！上海小籠包 $32/4隻皮好薄，好多汁，一定要配安排的汁，層次感更加豐富白豆漿 $12吃上海的食品，當然一定要配豆漿啦，大大支好划算，不會太甜黑豆漿 $12平時叫開白豆漿，兩個人試下一黑一白剛剛好，原來黑豆漿都好好喝啊食遇上海料理天湖路1號嘉湖新北江商場地下A93號舖…查看更多

今次又來到天水圍嘅新北江商場搵食！見到呢一間平靚正嘅上海野！餐廳主打小籠包同埋擔擔麵，點心同埋甜品都係即叫即整嘅，重點係價錢又唔貴，唔怪得咁受街坊歡迎～上海小籠包(4隻)💰HK$32小籠包即叫即蒸，而且皮薄餡靚，內裡嘅湯汁味道鮮甜，係餐廳嘅招牌菜之一～口水肥牛麻辣湯麵💰HK$50肥牛肉質鮮嫩，配搭惹味嘅口水汁，令人食慾大增！麻辣湯底味道好特別，值得一試👍🏻～花雕醉雞擔擔麵💰HK$56花雕醉雞肉質嫩滑，每一啖都散發住花雕酒嘅香味，香氣撲鼻！而呢碗擔擔麵就係叫咗小辣嘅花生湯底，麵條口感彈牙，掛汁能力高～蒜泥白肉💰HK$42呢度嘅蒜泥白肉係唔辣嘅，表面充滿蒜泥同埋青瓜，味道多元化～黑豆漿💰HK$12黑豆漿口感更加醇厚，仲帶有少少堅果嘅香氣～…查看更多

新北江商場裡面有好多間唔同類型嘅小店，最近係呢度行下逛下，發現有間隱世店舖 "食遇上海料理"，見到出餐嘅上海菜都唔錯，一於入去食個午餐 ~餐牌裡除咗午市套餐之外，亦有其他包括鑊氣炒麵、菜飯、炒年糕、水餃/雲吞、上海點心、涼菜、甜點、飲品等等，款式都唔少。蒜泥白肉雲吞擔擔麵      $52白肉切成每片都咁薄，軟腍肉片肥瘦適中，薄身爽口又唔乾，蒜泥用作提升香味，甜辣並重，配搭唔辣嘅擔擔麵湯底，有花生、肉碎、蒜蓉、蔥花及麻醬，先飲啖湯，味濃而稠，好惹味嘅湯麵。菜肉雲吞擔擔麵        $42大大隻嘅上海菜肉雲吞，相比廣東雲吞size較為大，裡面餡料好多，蔬菜翠綠鮮爽，肉味鮮嫩有肉汁。湯底嘅擔擔麵湯及麻辣湯可選擇辣度，亦有豬骨清湯或酸辣湯，呢碗揀左擔擔麵湯底，香濃嘅花生味、肉碎、蒜蓉、蔥花，食起嚟好creamy，味道層次豐富會再encore。上海小籠包        $32/4隻依款係食上海菜必點嘅上海小籠包，即叫即蒸，上枱時熱辣辣，內肉餡飽滿，新鮮嫩滑，一口咬落去鮮甜嘅湯汁滿瀉，充滿肉味，味道香濃，好滋味嘅享受！上海鮮肉鍋貼      $29/4隻鍋貼餃皮唔會太厚，口感煙韌，底部煎得焦脆同時亦保留好多肉汁，肉質鮮嫩，可口味美。擂沙湯圓           $30/4粒擂沙湯圓，軟糯皮煙煙靭靭，包上花生餡，熱熱嘅花生餡流出來，甜度適中，表面有大量黃豆粉增加香氣，一食愛上。跟餐揀咗黑豆漿及白豆漿，兩支都豆味濃郁，甜度啱啱好，口感順滑，配上海料理好夾。無糖可樂 $7，口感冰爽。…查看更多

最近去咗網友介紹嘅新北江商場  "食遇上海料理"，價錢和食物都很大眾化，雖然座位不多，但食物質素唔錯，就決定食呢間試一試啦。上海排骨擔擔麵     $45擔擔麵份量都唔少，麵質柔軟帶麵粉香，擔擔肉醬好香甜，呢個份量兩個人share就啱啱好喇。排骨炸至金黃，口感酥脆，外層粉漿唔會太厚，內裡唔乾身，食落好香口。菜肉雲吞擔擔麵    $45          上海菜肉雲吞比廣東雲呑較為大隻，呢度啲雲吞餡料滿滿，肉味鮮嫩多汁，菜亦都好新鮮，這碗同樣係擔擔麵湯底，濃郁花生味、肉碎、蒜蓉同蔥花，口感特別豐富，層次增加。可自由揀選辣度、花生湯底、麻辣湯底或加錢轉粗麵/年糕。花雕醉雞    $46呢碟以嫩滑嘅雞肉醃製係花雕酒中，帶嚟酒香撲鼻嘅獨特風味，雞肉吸入咗花雕酒，入口滑嫩同時又帶有微微嘅酒香味道。上海小籠包    $32依間嘅小籠包係即叫即蒸，熱辣辣嘅上海小籠包，原汁原味，新鮮滿滿嘅餡料，湯汁好足料，一唔小心就會溢出嚟，充滿肉味，味道香濃好鮮甜。黑豆漿    $12     白豆漿    $12無論黑豆或黃豆，兩款豆味都係濃，甜度適中，只係少少甜，飲起嚟順口。…查看更多

今日又同老友黎到食上海料理，呢到仲有得周圍掃街，仲有好多公仔機比你玩，估唔到呢間商場咁大仲有好多野行，同老友仲可以周圍行下食下好西😆呢間上海料理小店，座位有幾枱大枱地方闊落，餐廳仲主打上海小籠包、擔擔麵同埋蒜泥白肉，呢d一定要試啦！上海小籠包：即叫即蒸新鮮滾熱辣，食落仲爆汁要小心食，湯汁融入豬肉入邊，所以好入味，皮唔係好厚所以質感幾好，要趁熱食花雕醉雞擔擔麵：花雕醉雞擔擔麵係小店最招牌嘅菜式，例牌份量既醉雞，醉雞仲有好濃厚既花雕酒味，雞肉同酒混合左之後好入味，新鮮雞肉仲好鮮嫩，唔似d冰鮮雞咁鞋身，而擔擔麵本身好辣，可以選擇辣度，建議唔食得辣就唔好嗌咁辣，擔擔麵用左好濃厚既麻醬+花生醬湯底，所以食落去好香好有質感，仲可以配一支香港荳品廠出嘅豆漿，豆腐好彩甜味適中，所以都啱我口味蒜泥白肉：呢份蒜泥白肉就爭少少了，肉片上充滿左好濃厚既蒜蓉，加左少少薑所以食落去有d辣，五花肉肉片夠薄切，底下仲有少少辣油，食落都係較辣📍地址：食遇上海料理 (天水圍)天水圍天湖路1號嘉湖新北江商場地下A93號舖…查看更多

今日又同老友食晚餐，佢話想順便係新北江玩夾公仔所以就選扯新北江搵食，作為美食家既我當然就上網搵下有無d新野食啦，發現到呢間應該新開無耐既上海餐小店未試過，就一於黎試試啦。新北江小店都出晒名真係好小，所以堂食就一定唔會好坐，鋪仔細細擺到出門口都係幾張枱，所以好多人都選擇外賣，見到店家都係咁收外賣單。好啦坐底睇下餐牌，主打都係上海麵食，都有菜飯，配菜都大同小異，係睇下跟飯定跟咩麵，小店形式貴精不貴多。椒鹽排骨擔擔麵擔擔麵湯底好濃厚，好細微既辣味加少少花生香，個人認為再加d花生碎就完美，上海拉麵估計係手拉麵，麵質爽口彈牙唔易斷，椒鹽排骨新鮮炸外皮香脆內裡就略乾dd唔太過份，加上椒鹽就比較惹味d。上海排骨擔擔麵擔擔麵同樣出色唔多講啦，上海排骨就比起我果份椒鹽排骨略淡d，但就炸得無咁乾同樣都好香脆。上海小籠包新鮮蒸起上枱已出晒煙，湯汁豐富，係外皮厚左dd。黑豆漿跟餐加8蚊有枝裝豆漿，有黑有白，不過都係來貨野味道一般，順帶一題呢度飲品只有豆漿同汽水，無奶茶咖啡果d的。整體黎講呢度擔擔麵幾出色，食物質素算唔錯價錢都唔貴，我會再黎食，環境就一般般介意既多數選擇外賣。…查看更多