夏麵館 (始創中心)

今次心血來潮想食上海野，朋友就話不如食夏麵館，咁就一齊去左始創食~當晚門口都多人等位，好彩環境都寬敞，好快就入到去~睇完餐牌後，我地就叫左涼伴茄子、酸辣湯、蟹粉小籠包、上湯雲耳勝瓜、唐芹水餃麵和三鮮煨麵~冷盤 涼拌茄子，味道酸酸甜甜辣辣都幾開胃酸辣湯出面d酸辣湯，多數酸多過辣但呢間係小數夠辣既酸辣湯蟹粉小籠包 (4隻)小籠包好食，好多汁唯一有小小美中不足既係小籠包外皮有點厚，如薄番小小就完美了上湯雲耳勝瓜上湯清甜，雲耳勝瓜都好爽口~水餃麵都好大碗下，有4粒水餃d麵真係食極都仲有個份量係一碗麵都夠晒2個女仔食~三鮮煨麵裏面有蝦仁、火腿、雞肉和菜湯底清甜，麵質較粗身，口感十足~食完真係勁飽，叫左咁多野食，2人埋單都唔過300，真係抵食夾大件之選服務員態度有善~…查看更多

今晚係太子同個朋友食夏麵館, 兩個為食貓出動! 先點了個自選涼伴五小菜, 當中有鬆而入味的糖糟小排, 擁有超級濃厚香滑麻醬既雞絲粉皮, 粉皮嚼口高, 涼伴小木耳爽, 四喜烤夫甜甜的, 很美味! 鮮肉小籠包多汁, 皮尚算軟熟, 再薄多一點更好食, 但味道不錯! 川味口水雞好好食, 雞肉質地軟滑, 皮爽, 汁是重點, 濃厚而香辣, 令人吃不停口! 最後是三鮮煨麵, 湯鮮甜, 麵質軟棉, 很清香好吃! 整體坐得舒服, 食物有水準, 服務良好, 值得朋友們或一家人去聚餐! 不過很受歡迎, 很多人排隊, 要早d 攞位! …查看更多

在一次同事慶生去過鑽石山的【夏麵館】晚餐，點了個鮮肉小籠包整體來說價錢合理之外小籠包質素新鮮多汁，再度萌上吃上海菜的念頭。剛好在一個美麗的星期六跟媽媽到旺角逛街吃飯，而媽媽前幾天也説過想食上海菜，那就到太子的【夏麵館】一度再試他們的晚餐吧。【夏麵館】身為連鎖店分店都唔少，相信都唔會陌生，太子呢間位於始創中心一樓，相對來說呢間開張不算太耐，有種新人事新感覺。餐廳既設計同其他分店不一，因為加襯亮麗鮮豔既顏色及用了鏡子帶出了另一種主題能覺，有種劃時代的風味喔。去到門口見始創中心呢間【夏麵館】佈置以粉藍色為主調，再配合一點點舊上海風的裝潢，頗有特色。原來呢間係第6間分店黎呢。門口仲見到呢幅五六十年代的畫，好有感覺。而入面裝修清雅，淡色得黎有點古色香味，同以往既【夏麵館】好唔同！難度是想打較年輕的線路？更加追上現代健康飲食新潮流？？？整體裝潢不錯，坐位舒服...打開餐牌款式多多，【夏麵館】既款式標榜少油少調味亦係唔用味精的麵館之一！我地好快就揀好了...過了一會...就到啦...食上海菜點可以無小籠包呢！應該是必點吧？鮮肉小籠包(4隻) $38【夏麵館】推岀既係鮮肉小籠包，入面塞滿滿豬肉加上鎖定既肉汁，食落非常juicy 最緊要係夾起都唔會穿，一咬開肉汁完美迸然而出...呢個好重要呀，真正既皮薄多汁...絕對合格有餘。真係會食過反尋味不少上海人家中必備的下廚配料...雪菜炒粉皮 $55雪菜與味道清淡的粉皮可謂最佳配搭，簡單的材料即可炒出下飯的小菜。用帶有鹹香的雪菜配合上味道清淡的粉皮製成既簡單又美味既雪菜炒粉皮，食既時候仲稍微感覺到一點點既麻油香，濃而不膩感覺唔錯。鲜香爽口:)熱爆燻魚 $56上海燻魚演變至今又稱上海熱爆燻魚，聽聞既可冷吃又可熱吃呢！呢度上海菜算有名氣啦，用白肉魚既草魚起肉切成厚魚片，再放入油炸起，浸泡在獨有既醬汁內，外層香脆，裏面既魚肉柔軟有口感，醬汁味道帶點點酸味，還算不錯。主打無味精自家製麵條當然要試試麵吧！三鮮煨麵 $60之前食過幾次都未曾試過煨麵，今次就揀返個三鮮煨麵開心同媽練Share，麵既份量挺多的，兩個人叫一碗加兩三道小菜都夠晒飽。呈奶白色既湯底，味道偏清淡，透岀微微清香既奶味，配上海鮮配料，感覺幾健康岩口味。另外見到Menu都有新野食可能係秋天將至，又到了食蟹的時候，【夏麵館】都推出了一些蟹粉菜式，下次可以順道一試呢！同媽練悠悠閒閒食一餐，慢慢嘆，不用過份的豐富，只要有好吃又對胃口的就夠了！其實人生就本該如此啊！不是嗎？…查看更多