桂花小幸 (將軍澳廣場)

三盛紅燒牛肉麵 $85材料有腱心牛肉、牛腩、牛筋三款都做得入味和腍麵質ok 不會腍秘罈酸菜魚米線 $78魚片肉滑, 湯的酸味比較突出, 味道比較單薄, 不夠濃郁, 也沒有辣味, 米線質感一般有些失望珍珠奶茶夠茶味, 珍珠量夠Braised Beef Noodle Soup with Shank, Brisket, Tendon $85The ingredients are tender and marinated well with enough flavor.The noodle is chewy.Hot and Sour Rice Noodle Soup with Sliced Fish and Picked Greens $78The texture of the fish is smooth.The soup is plain in flavor, only sour whereas no hot or chili flavor.The texture of the rice noodle is so so.A bit disappointingTaiwanese Milk Tea with PearlsThe milk tea with enough flavor and pearls.…查看更多

今日去完Star Cinema 睇戲就在附近醫肚，見到啲間台式餐廳都幾多人排隊就去試吓，點知有驚喜，估唔到好抵食而且質素唔錯添！😋餐廳唔算大，但充滿台式文青小店嘅風格，有好多擺設同裝飾，盡顯心思。食物選擇繁多，麵飯套餐+$15 可以多一個小食（+$25 有兩個），另外加錢可以跟餐飲。比較特別係佢哋仲有多款手調台式飲品，質素仲唔錯添！三盛紅燒牛肉麵 $75 👍🏻👍🏻👍🏻👍🏻👍🏻大大碗份量非常多，三盛包括腱心牛肉、牛腩、牛筋。雖然唔係果種好重藥材味嘅湯底，但佢嘅湯底一樣係味道濃郁香甜，而且帶少少辣，牛肉好淋好入味，麵條粗幼適中彈牙。整體絕對係水準之作。鹽酥雞排滷肉飯 $59 👍🏻👍🏻👍🏻👍🏻雞排大大塊香脆肉嫩，鹽酥味道亦不錯，最重要係即炸夠熱辣辣。至於滷肉飯份量都唔算少，味道正常發揮唔算突出。加配小食 兩款 $25滷水豆腐 👍🏻👍🏻👍🏻 滷水味道濃郁，如果淡番少少會更好，不過都值得一試。涼拌多猫耳朵 👍🏻👍🏻👍🏻👍🏻 酸味突出又帶點微辣，雲耳爽口彈牙，推薦！椒鹽花枝丸 $42 （5粒）👍🏻👍🏻👍🏻👍🏻大大粒熱辣辣，外皮鬆脆，花枝丸亦好食，絕對係唔錯選擇。幸福之茶研社 （套餐減$5）鐵觀音珍珠鮮奶茶 （少糖）$32 👍🏻👍🏻👍🏻👍🏻珍珠Q彈煙韌，茶味清香配合鮮奶剛好唔太甜芝士奶蓋桂花烏龍茶 （少糖）$30 👍🏻👍🏻👍🏻👍🏻👍🏻忌廉芝士味道濃郁，配以清新嘅桂花同烏龍茶，完美配搭，推薦！總結：環境唔錯，食物選擇多而且價錢大眾化（仲要係唔收加一！），最重要係食物質素良好用心製作絕不馬虎。如果以同類型台式餐廳作比較（例如茶木），啲間嘅性價比係完勝。想食台式牛肉麵我會推薦啲間👍🏻 另外佢嘅台式手調飲品都係出色，仲好過一啲台式飲品店！…查看更多

同朋友去西貢行完出返黎將軍澳，夜晚無堂食就唯有早啲食晚餐啦，我地去左桂花小幸食台式晚餐。下午茶有拉絲芝士火腿蛋餅配地瓜薯條。蛋餅入面有芝士同火腿，芝士味最出，跟住有蛋味，外皮香口，口感豐富。地瓜薯條新鮮炸起，夠熱夠清甜。鹽酥雞排雞肉飯個飯伴有滷水汁，食落變左唔會好乾，雞肉份量唔少。雞排外皮都脆口，好邪惡。三盛紅燒牛肉麵有腱心牛肉、牛腩、牛丸，牛丸最好食，大大粒。台灣麵彈牙爽滑，好食。鹽酥花枝丸(3粒) 好香口，肉質彈牙，夠惹味。我飲仙氣火龍果茶，少糖少冰，可惜唔可以無糖，茶味多過火龍果味。朋友要白桃烏龍茶，無糖少冰，即使無糖都飲得出桃味。…查看更多

今晚太夜收工費事返屋企食，就同同事一齊食完晚飯先至返屋企，見呢間台灣食店開左好耐都未試過，現在又冇得去旅行，就一於入去試吓已解相思之苦，店內嘅環境都幾寬敞舒適，即刻睇吓餐牌都幾多唔同款式嘅食物，我哋叫左幾款美食和兩款特飲來品嚐一吓鹽酥雞排滷肉飯：雞排外脆，鹹度剛剛好，好惹味，滷肉好入味，撈飯一流另外跟餐加15蚊要左兩個小食，滷水豆腐和涼拌黑醋茄子滷水豆腐：普普通通，好處一啖一粒:)涼拌黑醋茄子：茄子軟滑，酸酸尾尾，食完胃囗大開三盛紅燒牛肉麵：腱心牛肉炆得好腍滑，牛腩一層筋膜 一層肉，一咬即開，牛丸咬落爽囗味濃，台灣麵入囗煙煙韌韌，紅燒牛肉湯底好香濃牛肉味，飲完唔囗乾椒鹽花枝丸：大大粒香脆爽囗彈牙台灣烤香腸：台灣香腸真係特別美味可囗夏日水漾鮮果茶：有藍莓、火龍果、士多啤梨、青檸、檸檬和西柚呢幾樣鮮果，好香茶味，入口味道似百香果蜂蜜檸檬蘆薈：甜甜地，好多蘆薈粒增加囗感以後返工或收工都可以來呢度醫肚…查看更多

今晚去將軍澳探朋友, 近近地係附近食埋飯先返屋企, 經過見到呢間餐廳門外有唔少人等位, 見價錢亦不貴, 就禁飛等位啦, 還好輪候時間都幾快。店員先安排入座, 揀好食咩就自行到cashier落單比錢, 返埋位等店員協助送餐。【椒鹽花枝丸】HK$26表面炸至金黃微脆, 花枝丸入面仲有魷魚粒, 幾爽【台式烤香腸】HK$28台式香腸切成薄片, 皮脆, 甜甜地 【三盛紅燒牛肉麵】HK$69湯底清甜甘香, 牛丸幾彈牙, 其中一粒好似比錯左豬肉丸, 牛腱很滑很林, 索左d湯汁, 牛腩更有肉香【蕃茄酥炸排骨米線】HK$63蕃茄湯底甜中帶微酸, 米線很滑, 索左個湯底, 食落幾開胃。炸排骨為吉列薄切豬扒, 炸皮薄而香脆, 點蛋黃醬食, 味道更加正! 另外加左HK$15 追加兩客小食, 同樣揀左紫菜魚蛋湯, 開邊魚蛋幾鮮甜, 個湯有大量紫菜, 啖啖濃郁紫菜味【黑糖珍珠鮮奶】HK$29香滑鮮奶加入左黑糖, 味道唔會太甜, 珍珠煙韌, 而且份量多, 啖啖都啜到珍珠晚市繁忙時段排隊落單時候較長, 要比少少耐性等待。餐廳全日冇加一, 份量都幾大碟, 抵食!…查看更多

昨日同媽咪行將軍澳廣場，陪她買定旅行日用品， 呢度真係好方便， 有幾個商場連埋一起可以行足一日。 行到咁上下都係時候食午餐， 我們到桂花小幸吃台灣菜。 唔知大家有冇一個習慣， 我好多時經過店舖門口想入去食嘅時候都會睇一睇openrice嘅評論， 見到桂花小幸都有好多讚好， 一於同媽咪入去試下。店內裝修風格以文青概念為主， 配上以木為主的傢俬特別有文藝氣息。 首先點了兩杯台灣特飲夏日水漾鮮果茶$30， 芝士奶蓋桂花烏龍茶$28。然後就點餐～台灣烤香腸$28， 椒鹽花枝丸$23， 滷水豬手飯定食配上湯浸時菜及白飯$65， 加配小食手拍小黃瓜$12， 三盛紅燒牛肉麵$68。滷水豬手飯定食配上湯浸時菜及白飯～ 一碟有四大就豬手，炆得好淋又入味，絕對可以補充骨膠原。手拍小黃瓜～ 清新的小黃瓜配上醋汁， 很喜歡這個餐前小吃，特別令我開胃。上湯浸時菜～ 清清地非常健康。三盛紅燒牛肉麵～有腱心牛肉（金錢展），牛腩，牛丸，腱心牛肉和牛腩雖然炆得好腍，但唔夠入味。 牛腩比較大舊， 如果可以切細少少就比較好。 牛丸味道普通，但口感算彈牙。 點了清燉湯底可惜唔夠熱， 麵的質地偏軟，唔夠彈性。椒鹽花枝丸～ 沒有椒鹽味道，但花枝丸煙韌彈口。台灣烤香腸～ 很喜歡吃台灣香腸， 每次到台灣餐廳必點。夏日水漾鮮果茶～ 有很多新鮮水果向裏面， 但味道偏甜， 我唔記得叫少甜呀！芝士奶蓋桂花烏龍茶～ 飲到桂花烏龍茶的 茶味， 芝士奶蓋的味道唔夠濃郁，但清清地還可以接受的。整體來說對桂花小幸的印象幾好，食物質素中上，款式多，店內環境舒適，價錢平民化，最開心係冇加一服務費。…查看更多

有留意上一篇食評就知我已搬遷到將軍澳 所以放假依嫁都留在附近食 出門車費都幾貴......又不是特別方便今次就來到將軍澳廣場食Lunch,嚐嚐台灣美食，此店鋪原來2點半有下午茶餐價錢平多了，但我到達時2點，走的時候才發現...so sad 餐牌入座後看完餐牌，記住自己的枱號出門口收銀處自己購買，然後職員會送上食物或者用支付寶直接order也可以 但未嚐試過 好似滿方便的套餐三盛紅燒牛肉麵 $68 配上牛 牛腩 牛丸淹也夠味夠淋 份量滿多 也有蘿蔔和白菜 麵質彈牙 紫菜魚丸湯 $6 套餐可加配 一人份量 非常多的紫菜不會慳凍咖啡 $8 鹽酥雞扒滷肉飯 $58 雞扒炸得外脆內嫩，切了一塊塊方便客人品嚐滷肉飯分量多但滷肉比較少，食起少少乾身現做煎餃子 $28 餃子餡用上豬肉，但食落沒有什麼味道 建議加少少鹽 煲仔塔香三杯雞$48 小食價錢主菜份量 煮得很惹味滷水豬手$58 豬手炆得好入味，夠淋身 但有豬毛換了一碟還有少少芝士奶蓋白桃烏龍茶 $28有一大包茶包在內，不像平時在外order的已泡好 所以味道比較淡，要泡耐少少才有茶味 外賣慢慢品嚐就可以 堂飲不建議，要等大約10-15分鐘有茶味人均消費$150味道 賣相 衞生 服務 抵食 推介 …查看更多

之前食過其他分店 感覺唔錯 所以今次見到佢開到黎將軍澳就即刻去試下 平日晚上既8點左右都有唔少人等緊入座三盛紅燒牛肉麵 ($68)睇落好似好一般 點知食落發現個湯底好濃郁 三盛包括腱心牛肉 牛腩 同牛丸 全部都整到好入味 麵條彈牙 好有台灣既味道酥炸排骨滷肉飯 ($58)塊排骨炸到金黃色 好香脆 點埋沙津醬好惹味唔會覺得好油膩滷肉飯岀奇地係無乜味 雖然個賣相睇落唔錯紫菜肉丸湯 (+$6)本身諗住叫點送燉湯既晚市套餐 點知係我地落單既嗰刻就已經賣晒 所以就加咗個紫菜湯頂住當先 雖然清清地 有菜又有肉都幾好飲 但始終同老火湯都有一段距離 下次如果要飲都要趁早黎滷水豆腐 (+$6)不過不失桂花雞翼 ($23)上菜個刻我以為落錯左單 因為本身以為桂花雞翼係凍食既小食 後來搞清楚先知道桂花雞翼係香脆既炸雞翼配上香甜既桂花漿 口味好清新夏日水漾鮮果茶有好幾款新鮮既水果 真材實料 我覺得仲好飲過專賣水果茶既連鎖店 叫左少糖都唔會太甜 都係好清新蜂蜜檸檬蘆薈叫左半糖 覺得甜度岩岩好 酸酸甜甜好開胃總括而言 呢間桂花小幸係將軍澳黎講確實係平靚正之選 另外店內播既台灣歌亦都正合我口味…查看更多

食過呢間台灣嘢好多次，今晚難得拎完飛唔使點等就有位入就座後首先要記住自己檯號！！！去櫃檯落單俾錢，然後啲嘢食先會送嚟叫咗兩個main dish，啲配菜嚟先:)菜芯同滷豆腐都係各+$6就有得配上湯浸時菜係清脆嘅菜芯，新鮮嫩芽，浸住湯又可以保存個菜嘅溫度台式嘅滷豆腐係係用咗包仔豆腐，切成丁後滷得入味鹽酥雞排炸得香脆，粉漿夠薄，雞肉厚而嫩滑，而且份量都幾多配搭滿滿嘅一碗滷肉飯簡直係絕配滷肉入味濃郁，醬油汁又唔會過多三盛紅燒牛肉麵有好多好豐富嘅材料，單單係牛腩已經有4,5件加上2,3片牛腱同牛丸，整碗湯都散發住牛肉熬煮嘅香桂花雞翼係炸嘅，食嘅時候先將桂花蜜淋上雞翼難得嘅係啲雞肉雪白好靚，冇雪藏味，而且滑嫩簡單酥炸過後沾上蜜糖，甜而不膩煎餃子4隻係即煎嘅，所以亦係最遲上手工餃有大有小，不過都算幾平均咬落有飽滿嘅肉汁，煎香兩面嘅外皮，再醮上少許醋係簡單平凡，實在嘅粉麵店嘅味道最後埋單每人$100都唔使，就已經可以食到咁多嘢同商場內性價比最高係佢…查看更多

辛苦左一週既螞蟻上班生活，又黎到萬眾期待既週末，係朋友推介下，訓到咁上下就一齊去食個悠閒既午餐，黎到呢間好有台灣風格既餐廳撐枱腳。美味、舒服、服務好、又夠飽肚，這些才是我放假所追求的。《桂花小幸》，位於將軍澳站既將軍澳中心內，位於商場較入既位置，門面非常廣闊，門口右旁有一個飲品外賣既專門店，好像比較小有餐廳會係咁既做法！蠻得意的。餐廳內部幾有台灣感覺，可能係集故事同餐廳一身既台式料理店。睇過下Facebook店主係好想將台灣既休閑文化帶黎香港，所以室內佈置處處有驚喜，真係好有文青感覺，不過如果過分堆砌就會欠缺自然流露的文藝氣息呢。坐低左之後就覺得座位之間比較逼狹，睇睇餐牌，食物都是常見的台灣食物。食物種類多，粉麵飯同小食，樣樣都有。麵食有四款湯底選擇：養生清燉牛肉湯紅燒牛肉湯蕃茄牛肉湯麻辣牛肉湯實有一款啱你心水吧！自行到櫃臺落點單及付款，之後就有專人送餐。點完後可以同朋友慢慢坐慢慢傾。三盛紅燒牛肉麵-麻辣中辣 $71牛肉麵湯底用牛骨、蒜頭、洋葱等12款香料熬足5小時，再放牛燜兩個鐘，湯底清甜味道微辣，兩種味道並存。入面有，牛腱心牛肉、牛腩&牛丸，再配有大大件白蘿蔔&紅蘿蔔。牛腱心牛肉軟腍，有陣微微既藥材味，牛腩都係好入味，份量都唔少，作為配菜的白蘿蔔亦煮得通透無渣，佢既麵條好彈牙！幾好味！整體感覺好養生。蕃茄酥炸排骨米線 $61飲左一啖湯，蕃茄湯底，好濃蕃茄味，麵條好彈牙幾掛上蕃茄湯，好健康咁。炸排骨真係香酥脆，豬肉唔乾身有肉汁。果然另上真係唔會浪費左剛剛炸起的酥脆感呢。份量十足啊男士都一定夠飽。:)住家小食風味，桂花雞奕$ 23鹽酥雞翼配桂花糖，淡淡的桂花清香，加上酥脆的外皮幾特別，但蘸多些糖漿也不能補救雞翼不夠Juicy。如果可以改進一下就會更加好了吧！香脆墨魚腸片 $28值得推介小食啊！！外層煙韌，咬下時香脆而嚼勁，墨魚又夠彈牙！肉汁流出好juicy。份量唔少添，抵食之選。小幸還有50多款清新系列的飲品！！賞味香芋珍珠 $22熱辣辣送到面前，杯中傳來陣陣芋頭香味，奶茶幼滑，芋頭香濃不過就有點甜了點，叫佢減甜會更好吧！珍珠份量好多啊，最後都食唔晒，不過膠杯裝亦方便帶走慢慢飲！小幸香濃奶茶 $16見佢價錢平平地，就點了一杯，話晒係招牌應該是穩陣的，果然不出所望，真的平均十足，唔會失望，又沒有太大驚喜，可以一試呢！《桂花小幸》，價格相宜，不用加一服務費！確是區內超值之選！如果唔係座位試比較逼狹，呢度環境好似去了朋友的家作客一樣，簡約卻溫馨。感覺是一間有故事得餐廳。「那些年的．桂花小幸」…查看更多

真係超鍾意哩間嘅麵食！！！因為佢所有麵食嘅湯底都會預設為紅燒牛肉麵湯，好好飲！！一啖麵加一啖湯 正啊🤤每次想食台灣嘢都必定會幫襯佢～過下食台灣麵嘅癮～重點係咩？價錢相宜！唔算貴 (｡ ˇ‸ˇ ｡)■ 三盛紅燒牛肉麵 $68（腱心牛肉、牛腩、牛丸）牛肉瘦腩唔肥、牛丸爽口飽滿～好味！■ 椒鹽花枝丸 $38/5粒大大粒㗎！！😋😋😋■ 鹽酥雞湯麵 $48？鹽酥雞都係台灣菜必點～雞塊份量算係多 炸粉都唔算厚 掂啊😌■ 夏日水漾鮮果茶 $30略嫌味道偏甜 如果冇咁甜就更好！茶味都出，夏天消暑一流 …查看更多