Starbuck櫻花系列新登場!主題飲品、布甸、輕食一覽(有片)
2019-02-19

春天就係櫻花嘅粉紅色!呢間連鎖咖啡店即將推出一系列以櫻花為主題嘅新品,包括飲品、輕食同飲品,好似全新登場嘅抹茶紅豆忌廉花見星冰樂、櫻花主題包裝嘅荔枝玫瑰布甸、好有日本Feel嘅富士山抹茶蛋糕等等。分店仲會有AR實境體驗,令大家可以置身櫻花花海當中。
 


(左)紅豆忌廉花見星冰樂,(右)抹茶紅豆忌廉花見星冰樂(各中$43,大$47,特大$51)

星巴克咖啡聽日(20/2)推出春季櫻花系列,主題飲品以花見為靈感,兩款都有自然雲石花紋,上面都亦加左粉紅色脆米同乾莓果粒,模擬櫻花花瓣漫天飛舞嘅美景,同時增加口感同味道層次。

抹茶紅豆忌廉口味選用品牌Teavana抹茶打成帶回甘嘅抹茶鮮奶,再加粒粒紅豆同忌廉。而紅豆忌廉口味就以紅豆鮮奶為基底,富紅豆香,甜而不膩。
 


荔枝玫瑰布甸($25)

兩款布甸亦換上櫻花主題,分別係全新登場嘅荔枝玫瑰布甸,同以夜櫻包裝大熱回歸嘅柚子布甸($25)。打開荔枝玫瑰布甸一睇係夢幻嘅粉紫色,相當有玫瑰香味,甜而柔滑,裡面仲有荔枝果肉。
 


玫瑰雪芳蛋糕($34)

特別喜歡玫瑰嘅朋友唔好錯過呢件玫瑰雪芳蛋糕!馥郁優雅嘅玫瑰香氣嚟自粉紅色嘅玫瑰忌廉同鬆軟嘅雪芳蛋糕,整體感覺輕盈。
 


(左)富士山抹茶蛋糕,(右)富士山朱古力蛋糕(各$21/件)

最啱鍾意相機食先嘅朋友呀,特別造成雙色同加上白朱古力去模仿日本富士山造型,別緻又搶鏡。有清香抹茶同濃郁朱古力兩款口味選擇,同朋友一人一間開心Share就可以試哂兩款啦。
 

更多【飲食潮流】:
1. 【隨時更新】便利店尋寶 每周新品速報
2. 多啦A夢郵局期間限定店 特別版軟雪糕+大判燒
3. 春季限定熊本士多啤梨系列 情人節心型撻、件裝果撻

 

(左)草莓雪山忌廉泡芙($22),(右)草莓鬆餅($20)


草莓士干餅($19)

亦有以士多啤梨為主嘅輕食,草莓雪山忌廉泡芙係輕巧嘅泡芙當中加入香甜士多啤梨吉士忌廉,外脆內滑。草莓鬆餅唔單止裡面有士多啤梨醬,上面亦以士多啤梨味忌廉同士多啤梨果乾裝飾。草莓士干餅就係用新鮮士多啤梨製作嘅Scones表面用士多啤梨果乾點綴,最啱配返杯咖啡。
 


春日櫻花系列($75-250)

同時亦有一系列商品登場,比之前發售嘅有更多唔同圖案同主題選擇喔!
 




文、相、片:Cathy

關鍵字
Starbucks
星巴克
咖啡
櫻花
期間限定
布甸
甜品
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】最後倒數!即將結業的老字號及人氣小店
2020-05-19
【隨時更新】零食速報 每周新款零食、酒品點評
2天前
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
旺角新開花藝Cafe 豐富全日早餐+明太子貓耳朵+特調有機花茶(有片)
2020-05-18