[Fusion融合菜] 必訪靚境小品餐廳
2019-06-13
同朋友聚會,食物質素固然重要,但餐廳裝修得別緻有心思,有或許望到靚景,都可以令飯局加分唔少!今次小編為大家搵個嚟3間靚景、靚裝修嘅餐廳,最啱同閨密、三五好友相約去談心,又或者自己悠閒咁hea下!

Bonlicious (半山)      
Bon-Licious係一間位於半山嘅共享廚房, 為廚師提供專業廚房,並且為食客提供舒適嘅用餐空間。提供一個平台比充滿熱誠同理想嘅廚師係到展示佢地嘅創作,主要售賣每天新鮮製做嘅各款西式甜點、沙律、英式早餐同意粉等,餐單會隨著季節以及唔同廚師嘅加入而有所變化。

Bon-Licious 旗下有三個品牌: Gourmet Library,Ka Ki Lang和Pura Vida。 Gourmet Library專注於豐盛而舒適嘅美式食品,Ka Ki Lang專門提供台式美食,而Pura Vida專注於晚間燕麥和格蘭諾拉麥片。

美國豬肋骨配蕃薯薯條 (BBQ Rib by Gourmet Library )
選用脂肪分佈平均美國豬肋骨,慢煮前先使用自家秘製燒烤醬汁醃製48小時,然後再慢煮12小時, 難怪輕輕一碰,骨上嘅肉會一絲絲跌下來。咬落肉質細膩嫩滑,肉味濃郁,搭配香港少見嘅炸蕃薯條, 係一道一定試嘅嘅主廚推薦!

紅酒燉美國牛腱配鷹嘴豆蓉 (Braised USA Beef Shank with Red Wine by Gourmet Library )
同紅酒燉煮12小時嘅美國牛腱,肉質軟嫩,保持彈性,鮮嫩多汁。配上使用牛尾骨,各式蔬菜, 香料慢燉3日而成嘅自家製gravy, 口味相當濃郁!再搭配埋鷹嘴豆蓉能適時化解油膩,多食都唔會感到膩!

蟹肉芝士意粉 (Crab Meat Mac & Cheese by Gourmet Library)
超邪惡又好味嘅傳統美式菜餚。餐廳用上帕馬森乾芝士 (Parmesan), 莫札瑞拉芝士 (Mozzarella), 車打芝士 (Cheddar cheese) 及鮮味十足嘅新鮮蟹肉, 每一粒通心粉都蘸滿半溶狀態嘅香濃芝士醬,香口惹味食到停唔到口!

麻油雞乾拌麵線 (Taiwanese Drunken Sesame chicken noodle by Ka Ki Lang Taste of Taiwan)

充滿台灣風味嘅麵食。 選用台灣黑芝麻油,米酒同台灣麵條,大量嘅薑爆香後加入已剔骨嘅雞腿同米酒,再加上凍豆腐,豆腐吸入了滿滿嘅湯汁精華, 咬下會有爆漿嘅感覺,鹹鹹香香,正呀!

台式香腸雞腿便當 (Taiwanese fried chicken Bento by Ka Ki Lang Taste of Taiwan)
雞腿鮮嫩多汁, 每一啖都可以咬到用秘制醬汁醃過嘅肉, 味道就好似小編記憶中係台灣食嘅台式便當咁一模一樣, 搭配埋自家製醃青瓜,台式香腸以及滷過嘅半熟溫泉蛋,好滿足呀! 


Waffling Beans (西環)  
長方形嘅餐廳格局,配上樓底高嘅天花,感覺寧捨闊落,裝潢也很時尚摩登時尚,水吧上寫了一句反轉咗嚟寫嘅「take your home」,側面有一大個雜誌架,放滿很多時尚雜誌供客人借閱,整個格調很悠閒舒適,非常有外國風情!餐廳內提供一系列健康及素食者適用餐點,非常適合注意健康嘅人士!

無肉素食窩夫 (Green Plus+) (素食者適用)
適合素食者嘅健康好選擇,通中包括:太陽蛋/荷包蛋/炒蛋, 牛油果粉碎, 希臘雞豆泥, 櫻桃番茄莎莎, 嫩菠菜伴窩夫,配自家製蜜糖芥末醬,大大份又健康!  

亞式膶腸臘腸蛋汁義大利麵 (Asian Carbonara)
傳統嘅carbonara就食得多啦,但fusion嘅亞洲式carbonara 你又試過未?依到嘅Carbonara 創新地落咗膶腸同臘腸一齊煮,但味道竟然出奇地夾,咁晒自問大膽又鐘意試新野嘅你!

鮮生果巴西莓果碗 (Acai Bowl) (素食者適用)
色彩繽紛嘅巴西莓果碗最近風靡全球,由被譽為係「全球最正嘅超級食物之一」嘅健康食材「Acai Berry」(巴西莓)同各種新鮮水果打製而成,標榜健康、低卡又好味,果昔上面鋪滿脆脆嘅格蘭諾拉麥片同滿滿嘅水果,不但只呃到like,仲可以消暑同補充營養、抗氧化、減體重,簡直係女士嘅恩物!
(偷偷話你知外賣先有西瓜碗,老闆話我地嘅讀者可以堂食時要求下㗎!)

鴛鴦漢堡窩夫 (The Waffler’s Double Burger) 
非常有特色咁將平時嘅漢堡包換成窩夫,一啖咬落去口感好豐富。又厚又多汁嘅牛肉餅,加上脆卜卜嘅煙肉、芝士、番茄同新鮮嘅生菜,再配上熱辣辣嘅香薯條,好滿足呀!

古巴三明治 (Cuban Camello Sandwich)
卜卜脆嘅麵包入面夾滿咗糖醃火腿,烤五花肉、酸黃瓜同融化嘅瑞士芝士,創造出鹹甜交錯嘅口味,再加上黃芥末醬提味,大口咬下,口感又脆又香,滿滿嘅起司香濃味道充滿口中,味道超濃郁!


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany
關鍵字
聚會
質素
裝修
小品
共享廚房
專業
麵線
意粉
薯條
台式美食
便當
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】便利店尋寶 每周新品速報
6天前
尖沙咀新商場開幕 過江龍餐廳一覽
2019-10-11
【特約分享】食魚生轉運 三種好意頭日本海產介紹
2019-10-14
亞洲首間 Tiffany Blue Box Café 打卡必到!三層架下午茶 + 棉花糖雞尾酒
2019-10-08
高CP值火鍋放題 (1)
6天前