睇嚟肉食獸喺8月份都幾勤力出動，十強入面有近半都係以燒肉或肉扒、漢堡等作主打嘅餐廳。放題餐廳得到榜首位置並唔意外，但有間古早蛋糕小店上榜，都幾有驚喜呢。
第10位 我愛慢煮（*新上榜） 
圖：眾所周知，慢煮可以盡量保持食物嘅原汁原味。呢間主打慢煮嘅餐廳，就完全做到慢煮嘅精髓，慢煮紅酒香草羊後膝肉質軟腍重好有肉汁，法式油封鴨髀亦滿滿油香。
訂座優惠：每枱可獲贈Haagen-Dazs雪糕一杯 (100ml)
第9位 肉肉強食 by 鋒膳（*新上榜）
圖：tracy19950103、JamesSkiSnowboard
要打入十強，通常一係就好食，一係就好靚，再唔係就好平。呢間長沙灣嘅港式扒房，絕對係平價嘅代表。廿蚊一客鐵板宮崎吉烈豬柳！每日限定50份，雖然賣得平但用料絕對唔曳，豬柳爽滑，肉味突出。而西冷牛扒都只係$88，夠晒抵食。
圖：荃灣呢間漢堡店，環境甚chill，落地大玻璃窗透進陽光，感覺開揚光猛。招牌菜當然要試德州手工漢堡，肉堡juicy厚身，包面微脆鬆軟。而燒骨髓牛肉芝士漢堡更係呢度嘅限定菜式，每日限量供應，一啖油香一啖肉香，配埋特製威士忌煙肉洋蔥果醬就更惹味，難怪吸引咁多漢堡控嚟支持。
訂座優惠：9折 (每人消費滿HK$80)
第7位 濟洲燒肉食堂 
圖：幾乎每個月都會有燒肉餐廳入圍十強，可見香港人對燒肉嘅熱愛程度。今次呢間燒肉店再度上榜，相信佢哋嘅海景view絕對為佢哋贏得唔少分數。另外餐廳供應高質素燒肉，款式又多，想要肉味濃定油花香等嘅肉都有得揀。懶得揀就揀濟州燒肉套餐，各款牛、豬、海鮮都可試勻。
第6位 囍源古早蛋糕（*新上榜）
圖：首次上榜嘅呢間古早蛋糕店，標榜正宗古早蛋糕做法，以水浴法製作，每日低溫烘焙，而且少油低糖，口味多多，例如特級骯髒朱古力、芋泥、金枕頭等味都有。最特別嘅重有雙層蛋糕，口感依然鬆軟，蛋香十足，好多客人食過都會翻轉頭呢。
第5位 HIKARI（*新上榜）
圖：Hikari喺日文有「光」嘅意思，樓高兩層嘅呢間café，的確幾光猛，上層感覺重好chill𠻹。主打嘅吐司有分蕎麥酸種麵包同五穀酸種麵包，客人可按個人喜好選擇，再自行選配心水醬汁同材料，蒜香蛋黃醬、雞胸、菠菜等都有得揀。難怪新開業冇耐已經吸引到唔少café控專誠去打卡同拜訪。
訂座優惠：全單9折
第4位 韓屋
圖：由韓國人大廚主理嘅韓式料理，當然有最地道嘅韓國風味。餐廳標榜無味精亦無防腐劑，主打各樣韓國家常便菜。去到必飲養生熱湯，例如雪濃湯同蔘雞湯。前者即係牛肉湯，肉味香濃；後者相當足料，既有蔘片，更有釀入糯米嘅原隻雞，味道甘甜。
第3位 薄餅怪獸（*新上榜）
圖：自從屯馬線開通後，多咗人認識土瓜灣一帶嘅餐廳。好似呢間以自家製薄餅作招徠嘅小店，今個月更首登十強三甲位置。佢哋嘅薄餅最特別就係製作成心形（每日限量供應），邊皮香脆，即使係厚批都脆卜卜。最多人揀嘅就係怪獸多寶，咩料都有啲，感覺豐富。另外亦有炸雞同意粉等選擇。
第2位 Mo Mo Kushiage（*新上榜）
圖：呢間關西風串揚專門店，由超過10年日本料理經驗嘅總廚主理，供應肉類、海鮮同時令蔬菜等串揚，配搭自家製醬汁。八成材料均由日本新鮮直送，即叫即炸，格外脆口。特別推介蝦餅三文魚子，蝦餅嘅鮮甜加埋三文子魚嘅鹹鮮，使鮮味爆發。
第1位 牛之鍋（*新上榜） 
圖：放題幾時都係香港人嘅至愛，今次榜首位置係屬於呢間位於銅鑼灣嘅放題餐廳。兩小時內可以任食日本料理同打邊爐，一人一鍋又得，一班人一大鍋又得，靈活度高。而比起一般放題餐廳更得人歡心嘅係，呢度特別多甜品選擇，而且樣樣吸引，包括日式宇治抹茶芭菲、雪糕刨冰、芝士蛋糕、榴槤班戟、楊枝甘露、泰式芒果糯米飯等。
餐飲券：早鳥及貓頭鷹時段優惠放題 豐盛高質日式料理 火鍋甜品放題 (2小時)(銅鑼灣店)
文：Kar