珍多冰係印度傳統甜品，最基礎嘅配料係喺刨冰上加入綠色粉條，之後淋上椰汁同椰糖即成。呢種甜品喺東南亞非常受歡近，幾乎周街都可以買到。
喺呢個夏日，Rojak Cendol檔口就加入咗以新鮮榴蓮肉主打嘅cendol。大大舊榴蓮肉，濃郁嘅香味完全滲透喺嘴裡，實在太誘惑人心。喺呢度你可以食到唔同品種嘅榴蓮，例如D24、D99、D101、紅蝦或者貓山王，當然價錢就依據市價而定。
講得上爆紅，又點會淨係賣榴槤咁簡單，據說呢個檔口售賣嘅cendol超過100種，口味亦五花百門。除咗必點嘅榴蓮味，還有各種水果味，包括香蕉、紅毛丹、奇異果、芒果、草莓、龍眼等等，只要你諗到嘅統統都有！cendol與水果嘅結合，味道恰到好處，而且吃起嚟唔容易膩。
為咗緊貼潮流，老闆特意推出「現代版cendol」，佢將一啲平時廣受歡迎嘅甜食加到cendol入面，例如可可脆片、oreo、美祿、honey star、棉花糖、雪糕、Kit Kat等等，將新舊共冶一爐。咁有創意，抵佢爆紅嘅。
餐廳資料:
Rojak & Cendol Shah Alam
隨時接收最新資訊
讚好OpenRice專頁！