香港5大bagel推介!人氣金莎Tiramisu、意大利黑松露醬炒滑蛋口味
2024-02-19

Bagel口感煙煙韌韌又夠飽肚,無論做早餐、午餐或下午茶都係一個唔錯嘅選擇~而且Bagel變化多樣,無論鹹定甜都咁夾,睇吓以下呢5間bagel邊間啱你食~


招牌金莎Tiramisu Bagel MONO Lab

圖: hk.foodpath

呢間中環西式咖啡店,主要供應bagel、蛋糕同飲品等~招牌金莎Tiramisu Bagel上面加咗滿滿mascarpone cheese同可可粉,內餡就係微微流心嘅朱古力醬同金莎;cheese打得好滑,雖然加咗醬,但唔影響bagel嘅煙韌口感,味道上比較重朱古力嘅香甜,酒同咖啡味就唔算太濃。


超多口味鹹甜Bagel Bagel Gogo

圖: breadaholic_

紅磡近期好流行嘅bagel專門店,無論鹹定甜嘅口味都做得好出色!呢間嘅選擇超級多,淨係睇menu都已經眼花撩亂。最受歡迎係嘅芋泥肉鬆麻糬,bagel同麻糬都可以揀口味,好似抹茶bagel體配抹茶麻糬同芋泥,中間厚厚一層抹茶麻糬,口感煙韌帶淡淡抹茶香。另外鹹味有泡菜肥牛芝士、煙鴨胸配焦糖洋蔥同厚切雞扒菠蘿等,真係bagel控嘅天堂呀。


無油低糖自家製bagel Bagels Alley

圖: chillheafoodie

想有健康啲嘅款式?中環呢間bagel店係唔錯嘅選擇。佢哋供應嘅係紐約風貝果麵包,標榜無油、少糖同無防腐劑,口感相對更煙韌同硬身。煙燻牛肉原味貝果入面有幾塊大大嘅煙燻牛肉,煙燻味濃郁又唔會太鹹,配埋黃芥辣、酸瓜、番茄、瑞士芝士、火箭菜同忌廉芝士,食晒成份都唔怕滯。貝果可以選擇唔同烘烤程度之外,佢哋重有3款素食選擇,好friendly呀!


意大利黑松露醬炒滑蛋貝果 SP_CE cafe & lounge 

圖:nonstop-eating

呢個分量十足嘅意大利黑松露醬炒滑蛋貝果係招牌菜呀~首先一上枱佢嘅滑蛋好似瀑布咁壯觀,有蛋香之餘,重勁多黑松露;切開有生菜同番茄,令口感更豐富同清新,貝果外脆內軟,就算底層嘅食到最後都保持香脆,好出色呀。


慢煮牛肉/伯爵蘋果貝果 留白

圖:Sharon_TSH

位於荃灣嘅咖啡小店,餐廳空間唔係好大,室內有10多個座位,啱晒想靜靜地chill吓嘅朋友。慢煮牛同煙燻三文魚兩款鹹味bagel都唔錯,前者煎得啱啱好,外面焦香,內裡有肉汁,軟硬度適中,配埋沙律菠菜、忌廉芝士、車打芝士同洋蔥作配料,非常惹味;後者就係傳統配搭,以鹹鹹香香嘅煙三文魚配忌廉芝士。甜味則有伯爵蘋果口味,夾咗伯爵忌廉芝士、焦糖蘋果,一啖食到又軟又硬嘅內餡,而蘋果非常爽甜,令成個bagel食落好清新,層次分明。



文: Yanica
編:Cathy




關鍵字
bagel
貝果
麵包
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2024生日優惠】持續更新!4月壽星嘆巴日Fusion菜享「年齡折扣」
2024-04-05
香港必食燒鵝餐廳推介 荔枝柴香煙燻燒鵝、香氣十足陳皮燒鵝
2024-04-04
【隨時更新】零食速報 每周新款零食、酒品點評
2024-03-26
關注組推介沙嗲牛 世一回歸、大圍多選擇
2024-03-27
4大麻糬波波店推介 熱賣菠蘿脆皮波波、紫菜肉鬆拉絲芝士麻糬口味
2024-03-26