食肉Together!韓國過江龍炸雞外賣自取8折 消費滿$60再減$30
2022-09-16

鍾意餐餐都啖啖肉嘅朋友注意啦~今期介紹5間食肉獸必定啱食嘅餐廳畀大家,包括韓國炸雞、韓式fusion餐廳、日式居酒屋、多國菜外賣店及雞翼專門店,一定有一間啱你心水呀~


NeNe Chicken (全線分店) 指定食品8折

主打炸雞之外,亦供應唔同嘅韓式食品如芝士炒年糕伴拉麵、皇室豬肋骨伴芝士、濟州海鮮炒粉絲等。炸雞均用上秘製嘅炸粉漿,以及由韓國空運到港嘅純正菜油高溫油炸,外脆內嫩。推介新品青芥末白郡主炸雞,濃郁嘅Wasbai辣味搭配Creamy白郡主乳酪醬,口味好清爽,就算食多兩件都唔覺得膩,而且可以自選有骨或無骨,啱晒鍾意啖啖肉嘅懶人!淨食炸雞覺得口寡寡,佢哋嘅飯類如芝士蛋伴烤牛肉炒飯都幾出色㗎。


Seoulmate (將軍澳) 指定食品8折

好有創意嘅韓式fusion cafe,食物都幾令人驚喜。主食方面石板烤豬腩及石板烤牛仔骨都唔錯,配埋生菜、泡菜及醃蘿蔔,烤豬腩煎得香脆,一層肥一層瘦,入口有微微溶化嘅感覺;牛仔骨就牛味都幾香濃,真係喺屋企都有韓式燒烤嘅感覺呀。飲品方面佢哋嘅奶蓋雪山都好出名,有Oreo、芒果及紫薯等口味。



居食屋「和民」(全線分店) 指定食品8折 

呢間連鎖日式居酒屋相信大家都唔陌生,食品性價比高,而且選擇又夠多。今次兩款便當都做緊8折優惠,宮崎南蠻炸雞飯便當炸雞香脆又大大件,配埋南蠻醬汁酸酸甜甜又幾開胃。北海道十勝豚肉飯便當嘅豚肉燒得好香,豬肉油脂配飯食一流呀。兩款都跟配沙律,咁營養就更均衡喇。


架勢廚房 全線分店  指定食品8折

一間主打外賣嘅多國菜,喺全港多區如北角、薄扶林、粉嶺及黃大仙都有分店~招牌韓式王牌炸雞,炸雞香脆又不油膩,有BBQ、甜辣醬、蜂蜜芥末醬口味,鍾意香濃惹味嘅可以揀前兩者,蜂蜜芥末醬就有層次。


雞翼山 (旺角、觀塘、鴨脷洲) 指定食品8折 

咩雞翼都鍾意食~呢間雞翼專門店採用無激素超大雞翼,唔加任何生長荷爾蒙、抗生素同防腐劑,食都食得安心啲,而且仲成日推出特色口味㗎。例如咸檸七雞翼,用上泰式咸檸檬同七喜汽水嚟煮醬汁,食落酸酸甜甜,好清新。濃口櫻花蝦蝦醬雞翼好香蝦醬味又唔會過鹹,吉士鹹蛋醬雞翼甜甜鹹鹹愈食愈上癮!



買開外賣嘅可以用埋呢個全新MEAT TOGETHER優惠(推廣日期:2022年9月1日至2022年9月29日),輸入優惠碼「HALF」「MEAT」, 前者消費滿$60減$30,後者消費滿$50,額外減$10!  


除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊! 

仲等?(按此立即落單)  




MEAT TOGETHER優惠:

MEAT: https://www.openrice.com/info/takeaway/tc-MEAT.html
HALF: https://www.openrice.com/info/takeaway/tc-HALF.html





關鍵字
外賣自取
餐飲券
優惠
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!9月壽星嘆免費生日蛋糕+半價西式晚餐
2022-08-31
【隨時更新】零食速報 每周新款零食、酒品點評
2天前
異國風情 9月主題下午茶推介
2022-09-01
牛魔王福音!A5和牛火鍋放題 尖沙咀新店120分鐘任食
2022-09-01
酒店藝術感蜂蜜主題下午茶 送$720法國知名品牌護膚品
2022-09-09