酒香麻辣一鍋滿足!灣仔中菜館新推清啤麻辣火鍋(有片)
2017-12-11

最近多間國內麻辣火鍋嚟香港開店,唔係Sell特別造型紅油就係Sell夠麻辣。灣仔呢間中菜館就換個角度:推出創新清啤麻辣湯底!麻同辣平衡有致,倒埋支啤酒落去香味「升呢」,話唔埋會係各位酒鬼嘅「醉」愛。
 


京川小碟火鍋體驗套餐

位於灣仔嘅日熹樓今次嘅日熹火鍋道——京川小碟火鍋體驗套餐,顧名思義參考咗西方Tapas小碟嘅元素,套餐選擇豐富而且分開呈上,幫傳統中菜換個新包裝。
 


清啤麻辣鍋

話明係火鍋,最重要嘅當然係個鍋啦!當中最特別嘅一定要數到呢個清啤麻辣鍋,首先可以先試下餐廳自家秘製麻辣湯底。用咗花椒粒、乾辣椒、薑片、八角、茴香等多種香料,雖然滾起嘅時候聞落唔算好刺鼻,但辣味同舌頭感受到嘅輕微麻痺感平衡得唔錯,真係相當刺激㗎。
 


安格斯牛頸脊

麻辣湯底最啱配牛肉,所以開飯仔建議大家肉類可以揀安格斯牛頸脊,脂肪唔多但肉味香濃,口感仲特別爽滑。
 

食到差唔多就可以將支清啤倒落鍋,一方面減低辣度,另一方面增加啤酒小麥香,令成個火鍋香味更有層次。清啤麻辣湯底就最啱配海鮮,配搭同辣酒煮花螺有異曲同工之妙。
 


不辣口水雞


醉拿手

食到條脷痺痺地,可以食返啲涼菜舒緩一下。八款涼菜每位可以選擇兩款,有辣有唔辣任君選擇,不辣口水雞惹味得嚟雞肉爽嫩,而醉拿手其實即係醉豬手,酒鬼要點呀。
 


手打鮮蝦丸


山東家常水餃

丸同餃子都係熱門火鍋配料,呢個套餐可以畀大家任揀一款手打丸同手作餃子。手打鮮蝦丸唔單止清楚見到蝦肉,食落亦相當鮮甜彈牙,無俾麻辣湯底完全蓋過。而山東家常水餃亦夠哂足料,如果水餃皮再薄多少少就更好喇。
 

更多【飲食潮流】:
1. 呢個聖誕最「芝」味!The Cheesecake Factory聖誕推介
2. 快餐店出火鍋! 超足料姬松茸花膠雞鍋
3. 首次推出!連鎖火鍋店新出「蒸籠」料理



新鮮雜菜籃


桂花糕

套餐仲包埋豐富嘅新鮮雜菜籃同甜品桂花糕,特別係桂花糕夠清甜,中和返麻辣湯底嘅辣勁。
 


中式雞尾酒:Earnest 實 


無酒精雞尾茶:香茅鐵觀音

每位仲可以揀一杯特調飲品,酒鬼當然唔可以錯過佢地嘅中式雞尾酒,加入中國元素更有特色。唔飲得酒嘅話亦可以一試佢地嘅無酒精雞尾茶,入口零舍清爽得嚟不失中國茶嘅悠長餘韻。所以話傳統中式火鍋其實都可以完全唔老土!
 




日熹樓
灣仔杜老誌道6號群策大廈4樓及5樓




文、相、片:Cathy

關鍵字
灣仔
麻辣火鍋
清啤麻辣鍋
京川菜
雞尾茶
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】零食速報 每周新款零食、酒品點評
4天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
牛大人火鍋姊妹店!旺角新開台式燒肉吃到飽 任食澳洲 M5 和牛、SRF極黑牛霜降牛肉眼
2020-10-19
【即睇10月生日】酒店半價放題 Tiffany & Co.旗艦店導賞
2020-10-06
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12