潮聖打卡好去處
7天前
今時今日同朋友聚會,當然唔少得影下相打下卡,所以揀餐廳時除咗會留意食物質素,亦會睇下餐廳裝修得有無心思,環境有無氣氛。今次小編就為大家精選咗幾間睇得食得又影得嘅餐廳,呃like無難度啦!

Camellia (尖沙咀)       
香港知名餐飲集團THE FOOD STORY嘅全新概念餐廳- Camellia以氣質聞名嘅「山茶花」做主題,用咗9,999朵粉色系嘅山茶花佈置餐廳,更配以雲石餐枱同粉色桌椅梳化,少女心爆棚!係到用餐就好似置身係法國嘅茶室咁,又浪漫又甜蜜!餐廳更提供全天用餐服務,從優質味美嘅鹹點到精緻悅目嘅甜點都任君選擇,總會有一款啱您!仲唔快啲約埋班閨密好友嚟嘆下美食打下卡!

精選沙律 (Camellia Salad)
新鮮每日送到嘅羽衣甘藍配埋巴馬臣芝士、洋蔥、番茄香草、芹菜、紅菜頭、松子堅果等,加問檸檬橄欖油同極具特色嘅蕃茄泡泡,酸酸甜甜,超refreshing!

脆皮蝦三文治 (Crispy Baby Shrimp Sandwiches)
多士脆身有牛油香,夾住份量十足嘅香脆大白蝦,再配上他他醬,入口相當有驚喜,非常惹味!加埋熱辣辣又脆卜卜薯條同椰菜沙律一齊食,正好平衡一下油膩感!

三式藜麥壽司卷 (Sushi Roll with Quinoa in 3 Ways)
紅藜麥加黑藜麥卷成嘅壽司卷上加上和牛、蟹肉同芒果,款款各有風味!和牛卷中加上香菇,香氣十足;蟹肉卷上加上黑魚子同金薄,感覺分外貴;芒果卷中加入咗神秘醬汁入口辣辣地好得意!

慢煮和牛牛小排 (Slow-cooked Wagyu Short Ribs)

慢煮至少七小時而成嘅和牛牛小排加上蘑菇燒肉汁,入口又香又甜又juicy,配埋意大利粟米蓉同香草芝士脆片,口感勁豐富,絕對係必食之選!

精選特飲
餐廳提供多款精緻特飲,款款都睇得又飲得:少女時代、紙醉金迷、宛如白雪(後左至右);玫瑰茉莉果茶、草莓熱情果果茶 (前左至右)。 


道頓堀御好燒專門店
(銅鑼灣/旺角/ 尖沙咀/太古/沙田/荃灣/大角咀/紅磡/大埔)
道頓堀御好燒專門店在日本有300多間分店,2017年登陸香港,主打御好燒、廣島燒及文字燒等,兩年多就開了9間分店。日前,店方宣佈推出「全港最高CP值鐵板燒放題」,依家係指定分店限定時段每人$98就可以任食共38款材料豐富嘅御好燒、文字燒、蒸籠料理、炒麵、炒飯和沙律,更能落手落腳邊食邊玩自己燒,製作出獨一無二嘅燒餅,而且更係無限時間,非常過癮!

道頓堀雜錦御好燒
材料勁豐富,有魷魚、豬肉、花枝、蝦等,先倒粉漿煎成餅,把海鮮炒熟,加入椰菜、醬汁等,最後撒上柴魚同醬汁,大家仲可以發揮自己既廚藝,即整即食! 

野菜蒸
日式蒸賣相色彩繽紛嘅野菜,食起來無負擔、營養又健康,簡單又美味!

大蝦 
利用煎嘅方法將蝦嘅鮮味鎖住,再加醬汁,食完成個嘴巴都是蝦香,正呀!  

1cm厚切加拿大自然豬腩肉 

肉質嫩滑,每邊都煎到金黃色 ,好香口又重油脂香, 口感豐富,絕對係必食之選! 

肉類雜錦炒麵
炒麵非常足料,自行加上炒麵汁調味,好玩又好味! 

亞蟹 (中環)       
可以話係一間食蟹嘅專門店,主打多國菜風味烹調蟹餚,同時亦提供各式日式小食。所有原隻蟹菜式,吃完蟹後,餐廳都會免費提供特色馬來豆簽麵、天使麵或大熱嘅泰國粉絲,麵吸滿蟹汁、味道更上一層樓之餘,保證飽肚!

檸檬蟹
餐廳首創嘅蟹菜色,由斯里蘭卡煮法變化已成,入口帶微微檸檬清香,檸檬帶出蟹本身嘅鮮甜味,辣度可隨客人喜好調教,可辣可不辣,加入特製麻椒更可變為「麻香檸檬蟹」。

㰖角蟹 
店內獨一無二嘅新口味,亦係亞蟹嘅熱門招牌菜。以欖角配鮮蟹,用獨特煮法做到不失原來蟹鮮味之餘、又會滲入濃濃嘅㰖角味、更可混合另一招牌煮法「藤椒蟹」,變為 「㰖角藤椒蟹」,做到鮮麻、蟹同欖角香集於一身。嗜辣之人更可加上老板自制嘅辣粉,滋味無窮!

藤椒蟹
另一熱爆亞蟹菜色,做上空運直送嘅鮮藤椒,煮到麻香樸鼻,配合蟹本身嘅鮮味、嚐麻辣嘅您絕對唔可以錯過! 

特色姜辣蟹

同一般姜葱蟹截然不同!除咗用上本身獨特煮法外、更用上新鮮黃姜同南姜,姜辣味獨特之餘,黃姜對身體有好多好處,老板大推嘅食法之一!

北海道小樽「海貓屋」蟹意粉
亞蟹最具特色嘅西菜之一,用上香港本地時令小蟹、三點、紅花、或白花蟹仔,配合特制蝦蟹餚成嘅湯汁同香料,難怪咁多食客食到連碟都唔放過啦! 


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
山茶花
浪漫
打卡
道頓堀御好燒
御好燒
文字燒
蒸籠料理
炒麵
炒飯
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】便利店尋寶 每周新品速報
6天前
給自己一個休息時間 10-11月下午茶推介
2019-10-25
高CP值放題推介
2019-11-07
鼎王來了!味道服務媲美台灣 必食麻辣鴨血鍋及員工教路秘製鼎王飯
2019-11-01
糧尾打氣!5間灣仔平價飯堂推介
2019-10-24