年尾生日聚會同節日派對特別多，尤其係聖誕節！要令氣氛更圓滿，當然唔少得甜品同蛋糕。而家經 OpenRice訂蛋糕，多間人氣餅店任你揀，仲有外賣自取優惠，輕鬆準備甜蜜慶祝時刻！
俄式蜂蜜蛋糕 Romanova Bakery (尖沙咀、荔枝角、銅鑼灣、沙田)
由三位具有俄羅斯同中國文化背景嘅女士共同創立，將東歐、俄羅斯甜點帶嚟香港！佢哋所有蛋糕都由嚟自俄羅斯嘅主廚手工製作，當中包含家鄉秘製食譜𠻹～俄式蜂蜜蛋糕系列之中，「招牌四味蛋糕」可以一次試勻原味、開心果、朱古力同野生漿果4款口味；如果鍾意士多啤梨同雜莓，「紅半彎蜂蜜千層蛋糕」、「無敵雜果園蜂蜜千層蛋糕」都係大熱之選～
精緻創意蛋糕 SHANSLATE (觀塘)
圖：店舖(IG)
主打造型精緻、多款特色口味嘅蛋糕店，蛋糕Size由4至8寸不等，最大嘅12個人share都得，啱晒慶生同派對活動～鍾意伯爵茶嘅朋友不妨試試「日本茶粋堂伯爵茶莓果蛋糕」，自家製綜合莓果醬酸甜度啱啱好，襯上充滿佛手柑香氣嘅日本茶粋堂伯爵茶、厚厚嘅朱古力粒粒莓果慕絲，濃郁茶香同清新感兼備。另外「靜岡蜜瓜茉莉花蛋糕」以優雅嘅陶瓷花瓶為題，「芝麻湯丸薑汁撞奶蛋糕」則融合港式糖水概念，每款都好有深意。
戚風蛋糕主題店 Kiuki Sweet Bakery (觀塘)
戚風蛋糕口感輕盈，唔少人都鍾意食～呢間甜品店嘅戚風蛋糕內裡好似層層疊咁，「栗子蘋果×焙茶戚風」就有特濃栗子夾心、栗子忌廉同新鮮粒粒蘋果，香甜有咬口。「芋泥爆漿流心×斑蘭戚風」亮點係自家手工製無人造色素低糖芋泥，入口奶香軟糯，加埋QQ嘅牛乳麻糬、海鹽椰子爆漿流心同輕芝士忌廉，愈食愈過癮！佢哋仲有盒子蛋糕，包括招牌伯爵奶涷海鹽焦糖、鐵觀音奶涷栗子蘋果等口味都值得一試。
優雅風戚風蛋糕 Sweets N Stories (荃灣)
圖：店舖(IG)
OpenRice獨家9折優惠(可荃灣西及多區港鐵站交收)～要同閨蜜、媽媽慶祝嘅話，呢間蛋糕店就啱你喇，事關佢嘅蛋糕造型好Elegant，畀人少女、溫馨嘅感覺。口味方面偏西日風格，其中「70%特濃朱古力焙茶戚風蛋糕」結合橙乾、原味忌廉、杏仁粒、特濃朱古力慕絲、焙茶忌廉、軟心朱古力忌廉等元素；「芒果流心伯爵茶戚風蛋糕」就以伯爵茶製作戚風蛋糕，搭配新鮮粒粒呂宋芒芒果、伯爵茶忌廉同自家製芒果流心，味道清新怡人。
人氣麻糬戚風/芭菲蛋糕 THE MOCHIFFON CAKE (旺角、中環)
圖：店舖(IG)
呢間嘅戚風麻糬蛋糕長期受歡迎，而4寸特別版同Mini Parfait就好適合2至4人嘅小聚會～如果鍾意清香口味，推介你試柚香伯爵戚風、玄米茶豆乳芭菲同開心果檸檬芭菲，味道比較soft；鍾意果仁香嘅話，情迷可可戚風同榛果東方美人茶芭菲都係唔錯嘅選擇。仲有覆盆子開心果芝士戚風、芋泥焦糖布蕾戚風嘅搭配都比較有特色，想有新鮮感嘅就啱晒喇。
OpenRice 外賣自取都可以訂蛋糕喇！無論生日、慶祝、節日或小驚喜，都有大量人氣餅店畀你揀。即日起用優惠碼「CAKE」訂蛋糕滿$300減$15折扣！
仲等？按此立即落單
