新舊派川菜融合!酸菜龍躉、香辣蟹、水煮三文魚 尖沙咀新開兩層高川菜館(有片)
2019-06-04

香港人鍾意食辣嘢,川菜近年喺香港都愈來愈受歡迎。尖沙咀最近新開咗間兩層高嘅川菜館,餐廳大廚符師傅已經有二十幾年烹調四川菜經驗,曾主理過多間正宗川菜餐廳, 除咗傳統四川菜,今次將大玩新舊派川菜融合,創出唔少新派川菜!餐廳裝潢選用紅色主調,傳統中見型格,牆上嘅壁畫亦增加咗餐廳川味元素。


巴蜀香辣蟹,師傅嚴選肥美嘅肉蟹,配以主廚自家調製嘅十多種香料同醬料炒成,香料同醬汁充份滲進蟹身。味道辛香之餘唔會搶過蟹嘅鮮味。味道真係幾辣吓,食得辣嘅開飯仔囡要嚟挑戰吓!


呢味霸王雪中紅其實就係喺傳統嘅四川麻婆豆腐上加上波士頓龍蝦,波士頓龍蝦肉質結實彈牙,麻婆豆腐反而辣度減少,多咗份龍蝦鮮味,撈飯食最正。


講到川菜又點少得酸菜魚,不過呢度就唔係用普通魚,而係龍躉啊!酸菜魚沙巴龍躉湯底用沙巴龍躉骨熬製,加入四川風味泡菜同泡椒,有魚湯嘅甜味外仲有酸辣,龍躉肉都好嫩滑~


水煮牛同水煮魚都聽得多,但呢度就有四川水煮低溫三文魚!三文魚用低溫處理,令肉質保持嫩滑,配上自家製嘅水煮配方,夠晒惹味~


更多【新店直擊】:
1. 鄧一君尖沙咀賣車仔麵 新派食材x傳統風味
2. 粉嶺華明小食街新開幕 必試泰式串燒、芝士條、刀削魚麵
3. 兩位媽媽尖沙咀開樓上日式茶舍 食日式餃子山火鍋、失傳黑毛豚叉燒飯


呢味紅花椒乾辟松露慢燒乳鴿,乳鴿先用煙燻同慢煮方式,再將乳鴿外皮炸脆,配以紅花椒汁同松露,最後用蘋果木煙燻上碟。


有時點都要食啲澱粉先飽肚嘅,夏日炎炎不如食返碗涼麵啦~招牌好川涼麵帶有微微酸味,惹味得嚟唔太漏。


最後梗係要食返個甜品,呢個榴槤鍋餅榴槤味濃郁,榴槤控絕對不可錯過!


餐廳內仲有三間vip房畀一大班人聚會用,而且其中一間仲有得打牌唱k,一邊食川菜一邊打牌唱k真係未試過啊~



好川好菜

地址: 尖沙咀堪富利士道11號堪富利士大廈2-3樓




文: Yanica

相、片: Tom Li


關鍵字
尖沙咀
川菜
中式
川菜館
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2天前
【特約分享】超抵外賣陪你抗疫 即睇將軍澳飲食地圖!
2020-03-10
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
2月份好評餐廳十強
2020-03-05
【3月生日】優惠情報!有折扣仲有生蠔送
2020-03-03