新派星馬泰菜推介
2019-11-14
近年都多咗港人去星加坡、馬來西亞、泰國旅行,心思思想食東南亞菜但又無時間飛翻轉?不妨試試香港嘅星馬越菜呀!

泰斗 (尖沙咀)       
位於尖沙咀嘅繁華鬧市中,一間主打正宗泰國菜,具新派泰國風情而又不失地道特色嘅半露天平台餐廳及酒吧。裝潢靈感源自於泰國渡假嘅舒適感覺,有顧客稱餐廳為「尖沙咀嘅隱蔽森林」,仿佛以為自己係熱帶樹林中。食客可一邊飽覽九龍公園景色,一邊品嚐全泰國藉廚師班底炮製嘅泰式料理,保證無論食物, 以至環境氣氛, 都別具泰式風味,讓你係鬧市中偷閒一刻!

招牌咖喱肉蟹
廚師每日採購新鮮大肉蟹,保證肉質鮮甜,加上精心烹調嘅蛋白咖喱汁,啖啖肉,味道濃郁又鮮又,泰國風味十足。咖喱汁更可以伴飯或蘸蒜蓉包/薄餅,一味多食!

泰北奇妙草串骨
餐廳用獨家秘方香料醃制嘅豬仔髀,再加上泰北奇妙草紅咖喱汁,配搭妙絕,充滿泰北風味,快啲嚟試下啦!

脆脆鍋巴
蝦醬炒香剁碎咗嘅香辣豬肉碎,配上脆脆嘅鍋巴一齊食,入口辛辣並帶有小許蝦醬香味,令人一試難忘!

鹽燒馬友

原條新鮮馬友魚加上泰式香草即叫即燒,用鹽燒嘅方式處理,燒至外皮焦香,魚肉細緻鮮嫩,帶有淡淡嘅香茅香氣。扒開魚皮嘅時候,油脂豐富,肥美又甘香嘅馬友魚油不停流出,入口啖啖散發魚油嘅甘甜,魚味十足,值得一試!

夏日必飲特色飲品
左至右分別係:充滿椰子同班蘭香氣嘅「蘭之戀」、經典懷舊嘅「黑牛」、「白牛」、甜蜜蜜嘅菠蘿蜜。 


Tom bar & Grill (沙田)  
餐廳毗鄰寧靜嘅吐露港,提供優質西餐、中式同泰式風味fusion菜,食客可一邊欣賞海景一邊享受由泰國藉行政主廚設計嘅佳餚。 餐廳所有食材由泰國直送,保證有泰國風味!

泰式炭燒魷魚
經過炭燒嘅魷魚又香又爽口,再沾埋泰式酸辣汁一齊食,絕對係泰美味之選! 

泰式生蝦
生蝦晶瑩爽口,大大隻啖啖肉又爽口,非常新鮮,加上伴隨嘅泰式酸辣汁,更將其鮮甜提升到另一層次!

蒜香雞
愛蒜頭之人必食嘅蒜香雞皮脆肉嫩又多汁,好多人都試過都讚不絕口㗎!

燒美式豬仔排骨  
燒豬排骨嘅表面黏著微甜而黏黏,就好似焦糖咁依附係豬仔骨上嘅BBQ醬汁,讓人忍唔住想一食再食!

菠蘿咕嚕肉
酸酸甜甜又香脆嘅咕嚕肉,肉質外脆肉軟又保持到肉汁,味覺享受,醒胃小菜之選!


隨心 (鰂魚涌)      
鄰近鰂魚涌地鐵站出口,一間主打星加坡同馬來西亞菜嘅小店,提供多款食品選擇,受區內住客同打工仔歡迎,亦都可以話係小編嘅飯堂! 

天然海藻水晶粉沙律 
天然海藻含海藻酸,可以減低身體吸收的脂肪量,加上煙韌嘅水晶粉、健康嘅腰果,新鮮嘅沙律菜,配埋日式胡麻醬,令人食慾大增!

手工蛋餃喇沙
隨心嘅喇沙用咗十幾種天然原材料,再加入香濃椰子汁製成,椰香十足,有陣陣花生香,微辣惹味。手工蛋餃係以蛋皮包成嘅餃子,金黃色澤嘅餃皮令餃子更富蛋香味,值得一試!

隨心無骨海南雞 
海南雞份量十足,肉嫩豐腴,有齊脾位同胸位,雞肉滑而不韌,有雞肉香,附上秘製醬油、薑蓉同辣汁,醬油甜甜地可以提升味道,而辣汁辣而不搶,配埋黃油飯食,正呀!

亞參鳳梨咕嚕肉 

亞参除了是係印度東北面嘅城邦,亦係調味料羅望子嘅別名。大廚醬羅望子醬汁加入常見嘅咕嚕肉中,令菜式多咗一份東南亞風味,醬汁濃稠適中,入口酸酸甜甜,無絲毫油腻感,送飯一流!

馬來西亞肉骨茶
隨心嘅肉骨茶材料非常豐富,包括:冬菇,玉竹、黨參、當歸、紅棗、甘草、胡椒粒、新鮮一字金沙骨,熬製幾小時已成,最啱伴白飯、豆腐卜或油炸鬼食!  


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany
關鍵字
泰菜
Fusion
新派
咖喱
泰北
泰式生蝦
沙田
馬來西亞
肉骨茶
鰂魚涌
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】便利店尋寶 每周新品速報
2019-11-29
【2019聖誕】早鳥優惠! 聖誕自助餐推介
2019-11-27
秋風起!5間大閘蟹放題食店集合
2019-11-19
【2019聖誕】年尾叉電 聖誕下午茶集合推介
2019-11-19
【2019聖誕】約會之選 聖誕市集推介
2天前