有抵食壽喜燒新登場！尖沙咀呢間壽喜燒專門店，嚴選鹿兒島同北海道A4黑毛和牛供應6款唔同部位嘅壽喜燒，仲係味道較香濃嘅關西風壽喜燒，低至$148就食到，價錢好宜人～另外仲有刺身同壽司，包括每日直送嘅長崎直送藍鰭吞拿魚，同埋限量北海道根室海膽，今個7月經OpenRice訂座，指定時間前離座可享全單9折優惠𠻹！

招牌關西風壽喜燒

壽喜燒套餐齊備肉盤、神奈川無菌蛋、自家製柚子蘿蔔前菜、蔬菜盛盒同日本米飯或讚岐烏冬，而單一和牛部位套餐會提供唔同分量畀大家揀。如果有選擇困難，鹿兒島三重黑毛和牛套餐就啱你喇，一份包括黑毛和牛肩胛、黑毛和牛肉眼同埋黑毛和牛西冷各60g，由肉味香濃到油脂豐富嘅都試到。

原塊鹿兒島A4黑毛和牛

最抵食之選：北海道A4黑毛和牛(70g)+豚五花(60g)套餐($148)｜圖：fishtailjai

鹿兒島三重黑毛和牛套餐($298)、鹿兒島A4黑毛和牛肩胛套餐(130g/$188；180/$238)｜圖：Xbabychanx、lanna tsang

日本直送刺身

餐廳亦有供應刺身同壽司，更由長崎直送藍鰭吞拿魚，赤身、中拖羅同油脂最豐厚嘅大拖羅三個經典部位都一次過滿足大家。如果想多啲變化，吞拿魚五點壽司拼盤有齊赤身、中拖羅、大拖羅、火炙壽司同吞拿魚蓉，集鮮、香、爽滑等滋味。

吞拿魚五點壽司拼盤、刺身

北海道馬糞海膽｜圖：lanna tsang

午市定食$68起 7月限定：海膽拖羅三色丼

午市定食有11款選擇，包括人氣溫泉蛋和牛丼、鮮味魚生丼，更不定期更新期間限定款式，好似7月就有海膽拖羅三色丼，鋪上鮮味北海道馬糞海膽、脂香豐盈嘅拖羅同埋鹹香嘅三文魚籽，搭配微酸醋飯，啱晒海鮮控呀！

7月限定：海膽拖羅三色丼($188)

溫泉蛋豚肉生薑丼($68)

裝潢簡約幾relax

天澗壽喜屋  
地址: 香港尖沙咀堪富利士道6-6A號爵寓1樓

文：Cathy