大伙兒滾滾下! 長沙灣靚料火鍋店推介!
2019-04-11
「打邊爐」是香港人聚會活動嘅指定動作之一,但一街都係火鍋店 ,究竟邊間打邊爐先至大件夾抵食?雖然香港物價越來越貴,但其實仲有唔少良心食店推出平民價高質食物!今次小編就決定同大家去長沙灣發掘「大件夾抵食」火鍋精選!

喜點.鮮鍋 (長沙灣)
生猛海鮮粥底火鍋店,餐廳環境寬闊,設計簡約時尚,整潔明亮,枱與枱之間不擠迫,沒有壓迫感,坐在這裡吃火鍋感覺舒服。特設生猛海鮮火鍋套餐,包括高質生猛龍蝦、海蝦、再配搭50款新鮮火鍋料選擇! 食物選擇多元化,大件夾抵食,難怪深受街坊歡迎! 至啱一班朋友聚會慢慢食!

「忘不了海鮮火鍋套餐」$298/位(兩位起)
包含六款火鍋湯底選擇、生猛龍蝦、五款時令海鮮、一碟頂級安格斯牛頸脊,同50多款火鍋配料無限添加!仲有竹蔗茅根水或有機豆漿同甜品!

精選火鍋配料
供應嘅配料食品超過50種,包括自家製手打墨魚丸、美國肥牛、自家製水餃、雲吞及多款蔬菜。 餐廳手打嘅肉丸,新鮮juicy,肉丸裏面有肉粒有咬口,雲吞足料裡面豬肉和鮮蝦比例剛剛好,必試之選! 

海鮮拼盤

海鮮份量十足,而且相當吸晴! , 生猛龍蝦大大隻又多肉彈牙、鮑魚新鮮又美味、仲有多寶魚、生猛海蝦、新鮮鮑魚、貴妃蚌、紐西蘭聖子皇同黃金蜆! 好豐富呀!

有米粥鍋
吃過海鮮後,放入食粥五寶,大頭菜、芫荽、豬油渣、菜浦、東菜,同粟米、南瓜粒、芋頭粒等粥鍋吸收晒海鮮嘅鮮味,好正呀!

大煲皇煮廚 (長沙灣)
深受街坊歡迎嘅十八年真材實料火鍋店,火鍋湯底選擇多元化,配料樣樣高質!火鍋店主打雞煲、火鍋及精美小菜,亦有多款活魚海鮮刺身,自設養缸,保證新鮮。店內空間夠哂寬敞,無論三五知己一大班人圍威喂吹水,還是同另一伴烚烚下暖笠笠,都完全無問題~

本地特級手切肥牛
火鍋店嘅主打牛肉之一,本地牛肉牛味重,脂肪比例均勻,厚薄適中,唔洗牛肉味豐富! 最適合一眾牛魔王!

升級版濃湯花膠魚翅鍋
店內嘅人氣鍋底!不計成本地用鮮雞煲足六個鐘鐘頭,仲有8両牙揀翅!可先飲骨膠原濃湯再打邊爐,CP值超高!正呀!

加拿大象拔蚌刺身

店主堅持選用嚟自加拿大A級象拔蚌,無論係打邊爐定係刺身咁食都一樣咁美味!

自家製老壇酸菜斑魚鍋
真材實料嘅斑魚鍋,鹹酸香味突出,魚肉新鮮甜美!味道同內地嘅一樣咁正宗!

店主話會為OpenRice訂座嘅朋友仔不定時推出優惠,鍾意火鍋嘅朋友仔唔好錯過啦!
快啲bookmark定啦!
關鍵字
打邊爐
火鍋
火鍋店
火鍋精選
大件夾抵食
長沙灣
聚會
推介
真材實料
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】最後倒數!即將結業的老字號及人氣小店
2020-05-19
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
【隨時更新】全城抗炎!多間集團餐廳及老字號宣佈 暫停晚巿或休業 (內附名單)
2020-04-29
4月份好評餐廳十強
2020-05-07