台灣大熱軟歐包抵港 必食爆漿珍奶軟歐(有片)
2019-01-04

新一年繼續吹「台」風,再有台灣品牌登陸香港,主打手工烘焙歐式軟包,必試爆漿珍奶軟歐,即係麵包版嘅珍珠奶茶!店家亦特別用萃茶機沖泡茶飲,有升呢版嘅珍珠奶茶,同藍芝士奶蓋茶等任揀。
 


Share le Pain香港首店位於銅鑼灣,供應新鮮出爐嘅歐式軟包、即沖茶飲等。麵包選用自家培植嘅貴腐酵母,原材料係精選高甜度日曬有機白葡萄乾,做出嚟嘅麵包多添一分自然香甜。
 


爆漿珍奶軟歐($15)

由台灣紅到香港嘅就係呢個食得嘅珍珠奶茶麵包!麵包加入原葉現磨嘅頂級台茶18號紅玉茶粉,而餡料就係台灣黑糖白玉珍珠同紅茶吉士,紅茶香突出,略嫌珍珠口感唔夠煙韌。
 


(左至右)髒髒の胖、囧囧の胖、羞羞の胖(各$35)

三款髒髒包都分量十足,外面同樣有一層朱古力脆皮增加口感。髒髒の胖以可可粉加70%優質比利時朱古力同忌廉芝士,囧囧の胖就係抹茶味配紅豆吉士餡,最後羞羞の胖嘅粉紅色賣相嚟自士多啤梨粉,裡面有士多啤梨果乾同忌廉芝士。
 


義式歐姆蛋($28)

唔好以為得雞蛋咁簡單!麵包先用甜蛋汁浸透,再加入火腿、蕃茄、芝士、沙律醬做夾心,放上雞蛋再焗,最後加少少黑胡椒調味。半熟雞蛋固然係亮點,而且甜鹹口味平衡有致。
 


(左至右)極濃乳酪($26)、少女心之戀($22)、雷神朱古力($22)

麵包口味千變萬化,極濃乳酪選用麥香濃郁嘅黃金全麥粉,口感軟彈再配以柔滑忌廉芝士餡。少女心之戀就糅合覆盆莓、台灣士多啤梨果乾同朱古力豆,味道酸甜。雷神朱古力外面係朱古力菠蘿包脆皮,裡面仲有核桃襯托出比利時朱古力嘅香味。
 

更多【新店直擊】:
1. 前大圍名店楓林小館灣仔重開 $78乳鴿、椒鹽蝦、香酥鴨全部食得返
2. Ufufu首間港島店開業 新出季節限定士多啤梨甜品
3. 人氣餐廳進駐長沙灣新Foodcourt 老Come煎餅、十二味酸菜魚

 

新店同樣供應飲品,茶湯用新一代萃茶機萃取,每種茶葉都會以特定嘅水量、溫度同水壓沖泡,確保發揮出每款茶嘅特色。
 


珍珠鮮奶茶($36)

珍珠奶茶嘅升呢版,黑糖珍珠用台灣特級黑糖粉煮成,配以明治4.3特濃牛奶,紅茶更加糅合台灣同斯里蘭卡出產茶葉,最後加上法式鮮打忌廉同黑糖粉,茶香同奶香平衡。
 


鮮醇芋頭奶($36)

選用台灣最出名和大甲檳榔心芋頭,每日新鮮手削、蒸煮同壓製成帶少少顆粒感嘅芋泥,再加明治4.3特濃牛奶,芋泥口感香滑甜味自然,不過加埋忌廉一齊飲完成杯會略感飽膩。
 


藍芝士奶蓋墨沏烏龍($35)

香港限定嘅藍芝士奶蓋,顧名思義係用咗丹麥藍芝士做成奶蓋,比一般奶蓋多咗份獨特嘅濃烈鹹香,配厚醇嘅台灣南投墨沏烏龍茶就最啱。如果唔慣飲鹹味奶蓋,一樣有普通芝士奶蓋畀你揀。
 



Share le Pain
地址:銅鑼灣告士打道280號世貿中心2樓207-208舖




文:Cathy
相、片:Tom Li

關鍵字
銅鑼灣
軟歐包
爆漿珍奶軟歐
髒髒包
珍珠鮮奶茶
芋頭奶
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
人氣餐廳進駐長沙灣新Foodcourt 老Come煎餅、十二味酸菜魚(有片)
2018-12-28
一鍋兩食!上層干鍋底層火鍋 荃灣必食龍蝦海鮮山(有片)
2018-12-28
觀塘新開酒店半自助餐 任食即開生蠔、長腳蟹
2019-01-09
12月份好評餐廳十強
2019-01-14
前大圍名店楓林小館灣仔重開 $78乳鴿、椒鹽蝦、香酥鴨全部食得返
2019-01-03