倫敦過江龍西班牙餐廳Aqua Nueva大館開設期間限定店 必試得獎招牌五款口味炸丸子(有片)
2020-11-11

鍾意睇靚景嘅朋友,應該都對位於尖沙咀、坐擁維港海景餐廳Aqua唔陌生。最近餐廳嘅姊妹店,於倫敦屢獲殊榮嘅西班牙餐廳Aqua Nueva正式進駐中環「大館」,喺現代英倫餐廳Statement位置開設為期三個月嘅期間限定店!Aqua Nueva倫敦本店坐落攝政街,主打新派西班牙小食、共享菜式及創新雞尾酒,而今次香港pop-up亦有得食一系列嘅招牌菜。


招牌炸丸子Croquetas(五款口味)

講到餐廳最招牌菜式,當然係呢個獲獎名菜招牌炸丸子。呢味炸丸子有英國最佳炸丸子嘅稱號,每款炸丸子皆為手工製作,外脆內軟,一共有五個口味。曼徹格芝士黑松露炸丸子,採用嘅母羊奶百分百產自西班牙拉曼查高原,再配搭香氣濃郁嘅黑松露,味道完美平衡;黑毛豬火腿炸丸子選用西班牙巴達霍斯黑毛豬,肉味突出;而野菌口味就較清新。


波士頓龍蝦濃湯炸丸子口感軟滑,完全係飲緊龍蝦濃湯嘅感覺;而黑炫海鮮加入海鮮製成,又幾惹味。


招牌西班牙辣汁馬鈴薯

千層馬鈴薯以一片片嘅薯仔疊起而成,製作過程需要三日,外層炸得香脆,而且薯仔味都好濃。配上番茄醬及黑蒜醬食味道更豐富。


招牌牛肋骨焗薯批配阿根廷青醬

呢道同樣都係以千層馬鈴薯作底,上層再放上慢煮72小時嘅牛肋骨,肉質軟腍,配上阿根廷青醬。阿根廷青醬係阿根廷獨特醬汁,主要由荷蘭芹、橄欖油同辣椒等材料製成。


更多【新店直擊】:
1. 荃灣新開健康主題海景多國菜!自選三菜一湯午市定食+必食牛油果溫泉蛋
2. 灣仔新開港日韓風一人一鍋火鍋放題 任食澳洲M6和牛肉眼 仲有海鮮盤+韓式炸雞
3. 加拿大過江龍Crêpe第二分店進駐灣仔 新推出焦蘋肉桂可麗餅、招牌紅茶吉士口味


伊比利亞豬肉片配香蒜希梅内斯醬

用伊比利亞豬肉,呢隻豬肉呈現大理石紋般嘅油花,有油香而不膩。豬肉呈微微粉紅色,而香蒜希梅内斯醬更有助中和返豬肉嘅油香。


墨汁西班牙海鮮飯

同樣都係餐廳招牌名菜,加入墨魚、魷魚、蜆肉、青口及鱸魚等海鮮煮成,鮮味濃厚,一班朋友分享就啱啱好!


餐廳亦從倫敦帶嚟四款招牌雞尾酒,包括以岩杯盛載的「Mi casa su casa」,由Grey Goose梨味伏特加、少許蜂蜜、檸檬及菠蘿汁調製而成,再撒上黑胡椒,味道清新醒神。另一款人氣特飲「Formentera Colada」加有Ciroc果汁冧酒、椰奶烈酒、Manzanilla雪莉酒,以及少許青檸和菠蘿。經典雞尾酒「Catalan Sour」當中嘅椰奶烈酒由HAIG Club威士忌、栗子、蛋白、檸檬及蜂蜜製成,並於面層添上吉士焦糖。「Nueva Spritz」將伏特加同接骨木花糖漿完美結合,然後加入即磨胡椒,再混入西班牙氣泡酒及青檸,配埋青瓜口感清新。


Aqua Nueva(Statement位置)

地址: 中環荷李活道10號大館1座1樓






文: Yanica

相、片: Calvin Kwok


關鍵字
中環
大館
過江龍
西班牙菜
期間限定
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
情人節愛意滿瀉 甜蜜蜜堂食/外賣下午茶推介
2021-02-01
【隨時更新】零食速報 每周新款零食、酒品點評
3天前
日本吉列牛排店京都勝牛進駐銅鑼灣 黃金六十秒炸法 推介京都勝牛三味套餐
2021-02-18
楚撚記新line!荃灣新開餃子店 必試黑松露什菌餃+香煎潮汕韭菜粿
2021-02-10
1月份好評餐廳十強
2021-02-09