九龍城$388 大閘蟹+台式小吃放題 任食多膏大閘蟹、肥美蚵仔滷肉飯(有片)
2020-10-27

大閘蟹嘅季節又到喇!大閘蟹放題其實唔係中菜同酒樓嘅專利,九龍城呢間文青台灣菜亦加入戰場,推出大閘蟹+台灣小吃任飲任食放題。價錢就分三個級數,以大閘蟹重量嚟計,最平$388就可以食到約三至四両重嘅大閘蟹,仲有多款用蟹粉製成嘅菜式、台灣小吃、甜品及飲品,通通都係任食,平時鍾意食蟹嘅朋友要Bookmark定。


呢個大閘蟹任飲任食放題點玩法呢?首先價錢就分三個等級,最平$388就食到約3両-4両重嘅大閘蟹公+約3両重蟹乸;$498同$608就可以食約4両-5両大閘蟹公+約3両半蟹乸或約5両-6両大閘蟹公+約4両蟹乸,三個等級都係任食88分鐘~


原隻大閘蟹公/蟹乸

食得呢個放題當然要主攻大閘蟹喇!餐廳選用江蘇大閘蟹,每個等級都會供應蟹公同蟹乸,蟹公就偏向軟滑香濃,而乸嘅肉質就結實,揀邊款就睇個人口味,不過無論公定乸,一開都係滿滿嘅蟹膏,絕不欺場。


食食吓想轉口味,仲有得食多款用蟹粉製成嘅菜式,蟹粉花枝丸彈牙有口感,食到花枝粒,一口蟹粉鴨血口感同樣Q彈,而蟹粉就令到味道更豐富。


蟹粉水餃內餡係椰菜豬肉,餡料清新,配埋蟹粉食恰到好處。


另外仲有生滾大閘蟹粥同台式腸蟹粉糯米飯,生滾大閘蟹粥煲得綿密,每一啖都都帶蟹膏味道,而蟹粉糯米飯本身都幾香,配埋蟹粉就有錦上添花效果。


除咗蟹粉菜式,仲有幾款台式小食供應,如蚵仔滷肉飯、士林鹽酥雞、原條厚燒鰻魚、薑茶芋圓、黑糖珍珠系列、芝士奶蓋及台式芋圓綿綿冰等,最推介蚵仔滷肉飯,每粒蚵仔都大大粒好肥美!


等等HEA 

地址: 九龍城福佬村道41號地下





文: Yanica

相、片: Calvin Kwok


關鍵字
九龍城
台灣菜
大閘蟹
放題
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】零食速報 每周新款零食、酒品點評
4天前
【2021生日優惠】持續更新!7月壽星半價嘆和牛燒肉套餐
2021-07-09
榴槤Buffet真的很興奮~ 九龍區酒店7、8月限定榴槤盛宴
2021-06-30
尖沙咀新開燒肉Omakase 專人燒日本A5和牛+特級寶盒鑽石肉
2021-06-28
投奔盛夏 7-8月份下午茶推介
2021-07-08