中環高質多國菜
2019-10-23
一年入面有唔少大時大節要慶祝,但次次都唔係去西餐廳就去酒樓,有啲悶?今次就為大家尋覓裝潢、氣氛、地點一流,又有不同種類,不同國家菜式嘅餐廳,間間都各有特色,必定有一間能配合您嘅聚會安排!

The ThirtySix (環)      
一間以歐洲豪華列車車廂為裝修靈感,取名自世界著名奢侈烈酒品牌麥卡倫(The Macallan)新釀酒廠內36支銅管蒸餾器嘅精品雞尾酒吧。一行入酒吧就可以見到大門位置陳列咗唔同熟成年份嘅麥卡倫;裝修採用黃銅色瓷磚配襯深色皮革梳化、懷舊旅行箱、大理石枱面同兩幅復古廣告壁畫。環境以可持續性以同環保為原則,絕無使用即棄塑料,更以自家特製嘅蘇打水、手工烈酒、少量苦艾酒同新鮮香草,令經典嘅高球雞尾酒進一步昇華,實行為客人帶來一個微醺嘅歡樂時光!

Foie Gras & Oyster in Yakitori Sake Sauce
一個陸地同海洋奢侈品嘅組合,用上日本料理常見嘅照燒醬燒生蠔配上白蘭地蘋果醬烤鵝肝,用紫菜夾住一齊食,口感好正,啖啖鮮味十足!建議配酒: C. MacLeod, Highland Park 12 YO whiskey cocktail

Old-Fashioned Bourbon Burger
將經典嘅雞尾酒變成漢堡,麵包外脆內軟,澳洲牛肉漢堡排鬆化juicy,溶了嘅芝士加上混合苦橙和車厘子果醬有其獨特嘅香味,更提升牛肉肉味,成功中和咗漢堡嘅肉膩感覺,令整體滋味升級! 建議配酒:Old-Fashioned cocktail made with James Pepper Rye whiskey

Rice Crackers with Veggies Mocktail Mousseline

將時令蔬菜如洋蔥、甘筍 、意大利黃瓜、茄子、紅椒等製成mousse, 再舖上牛油果,配搭脆卜卜嘅米通一齊食!神奇在就算大大匙mousse食入口,都唔會覺得膩!食落都係咁light! 建議配酒:Tatanka Highball made with the world's best vodka Zubrowka Bison Grass


Tiger Prawn Flambe rolled with Chicken Skin
脆皮雞皮包係炭烤蝦上,加上浸過蘇格蘭威士忌嘅乾檸檬片,燒到香味十足,新鮮感十足!建議配酒: Hojicha Mizuwari , a Japanese-style Highball made with the world best blended whisky Nikka from the barrel  
Buenos Aires Polo Club (中環)      
餐廳位處係老蘭嘅頂端,以馬球呢項貴族運動為主題,裝修充滿殖民地色彩,牆上掛滿馬球棍同裝備以及有關馬球嘅油畫,細心留意會發現有一兩幅帶啲黑色幽默,環境氣氛有啲似私人會所,提供多款肉扒選擇,係中環嘅高質扒房!

餡餅 (Empanadas)
口感似酥皮嘅阿根廷式炸餃子,裏面係滿滿嘅菠菜同普羅臥芝士, 香氣十足!

阿根廷熱溶芝士配烤麵包 (Provoleta)  
煙煙韌韌嘅阿根廷熱融布拉塔芝士 ,帶咸香 ,配上暖拱拱嘅烤麵包 ,啖啖都滋味滿分!

西班牙豬肉香腸 (Chorizo Sausage)
西班牙臘腸口感紮實,油脂芬芳,帶有大蒜與匈牙利紅椒嘅煙燻香氣,烤熱後散發出濃郁香氣,外脆內軟,肉質結實彈牙,口齒留香! 

Hamachi Ceviche

靠青檸汁強烈酸度「醃熟」魚肉,再加入墨西哥胡椒、 阿納海姆辣椒、 粟米、 新鮮香菜等配料增添風味,殺菌消毒之餘,亦為海鮮僻腥提鮮。因為完全無落油、又係健康嘅白肉,超啱怕肥嘅女士開胃菜、仲好啱好嚟送酒!

Bone-in Ribeye
以天然健康草飼方式飼養嘅General Pico brand 阿根廷純正黑安格斯西冷牛扒, 肉質較有咬口之餘,脂肪又唔會太多而帶天然牛香,烤完肉質粉嫩、肉汁豐腴,可以為食客帶來味覺嘅絕妙享受!  

BEDU(中環)
位於中環歌賦街嘅 BEDU,是巴西日系酒館 Uma Nota 嘅姊姊店,環境輕鬆悠閒,設有吧枱讓客人與廚師可有交流,主打以現代手法和地道時令食材演繹豐富多樣嘅貝都因人中東地道游牧飲食文化,以組合簡單、味道突出嘅香料,比傳統中東菜輕怡得多。正如沙漠遊牧民族貝都因人會按季節遷徒,BEDU亦會因應季節變化推出不同嘅時令菜式和雞尾酒,為大家帶嚟清新嘅中東菜之選!

烤羊架配蒜香乳酪和中東香料油 (RACK OF LAMB)
烤羊架有焦香之餘又唔會過燶, 微微透出陣陣木香, 配上蒜香乳酪作醬可以中和肉類嘅油膩感,為味蕾帶來滿足享受! 

哈里薩辣醬檸檬烤八爪魚配香辣紅菜頭蓉 (HARISSA AND LEMON GRILLED OCTOPUS)
烤八爪魚做得十分出色,八爪魚很腍,一點都不韌,配上香氣哈里薩紅辣椒醬,相當惹味,加埋鮮甜又好味嘅紅菜頭蓉,令人忍唔到食完一啖又一啖!


香烤西蘭花配爽脆羽衣甘藍、辣椒和中東香草醬 (CHARRED BROCCOLI, LABNEH)  
本地新鮮西蘭花、爽脆嘅羽衣甘藍、辣椒配上Zhoug(中東香草醬),入口時充滿濃濃香草味! 

香烤菲達芝士配煙燻檸檬及百里香蜂蜜 (BAKED FETA)

原塊菲達芝士煎起, 羊奶嘅羶香同醬汁嘅甘甜, 加上芝士外脆內軟嘅口感,最啱配搭埋自家製外脆內濕潤柔軟嘅麵包一齊食!

黑蒜及醃辣椒雞肉串燒 (CHICKEN SKEWERS)
味道酸甜嘅黑蒜,加上用辣椒同香草醃製過嘅雞肉,入口香味十足! 

Uma Nota (中環)       
Uma Nota嘅創辦人Alexis Offe將巴西小酒館帶到香港,成為本港首間主打巴西風日本街頭小食嘅餐廳,以獨特設計、美食、飲料同氛圍,餐廳係中環芸芸酒吧中成功突圍而出!餐廳營造巴西小酒館愜意氛圍之外,亦帶來正宗嘅日本巴西街頭小食同雞尾酒,真實呈現聖保羅嘅地道滋味!

味噌辣汁生魚片 (Miso Tiradito)     
薄切白身魚加入有酸橘汁嘅味噌醃製, 再添上腰果、辣椒、芫茜同牛油果,入口酸酸甜甜,帶微微辣味,有少少似變奏版嘅冬蔭公,但質感較濃稠,味道較濃烈。

醃吞拿魚 (Tuna Skewers)
用上黃辣椒醬同煙燻辣椒醃吞拿魚,再配醃漬紫洋蔥,口感一流,配搭非常新鮮,值得一試! 

雞肉炸丸子 (Coxinhas de Frango)

Juicy嘅雞肉同秋葵小丸子配上由日式芥末同青瓜蛋黃製成嘅秘製醬汁一齊食,味道層次極豐富,更可以將炸丸子嘅鮮味完美引發出來!

西班牙青檸汁醃魚生 (Ceviche Guayas)
大廚係鮮嫩白魚、魷魚、鮮蝦、紫洋蔥同芫茜中加入黃辣椒醬、芫茜、紫洋蔥,然後徹底拌勻,再係表面撒上炸香蒜,口感非常豐富,味道酸酸甜甜又帶點辣,超refreshing! 

黑芝麻慕斯 (Black Sesame Mousse)
黑芝麻慕斯配蛋白霜同新鮮紅莓,令人耳目一新,為整個大餐畫上一個完美嘅句號。 

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
中東菜
酒吧
日本菜
巴西菜
多國菜
阿根廷菜
中環
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
2020-06-26
食豪啲啲 城中5間海鮮+肉扒父親節自助餐
2020-06-10
至甜初夏 6月下午茶推介
2020-06-15
灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
2020-06-11
甜蜜蜜暑假 7月下午茶推介
6天前