【餐飲券優惠】2023新派+傳統月餅優惠精選 芝士/老陳皮等口味低至68折
2023-08-18

中秋佳節梗係要賞月嘆月餅啦,想為自己同親友準備特色月餅,可以參考以下10個品牌嘅精選推介,用埋餐飲券預購可享68折起早鳥優惠𠻹~


新派月餅

歷山餐廳 金箔月餅套裝 81折  

酒店推出呢款金箔月餅套裝,grand得嚟又有創意,當中包括兩款手工月餅:「金鑽‧映月」即係蛋黃白蓮蓉月餅,幼滑嘅白蓮蓉配上上等鹹蛋黃,面層再以金箔點綴,帶點輕奢感覺。而「翡翠‧白玉」則為法式芝士開心果流心月餅,以法國優質忌廉芝士、幼滑嘅美國開心果果蓉做餡料,切開顏色分明,食落口感層次豐富。

81折餐飲券:(按此

 

圓貝 純素花茶月餅配茶包套裝 81折  

純素台式茶飲店推出嘅純素花茶月餅,係注重健康飲食人士必備嘅應節食品。100%純素嘅花茶月餅設有茉香金桂、玫瑰烏龍兩款口味,造型亦反傳統做法,一層層好似西式夾心餅,幾別緻;禮盒重配咗兩款經典茶葉包,延續茶香餘韻。

81折餐飲券:(按此


高格行有限公司(一個不榴) 黑刺貓山王榴槤冰皮月餅 7折起  

榴槤控自然要買返盒榴槤冰皮月餅啦~呢間食品公司引入馬來西亞人氣品牌「一個不榴」嘅榴槤冰皮月餅,當中包括黑刺榴槤冰皮,竹炭皮包住嘅餡料,用當地自然樹上熟嘅黑刺榴槤製作;而選用「榴槤界愛馬仕」貓山王製作嘅冰皮月餅則香甜回甘,兩款質感都好似雪糕咁幼滑!

7折起餐飲券:(按此


帝一榴 金裝貓山皇榴槤冰皮月餅禮盒 79折  

如果你特別鍾意貓山王嘅味道,呢款馬來西亞製造嘅「金裝貓山皇榴槤冰皮月餅禮盒」就啱你喇~月餅用100%純貓山王果泥製作內餡,無添加人造香精同防腐劑,榴槤味道香濃;冰皮則Q彈唔黏牙,食用前15分鐘放置室溫解凍,口感會更加好。

79折餐飲券:(按此


Mayson Garden x 聚點坊 拔絲/流心奶黃迷你月餅禮盒 7折  

唔只咕嚕肉有拔絲效果,月餅都一樣有!呢間點心專門店第3年推出自家品牌月餅,今年就炮製拔絲迷你月餅禮盒同大家過中秋。月餅以鹹蛋黃同幼滑嘅流心奶黃做餡料,味道鹹香,切開有拉絲效果。品牌仲有流心奶黃迷你月餅禮盒㗎,兩款用餐飲劵預購都免運費包送貨,夠晒方便。

7折餐飲券:(按此


傳統月餅

Gaia Group 花好月圓月餅禮盒 8折  

雜錦口味最啱想每款試少少嘅朋友,花好月圓月餅禮盒有5款傳統同茶味月餅,包括醇正蓮蓉、醇正蓮蓉蛋黃、金腿五仁、伯爵紅茶同桂花烏龍茶口味。其中金腿五仁月餅以核桃仁、杏仁、瓜子仁、芝麻仁同欖仁入饌,相當有咬口;另外伯爵紅茶月餅加入清香嘅佛手柑,當飯後甜品食都唔錯。

8折餐飲券:(按此


君綽軒 30年陳皮紅豆麻糬月餅 8折  

想試高質嘅傳統手工月餅,可以考慮由酒店高級粵菜食府製作、不含防腐劑嘅出品。30年陳皮紅豆麻糬月餅顧名思義,選用30年陳皮、順滑嘅紅豆蓉配上煙韌軟糯嘅麻糬製作餡料,香氣獨特又甜而不膩,沖杯中式茶慢慢嘆更加滋味。

8折餐飲券:(按此


Pokka cafe 金箔御品沖繩黑糖雙黃白蓮蓉月餅 92折  

西日Cafe品牌都有推出月餅㗎!無添加防腐劑嘅「金箔御品沖繩黑糖雙黃白蓮蓉月餅」,餅皮加入沖繩黑糖,帶淡淡炭燒芳香亦唔會過甜;月餅面層放上金箔片更顯名貴,送禮自用都合適。

92折餐飲券:(按此


香江花月 懷舊飛行棋月餅禮盒  68折  

食得又玩得呀!懷舊火鍋店自家推出嘅懷舊飛行棋月餅禮盒,盒面設計成飛行棋棋盤,更附上棋子,讓你同屋企人一邊做節,一邊玩兒時遊戲。而月餅包括皇牌流心奶皇、迷你蛋黃白蓮蓉同純素芝麻奶皇口味,集傳統同健康款式於一身。

68折餐飲券:(按此


鴻福堂 迷你蛋黃白蓮蓉月餅/雙重滋味月餅禮盒 91折  

離中秋節重有個幾月,想揾定出品有保證又方便攞貨嘅月餅,可以考慮呢間連鎖品牌,佢嘅電子券喺港九新界十幾間指定分店都適用。自家製迷你蛋黃白蓮蓉月餅,質感幼滑,味道甘香。而雙重滋味月餅禮盒則包括迷你陳皮豆沙月餅、迷你黑糖麻糬金沙奶黃月餅,可以一次過將清甜同Q彈嘅滋味帶返屋企。

91折餐飲券:(按此

更多月餅優惠:(按此



關鍵字
中秋節
月餅
優惠
餐飲劵
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
持續更新! 2024生日優惠 食盡歐亞各式料理
2024-07-02
【2024新店精選】7月更新! 嘆印度土邦宮廷菜、典雅江南菜
7天前
前五星級酒店烘焙主廚尖沙咀開店 推千層酸種蛋撻、牛角包
2024-06-26
【隨時更新】零食速報 每周新款零食、酒品點評
2024-07-09
點心放題2024!經典香港懷舊點心主題、送極品花膠灌湯餃及鮑魚燒賣
2024-06-27