九龍海逸君綽酒店嘅中菜廳【海雲天】最近推出令人垂涎三尺嘅2小時榴槤放題盛宴，仲配埋東南亞風味二人定食套餐。唔單止有得任食D24及紅蝦榴槤，仲有多款榴槤甜品輪流登場，榴槤迷絕對唔可以錯過！【海雲天】鄰近黃埔海濱，設有落地大玻璃，食住榴槤望海景，絕對味蕾同視覺雙重享受。

榴槤放題包含任食兩大人氣品種，D24榴槤口感滑順，甜度適中，味道濃郁而唔膩。而紅蝦榴槤口感綿密，帶有淡淡嘅漿果味和花香，味道甜中帶甘，亦稍微帶點酒香。另外，仲有多款榴槤特色甜品輪流供應，包括榴槤綿綿冰、榴槤糯米滋、榴槤凍糕、榴槤糯米飯、榴槤波波、榴槤奶凍、榴槤西米露，每日不同，神秘感十足。榴槤綿綿冰囗感幼滑，榴槤味濃不膩，係夏日消暑首選。而榴槤糯米滋外皮煙韌，中間夾住香濃果肉。榴槤奶凍則甜度適中，濃厚果味加上奶香，老少皆宜。

而東南亞佳餚二人定食套餐匯聚多款東南亞菜式，令你一次過食勻多國風味！泰式串燒以地道泰式香料醃製，選用上乘豬肉、牛肉同雞肉串，配合炭火燒烤，香氣撲鼻。串燒燒得香脆，搭配泰式甜辣醬或花生醬更添風味。 街頭飛天通菜以猛火快炒，保持爽脆口感，加入蒜蓉及蝦醬，味道濃烈惹味，啱晒鍾意重口味嘅食客。新加坡薑炒飯得粒粒分明，薑香撲鼻，令人食指大動。

鮑魚海鮮冬陰功湯底濃郁，酸辣味突出，加入鮑魚、蝦、青口等海鮮，提升咗整體鮮味，飲落非常開胃。呢個套餐仲包埋片皮鴨！片皮鴨烤至皮脆肉嫩，油香四溢，配以青瓜、京蔥及甜麵醬，卷起即食，層次豐富。一啖咬落去，皮香肉滑，甜中帶鹹，令人回味無窮。

快啲約埋你嘅榴槤戰友，一齊去【海雲天】品嚐果王盛宴啦！

立即搶購：【79折】[兩位用] 2小時榴槤放題盛宴