--此優惠活動已完結，感謝大家踴躍參與--

今時今日嘅香港，樣樣嘢都貴，連麵包都要成$10個，拎住$20可以食到啲乜？

只要你夠快手，$20，分分鐘就可以食到火鍋放題又或者成個芝士雞煲喇！OpenRice由9月21日起，一連8個禮拜舉行訂座感謝祭，有一連串訂座優惠兼抽獎，總之多訂就多獎啦。嚟到第二個禮拜嘅$20快閃優惠，係好多人都好鍾意嘅火鍋主題呀！買$20快閃優惠仲可以獲得3次抽獎機會（詳情按此），頭獎係最新型號Macbook Pro，仲有125份獎等你攞！

即刻睇下有邊幾間餐廳提供激抵優惠，mark實心水、約定朋友飯局時間，9月28日秒搶$20餐飲券啦！

油麻地、天后、深井  滾得棧

$20快閃優惠：原條活魚刺身  $288

香港、九龍、新界都有分店嘅呢間火鍋店，有唔少火鍋配料都係自家製，蝦丸墨丸等更由師傅每日新鮮打製，難怪開業多年一直有唔少捧場客。原條活魚刺身深受歡迎，除咗當刺身咁食之後，剩下嘅魚骨魚腩等仲可以放埋落邊爐一齊滾，夠晒鮮甜。

大圍 文記火鍋

$20快閃優惠：波士頓龍蝦  $208

打邊爐必食嘅海鮮、牛肉、丸餃類等，呢度通通有齊，唔止有，仲要款多，淨係鍋底都有成十幾個選擇，由常見嘅四川麻辣鍋，到養生嘅紅棗牛奶花膠鍋都有。波士頓龍蝦肉質鮮爽嫩滑，想用廿蚊就食到真係要快手。

大圍  漁品酸菜魚火鍋放題

$20快閃優惠：漁樂酸菜魚火鍋放題套餐  $275

好多人都鍾意放題，咩都有得食嘛。呢間餐廳嘅放題套餐，有埋邊爐打添呀。廿蚊買到嘅$275漁樂酸菜魚火鍋放題套餐非常豐富，有4款小食、6款刺身同多款海鮮等等、仲有多款靚牛靚豬同酸菜魚/水煮魚/鑊仔雞任叫任食。

旺角、尖沙咀  吞POT 雞煲火鍋.住家菜 Lazy Pot

$20快閃優惠：頂級安格斯牛小排   $258

喺旺角同尖咀都有分店嘅呢間餐廳，午巿主力做健康住家套餐，晚巿就變身成雞煲火鍋店，款式多多，例如重慶麻辣、花雕藥膳雞煲等。今次$20食到嘅頂級安格斯牛小排，肉質細嫩，肉味香濃，打邊爐必食。

旺角、銅鑼灣、觀塘  米走雞

$20快閃優惠：芝士/麻辣雞煲（小）拼竹蓆茅根/酸梅湯/銀菊露（一壼）  $246

芝士控對呢間雞煲店一定唔會陌生，因為佢哋嘅招牌菜係黃金芝士雞煲，仲可以揀激量芝士，件件雞都可以360度完美地沾滿芝士，做埋拉絲都得。食完飲返壼竹蓆茅根或銀菊露等，仲可以清熱下火，咁就食多幾件都唔怕熱氣啦。

尖沙咀、銅鑼灣  酒鍋

$20快閃優惠：掛架頂級安格斯牛頸脊  $238

無論裝修定食材配料，都係走高級格調路線，湯底非常足料，仲有4格鍋、5格鍋揀，可以一次過試到多種口味。掛架頂級安格斯牛頸脊，掛喺放滿冰塊嘅木架上，雪花平均，一睇就知係靚牛，肉味濃郁。

灣仔  美味廚

$20快閃優惠：日本鹿兒島A4和牛前肩肉   $228

連續多年入圍米芝蓮車胎人推介嘅灣仔火鍋店，品質當然有保證，湯底創新，當中又以梳乎厘蟹皇蕃茄忌廉湯底最為推介，面層真係成層蛋白疏乎厘咁，好過癮。日本鹿兒島A4和牛前肩肉，牛脂同肉香並存，牛味突出。

旺角 鮮入圍煮

$20快閃優惠：一口牛拼盤 2人  $208

呢間火鍋店入到去好似去咗街巿咁，一排排水缸，可以埋去即場自己揀海鮮，有另類打邊爐嘅體驗。一口牛拼盤，一啖一粒，肉味濃郁，牛魔實好快就食晒。

大圍  友酒棧台式火鍋專門店

$20快閃優惠：美國雪花肥牛  $208

打邊爐嚟嚟去去都係嗰啲湯底同丸類？NoNoNo，試過呢間舖你就知道火鍋嘅世界仲有好大。呢度有提供多款藥材入饌嘅養生湯底，以及多款創意食材，好似薑汁皮蛋貢丸咁，配搭新奇。但點新奇都好，打邊爐永遠唔少得肥牛，仲要係美國雪花肥牛，啖啖肉仲有油脂香。

記得星期一朝早10點正就開搶喇！
訂座感謝祭 詳情 (按此)