【特約分享】聖誕聚餐飲可口可樂®️更暢爽!4間餐廳聖誕套餐推介
2023-12-12

聖誕佳節係同屋企人、好友共聚嘅最佳時刻,想為回憶加分?當然要一齊享用美食同可口可樂®,為聖誕大餐 Level Up,同時創造滋味回憶!過一個「聚」回味樂在聖誕~

睇埋今年聖誕,有咩特別套餐同菜式,最夾可口可樂® 先!
 

打卡聖誕花環Pizza  PizzaExpress

嚟自倫敦嘅 Pizza 專門店 PizzaExpress 推出精心設計嘅滋味聖誕套餐,可以自由選擇意式小食、主菜、甜品,再配玻璃樽裝嘅可口可樂®️^!玻璃樽裝嘅可口可樂®️ 特別夠氣又夠凍,配美食最爽。選擇當中以麵包球聖誕樹同火雞火腿軟心芝士沙律最應節,麵包球加上香濃羅勒香草醬同星星脆包模仿聖誕樹,火雞火腿軟心芝士沙律就用聖誕必食嘅火雞配搭意大利煙肉、牛油果、紅莓乾,增添風味。
 

打卡就必點聖誕花環牛肉薄餅,以軟嫩嘅燉牛頰肉配羽衣甘藍同紅莓乾,既有意大利風情亦有聖誕氣氛。而且餅底輕盈,配埋可樂一齊食多兩件都唔怕膩。甜品推介飄雪薑餅人芭菲,可愛薑餅人放喺雲尼拿雪糕、焗麵包球、士多啤梨果醬同藍莓上面,可愛到差啲唔捨得食啊。
 

澳洲特色主題扒房  Outback Steakhouse

餐廳嚴選上乘新鮮食材,每日炮製出多元化美食,而且佢哋嘅菜式一直以份量豐富見稱,而且價格合理。所以一大班朋友開聖誕派對,訂佢哋嘅Coca-Cola®️ x Outback 派對套餐就最啱!有 5-6 人或 10-12 人套餐選擇,當中包括燒蝦凱撒沙律、燒肉醬味烤雞、燒美國肉眼牛扒等,當然唔少招牌黑糖麥包啦。而且加 $1 即嘆可口可樂® 330ml 高罐裝,超級抵!
 

人數同套餐有出入?部分菜式可以額外追加!蒸加拿大蟹腳、冰桶甜蝦、牛油果蟹肉薄脆片呢幾款都好啱一大班人開心 Share。想飽肚啲亦可以選擇追加燒肉醬味豬肋骨、蕃茄肉醬意粉、芝士白汁雜菜寬條麵呢啲主食。
 

可口可樂®️ x 新派中菜  嵐月

邊個話聖誕節唔可以食中菜?啟德呢間中菜館裝修走現代時尚風格,主打融合傳統元素嘅新派中菜,充滿驚喜。今年聖誕佢哋更推出一系列以可口可樂® 入饌嘅菜式,好有創意!例如可樂薑檸帶子凍,先以慢煮方式處理帶子、保持嫩度,再加入可口可樂® ,增加香甜滋味同時唔會蓋過帶子鮮味。伊比利亞豬鞍拌薑糖可樂汁更係先用可口可樂® 醃製伊比利亞豬鞍,再加上薑糖可口可樂® 汁,雙重可口可樂® 滋味同伊比利亞豬鞍嘅濃郁肉味非常夾!
 

而雪碧鳳尾拌淮山泥當中嘅鳳尾,其實係紅菜頭嘅莖部,鳳尾同山泥都先浸過雪碧,味道更清甜。最後記得食埋可樂薑泡泡,係廚師團隊特別將薑檸可口可樂® 雪成冰,再加上以雪碧打成嘅泡泡,口感獨特,為今次獨一無二嘅聖誕大餐畫上甜蜜完滿嘅句號。當然,如果各位可口可樂® 控覺得唔夠喉,可以再嗌多幾支玻璃樽裝可口可樂® ,同最愛共享更多滋味回憶!
 

正宗泰式咖喱沾麵  泰沾麵

要過一個與別不同嘅聖誕節,不妨嚟呢間泰國菜餐廳,試下坊間少見嘅招牌泰式沾麵。有青咖喱雞湯同紅咖喱虎蝦湯兩款選擇,泰式幼米線非常掛湯,啖啖正宗「泰」滋味!再加上泰國肥芽菜、蛋、酸菜,魚蛋、豬紅及炸通菜,層次好豐富。泰式香煎帶子嘅自製醬汁用羅望子、辣椒膏及蔗糖煮成,酸甜微辣帶出鮮味。帶子之間加入自製脆脆米餅,更襯托出帶子嘅嫩滑口感。
 

一滴不留招牌船麵嘅湯底係選用超過 20 種香料加上豬骨熬製而成,配搭泰國直送嘅豬肉卷及豚肉,或者泰國直送牛肉卷及和牛,香濃湯底令人回味無窮。而泰 Duck 生菜包就用咗泰國鴨胸肉取代一般嘅免治豬肉,口感同香味更上一層樓,用新鮮生菜包嚟食夠惹味,最啱配零舍夠氣嘅玻璃樽裝可口可樂®️!
 

 

睇完介紹你都想去試以上聖誕主題套餐?留意返 12 月 23 日至 12 月 26 日,於指定商戶(包括上列介紹餐廳!)*享用任何太古可口可樂公司飲品,憑收據即可到可口可樂®️ 聖誕市集換領尊屬無糖可口可樂®,上面嘅樽身貼紙可自訂名字,創造獨一無二,又有聖誕快樂回憶嘅紀念品!

可口可樂®️ 聖誕市集今年係聯同白紙市集,喺最新熱點啟德 AIRSIDE 舉辦!屆時將會有特色美食攤位同本地原創手作攤位,更有大型可口可樂® 聖誕車畀大家打卡,共度佳節。

【Coca-Cola®️ x 白紙市集 - 可口可樂®️ 聖誕市集】 
日期:2023 年 12 月 23 - 26 日  
時間:12月23 & 25-26 日:1pm - 9pm ;12 月 24 日:1pm - 10pm  
地點:九龍啟德協調道2號 AIRSIDE 地下露天廣場 及 G008-G009 號舖(港鐵啟德站C出口)

 

*指定餐廳包括 Pizza Express(只限 MOKO 分店)、嵐月、泰沾麵(AIRSIDE分店)、 Tiger Ramen、阿不鴨不、山城小麵(AIRSIDE分店)、米炊(AIRSIDE分店)、Cinnabon(AIRSIDE分店)、Goobne Chicken (AIRSIDE分店)、Nam Nam Vietnamese Cuisine 、MCL 戲院(AIRSIDE分店)、Chatterbox(AIRSIDE分店)、Outback(MOKO分店及德福分店)。

^指定分店

※資料由客戶提供

客戶專訊
餐廳資料
更多
收起
本月熱門
【2024生日優惠】持續更新!5月壽星「天際」慶生+驚喜杯壽司
2024-05-04
東京炭火現烤手工漢堡扒 100%日本牛肉製作 7/5登陸中環
2024-05-02
【隨時更新】零食速報 每周新款零食、酒品點評
5天前
【專訪】居港12年韓國店主 堅持自製手工刀削麵
2024-05-10
本月優惠大集合 外賣自取指定食品、茶飲$28 片皮鴨24折
2024-04-22