【優秀開飯熱店大賞2022】安在家中食餐好 最受歡迎外賣自取餐廳
4天前

世界各地嘅奇珍料理都匯聚喺香港呢個美食之城內,呢度曾經日夜都係燈火璀璨,無論幾夜都總能夠喺街度搵到嘢食。可惜呢幾年受疫情影響,加上多項防疫措施令到呢個美食之城,變成冰封之城。要將冰封之城再次燃亮,除咗靠業界努力外,最重要都係靠大家嘅支持,集合力量燃起「美食之火」!6月15日,一人一票,完成任務,喚醒美食之城!投票支持心水熱店後,更有機會贏取獎品總值超過30萬!


基於疫情,唔少人呢兩年都習慣咗買外賣返屋企食,亦都打破咗大家對外賣嘅想像,其實外賣都可以食得好豪華。今年特別新增咗外賣自取組別嘅餐廳,入圍嘅餐廳咩種類都有,包括自助石燒牛扒店、新派杯裝叉燒、傳統港式西餐、人氣餃子店及抵食點心等,睇下邊間啱你心水:


自助石燒牛扒店 牛極 (皇后大道東)

人氣自助石燒牛扒店,餐廳供應多款嚟自美國、日本或澳洲等地嘅牛肉,有唔同部位同重量選擇,全部牛肉都經過熟成處理,令肉質變得較軟腍。招牌牛肩排性價比最高,牛味十足有肉汁,而且有咬口又唔會韌,可以配埋岩鹽或者黑椒汁一齊食。咩部位都想食嘅可以試下亂切牛排,西冷、牛柳、牛肩排同肉眼排都有,咁就可以試晒唔同肉質同口感喇~

圖: Luby Bear


新派杯裝叉燒 好叉好味 (禧利街)

叉燒飯唔係好似平時咁用傳統白色飯盒裝,而係改用放大版嘅咖啡杯,味道方面除咗傳統焦蜜口味,仲有惹味嘅辛麻口味同清新嘅柚香口味呀~餐廳採用中西合壁烹調手法,幫豬肉長時間按摩後用中式醬醃製,跟住放入特別機器慢煮三十分鐘,先高溫鎖住叉燒肉汁,然後低溫慢煮,最後再高溫煮令表面焦香,送飯一流!

圖: bunny_woof


老字號港式扒房 金鳳大餐廳

傳統港式西餐,堂食時以熱騰騰嘅鐵板呈上親民價扒餐,如美國德州頂級西冷牛扒餐、安格斯肉眼扒餐、大蝦牛柳餐及什扒餐等,款款都好大份,絕對係飽肚之選!淋埋香濃嘅黑椒汁或燒汁,惹味之餘最重要係可以回憶舊時嘅味道,即使外賣自取亦無損興致。

圖: Cclikefood


人氣足料餃子店 豐信餃子店

超足料餃子店,首先湯底係椰子海帶鮮雞豬骨湯,清甜得嚟又唔會搶咗餃子味。必食有椰菜鮮肉餃及芝士粟米鮮肉餃子,前者鮮甜多肉汁,後者有濃濃既芝士味及粟米增添口感。另外仲有唔少特色口味,如紫甘藍粟米餃及麻辣白菜鮮肉餃等!驚唔夠飽仲有得加麵呀。

圖: foodiegor


抵食點心 一點心

曾經奪得米芝蓮一星殊榮嘅點心專門店,餐廳以供應大件夾抵食質素又高嘅點心而聞名,係區內嘅人氣餐廳!最人氣薄皮鮮蝦餃,皮薄得嚟煙韌有咬口又唔會爛,內餡好多蝦肉好飽滿,仲好彈牙添~家鄉咸水角外脆內軟,蔥花蝦米腸好滑,配埋甜豉油同蔥花無得輸呀。

圖: ginie1817


其他入圍嘅外賣自取餐廳仲包括Grill ขุนทอง香港永年車仔麵茶冰廳川婆婆 (利園山道)堅信號上海生煎皇正斗粥麵專家荳子冰室DPD大牌檔老掌櫃東北菜館百芳池上便當Pickabowl (荔枝角)百份百餐廳馬祖台灣養生湯麵館川亭Outback Steakhouse樂天皇朝麵全食春水堂人文茶館三一餃子桂花小幸 (將軍澳)星洲總廚沙嗲王阿元來了 荳子小雨天筷子記,揀啱就快啲去投票啦,投票有機會獲得豐富獎品,要知道,你哋每個人嗰票都好重要,係喚醒美食之城嘅重要力量!是次投票分為兩個階段進行,共四個投選組別。每完成一組投票/回答問題(簡稱「任務」)皆可取得火炬,累積滿4枝火炬或以上即有機會可獲$100 OpenRice現金券獎賞!完成所有任務並累積滿6枝火炬,更有機會贏取豐富獎品!


活動詳情(按此
立即投票(按此

想支持心水餐廳,記得注意返投票日期:
菜式組別: 2022年 6月15日 - 6月28日
地區組別: 2022年 6月29日 - 7月12日
外賣自取及訂座組別:2022年 6月15日 - 7月12日


關鍵字
優秀開飯熱店
菜式組別
外賣自取
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!6月壽星免費嘆生蠔/清酒
2022-05-31
【隨時更新】最後倒數!2022即將結業嘅人氣餐廳
2022-05-30
5月份好評餐廳十強
2022-06-06
酒店新出「北歐神話」下午茶 10款鹹甜點色彩繽紛 多款海鮮入饌
2022-06-10
香港4大Crêpe推介!M9和牛可麗餅、蘋果金寶奶油醬口味
2022-05-31