好驚喜！ 位於九龍城這個美食重鎮，真係弱d都捱唔住 Smart bunny 點左豬紅蘿白魚蛋大腸米粉麻辣湯小辣，一上來個湯底辣得來香，一食知佢唔係流的，麻辣湯配埋米粉好正，米粉是幼身的更入曬湯的味道。 個豬血其實一上來未食見個樣都知正野，顔色新鮮有光澤又唔散，食落果然有咬口，沒有洞洞的，唔散又入味，好食。 大腸亦厚身入味，而且俾好多，咁嘅價錢真係好抵 蘿白清甜冇根的，魚蛋也是水準以上，彈牙美味。 另外叫左個炸雞翼，啱啱炸起熱辣辣，好香南乳味，不過重手左d咸左少少，調淡一點就perfect 了

點了招牌夢之丼。有別於一般魚生飯，魚生不是一片片鋪上飯面，而是像多種壽司形式組成一碗丼飯。以貴價赤醋飯做飯底，上面鋪有慢煮蠔、帶子、燒三文魚、大大隻蝦、三文魚子、冬菇、拖羅蓉，每一啖是不同滋味，這個丼飯由頭到尾是一個不同的美食旅程，令人食得十分滿足。 值得一讚的是個蝦湯，一喝，甜甜濃濃的蝦味湧上來，原來用了大量日本蔬菜同蝦去煲出來的，唔怪得咁鮮甜。 與師傅談起，原來連丼飯個冬菇也煮了幾個小時，唔怪得之咁入味。 師傅用心處理，十分推介👍🏻

Smart bunny 再訪la table de Patrick, 今次試佢tasting menu。 先上Amuse bouche, 三文魚下面用chicken liver mousse 墊底，用了來點麵包吃，好滋味 Foie Gras Trio 有三件，第一件是招牌，似雪糕咁的鵝肝混朱古力橙醬，第二件是混無花果鵝肝醬，第三件是一般常吃的咸鵝肝醬。 三件都好吃，最驚喜係似雪糕果件，盡顯大廚超功架。 北海道帶子，個帶子一般無乜驚喜，反而個配菜菠蘿煮到像豬腳薑的味道，好過癮 蝦carpaccio, concept 特別，味道還可以 Main course 個牛柳不過不失，始終牛是一分錢一分貨，會建議用rib eye, 平平地已得，牛柳冇番咁上下靚則好難過到牛魔王smart bunny果關。 這道菜我最喜歡個薯仔批，上皮炸脆了，下面切幼條混忌廉好滋味 Assorted cheese, 喜歡有smoke walnut 味道那隻cheese, 其實其他的cheese 也很特別，配葡萄、合桃、無花果乾很好，吃得開心。 最後的甜品是opera, 與之前午餐的甜品一樣，建議可以做多d甜品款式😉 整體來說還是不錯的，加上大廚Patrick 熱情招待，整頓飯吃得好開心。

為食美人Z試過The optimist 今年restaurant week summer 的午餐外大贊，立即吸引smart bunny 去試。有幸The optimist 拿到獎，所以仲有機會被我book 了 restaurant week lunch, $198 沒加一，即刻報導下有咩吃。 首先頭盆是一個semi buffet, 加一份broken egg 兩份分，semi buffet 一d都唔馬虎，有iberico jamon, 幾款pinchos, 幾款salad , 仲有cheese 同西班牙凍湯，陣容頂盛，其中蟹肉pincho 及iberico jamon 必吃。 Broken egg 是一道在西班牙好popular 的簡單菜式，一般以炸薯、jamon 加份煎蛋混合而成；西班牙菜色一般較重口味及油膩，smart bunny 也是淺嚐。 主菜有幾個選擇，我們選了flat steak 及duck confit。 flat steak 以這個價錢來說真心不錯，始終牛是一分錢一分貨，$198 3個courses 塊牛入得口已很幸運😁而且煮法不俗，醬汁有點酸酸咸咸的配合不錯，最驚喜是墊底的配菜，紅甜椒清甜美味，茄子也不俗，真心性價比高。 Duck confit 則處理得太腍，這個很難處理的，太乾像臘鴨，太腍像煲湯肉，香港小店處理得較好的是chezmoi 甜品有flan 及cheese cake, 一點不馬虎，兩種甜品的味道質感也做得很好。 這𥚃不收加一因為客人給的小費是全付給侍應生的，服務不錯，建議大方給予公平小費，支持一下侍應生們的好服務

上次友人為食美人Z吃過la table de Patrick後推介，今次襯住restaurant week summer ，又係smart bunny 出動時間。 身處中環的小店，一到埗大廚便熱情地打招呼，星期六的中午，播放著法文歌，享受著一個懶洋洋下午之際，已經開始上麵包。 麵包是一貫法國風，不是熱騰騰但很煙韌，配以加了鹽的牛油，好滋味呢。 頭盆選了chicken liver mousse, 三份很香滑的mousse, 這種做法解決了chicken liver 的嚡口之餘又保留它的濃勁味道。份量也是剛剛好，畢竟如果吃太多會膩的。 主菜選了rib eye, 大廚功力驚人，把一塊質地普通的rib eye 處理得極好，力功及醬汁一流，化腐朽為神奇，加上薯批面脆內軟一流，直到現在我還想念着那份美味。 甜品opera, 濃濃朱古力味，配上一點點橙皮，很法國的做法。 也點了assorted cheese, 來自法國的芝士味道很特別也很美味。 其實這店很像那些在法國南部的鄉間小店，大廚親切，食材未必是高價但用心挑選，處理食材的手法也很用心別緻，食客來到總會吃得高興。

賢友的洋蔥牛肉漢堡包，用驚為天人來形容也不為過。 藏身於新浦崗茶記小店內，新鮮免治牛肉漢堡，以烤熱半軟塗了牛油的豬仔包夾住，中間夾洋蔥、蕃茄青瓜、芝士、沙律醬⋯真係冇得輸，一面吃，肉汁一面流出來，仲有淡淡牛油香從個包沁出⋯Mr bunny 專程帶smart bunny 來吃這個地道美食果然不同凡響，個人覺得以港式漢堡來說，做得比時新更好呢❤️ 建議可加錢跟薯條，很抵吃，味道也可以；檸茶也做得不錯，專程去幫襯也值得。

身處香港，比鄰的麵食如日本的拉麵、台灣的牛肉麵、越南的pho ... 一般為香港人心頭好，來來去去也是遊走湯底+麵質+塊肉之間的較量。最近銅鑼灣又有新越南pho 店，為食bunny 趕快去試下。 吃個午餐，有set, 銅鑼灣價來說又幾抵吃，七十九元有小食有碗生牛肉粉仲有杯野飲免加一，地方乾乾淨淨，難怪開業不久已有好多人幫襯。 牛肉粉味道不錯，湯頭清甜, 飲了湯也不口渴，唯一美中不足是湯不夠熱，生牛肉放湯都唔駛止意會熟番少少 牛肉本身靚，又腍又鮮，有少少肉味；河粉也很滑，份量夠女仔吃（即比較細份囉）；另加了牛丸，驚喜，是碎肉丸來的，不是一般吃的實肉丸。d香葉就要叫先有（但香葉是生牛肉粉的重要部分喎），這間店用的香葉配湯有點怪怪，除紫蘇葉外其他暫時未識欣賞。 這個餐重點是--蝦餅！無論大小，味道，質感（有一粒粒碎蝦肉混入蝦膠內）都做得好好，個面也鬆化，很好吃。

為食smart bunny 喜歡吃台灣牛肉麵，但你知啦，講明台灣牛肉麵，好吃的通常都只在台灣吃到。朋友話香港的鐵牛仲好吃過d咩林x芳、永x 、72 等，咁誇張，一定要去試下佢。 試了佢私房牛肉麵同一d小食；小食中規中矩唔多描述（反正是來吃牛肉麵）。 牛肉麵湯底有強勁葯材味，不屬清淡風，但以紅燒牛肉麵來說好似差少少辛辣；不過愛吃肉骨茶的人應該覺得這個湯底不錯的。麵方面偏軟但尚算彈牙；至於牛，都算淋，也幾合格。 整體來說冇話好過台灣吃的台灣牛肉麵咁誇張，但在香港來說也不負星期一晚上也要排半個鐘入座之名，比起香港開到成行成市的小x,茶x同鼎泰x也贏到幾條街。

今次第一次來幫襯，試了Restaurant week dinner menu, 有頭盆+ 主菜+ 甜品，頭盆同主菜都有2個選擇。 先講頭盆，有green salad 同provoleta，兩款試晒。 Green salad 吃了也沒什麼印象，provoleta 反而很喜歡，smart bunny 是芝士控，這道Argentina cheese 熱騰騰地上枱，傳統配麵包吃，cheese 已調味，好正。 主菜有蝦及tenderloin，先講蝦，冇將貨就價，三隻虎蝦，蝦肉夠實浄，用薄意大利煙肉包住，配以有少少花生醬味的醬汁，用料及做法真心不錯；味道傾向重味似d cataluna 口味，不過smart bunny 偏愛濃味，重手少少接受到，而且整體味道也不錯 上完蝦，對塊牛有期望，不過期望越大失望越大，未開始吃已聽到友人話塊扒好鞋⋯ OMG, 友人已order 了medium rare, 我那塊medium 應該更加⋯果然，好勉強地同Mr Bunny 一人捱了半塊⋯暗𥚃叮囑自己steak 是一分錢一分貨，$398 的set 如果offer tenderloin 的話應該絕對無生還機會。 甜品則係加分之選，濃濃朱古力味蛋糕不時傳來酒香，好味。 整體都好抵食，份量大，裝潢靚，一班朋友happy Friday 之選。

吃很多鐵板燒，香港做得好的冇幾間，有幾間好早成名的反而很一般，反而近年像鉄人旨花的關師傅做得不錯。 為食朋友美人Z介紹旨味的午市，抱住一試的心態去吃個平平地的午餐，分別點了2個餐，不錯喎，沒有將貨就價。 Smart bunny 點了鵝肝及牛柳厚燒，鵝肝又厚又結實，兩邊外皮煎香, 好滋味。 找死點了厚燒牛柳，危險動作4.0啦，二百幾蚊鐵板燒餐真係好難俾d唔嚡嘅牛你；不過旨味果然係富豪酒店內的餐廳，食物質素高，件牛好juicy, 鐵板功不俗Mr bunny 點了銀鱈魚及鹿兒島黑豚，銀鱈魚不俗呢，皮脆肉嫩； 鹿兒島黑豚則與過往經驗一樣最好在鹿兒島先好食 整體來說性價比很高，以後途經尖沙嘴想吃個鐵板燒的話，有好去處了。