kurufai的个人专页

對於真係「驚為天人」ge食肆，心情會好複雜。 第一時間唔想同人分享，怕人多左，服務自然未必咁週到，甚至可能會變質添。 但明白到有時食肆搞得好、有誠意、品質高，但又未顧及成本，一般好快捱唔住，過左租期都會消失。所以我又需要上黎呢度推薦下。 對於呢d食肆、同一d好好食ge期間限定菜色（例如呢期些粉ge「冰爆菠蘿」思樂冰），我會好珍惜同佢地ge緣份。因為無人知仲食得幾耐。有好多間咁「過左身」ge好食肆，現在回想起黎都好懷念、好唏噓，甚至會因為嗰d逼人舖租而憤世嫉俗起黎。依家個市越黎越差，要保護至愛食肆，真係唔係淨投票咁簡單，問下佢個舖係米自置，如果係今年新續租ge，真係應該多d幫襯！