波爾圖

营业中

休息中

一到埗放低行李就搵食。住氹仔就梗係去舊城區食葡國菜，睇過小飛象餐牌，屋企人話唔多岩食，行多兩步見到波爾圖，佢話等5分鐘就有枱，決定食你。沙律是必須的，煙三文魚凱撒沙律，好好味，三文魚唔少，同埋唔係超市薄切貨色，係有厚度嘅鹹香味，沙律醬都好食，唔係一陣死實實嘅酸味，帶少少甜，完全吊起到菜嘅鮮味！👍🏻👍🏻炒雜菜，外貌一般，味道都一般啦。厚切黑毛豬，好香，肉鬆軟，醬汁好特別，酸酸甜甜嘅水果味，配菜又多又好食！芝士焗蠔，我個人接受到，屋企人話太腥，因為佢只係落沙律醬同芝士，冇用蒜去辟味，而且水份太多，所以唔太推薦。蒜蓉包真係必須食，好香好脆，除左蒜香，仲好清楚聞到包嘅香味，呢個平衡攞得好好！👍🏻👍🏻特飲都好味，雖然都係一般嘅果醬加汽水嘅做法，但加埋青檸真係好開胃，想追加！