影片
更多
2025-08-09
0 浏览
去澳門玩要試下地道葡國菜，行過氹仔見到呢間餐廳，覺得幾有特色，門面幾吸引，就決定入去試下佢。一入到去，覺得間舖嘅設計幾獨特，仲有幾層，整體環境幾舒服，坐低都幾寫意。不過呢排天氣好熱，喺街行到身水身汗行到入去好似冇冷氣咁，主要靠風扇，如果可以涼爽啲就 perfect 👍🏼坐低點完餐，店員送上餐包，但我哋四個人，佢只係俾咗三個包... 有啲尷尬 😅。問店員拎多個，等嘅時間都幾耐下。至於上菜速度就正常，唔算等好耐。食物方面：▪️香蒜牛油煮蜆 ($178)：第一碟上枱，味道同份量都 OK，牛油味好香濃，食落幾惹味。不過食到有幾隻蜆入面有沙，扣咗少少分。▪️大西洋八爪魚沙律 ($248)：搭配新鮮生菜同洋蔥，八爪魚嘅口感亦都煮得啱啱好，食落唔韌。不過份量睇落唔算好大份，感覺有啲貴。▪️忌廉薯蓉焗馬介休 ($188)：個面焗到金黃色，賣相好吸引！薯蓉本身好滑，奶香味好出，食落好creamy。可惜馬介休嘅味道就唔係好突出，整體食落冇乜驚喜。▪️葡式傳統烤乳豬 ($358)：乳豬皮好薄好脆，烤得幾香，味道係唔錯。不過食落就覺得啲肉有少少肥膩，而且以 $358 呢個價位嚟講，份量真係偏少咗啲，有啲唔夠喉。另外叫
一入到去，覺得間舖嘅設計幾獨特，仲有幾層，整體環境幾舒服，坐低都幾寫意。不過呢排天氣好熱，喺街行到身水身汗行到入去好似冇冷氣咁，主要靠風扇，如果可以涼爽啲就 perfect 👍🏼
坐低點完餐，店員送上餐包，但我哋四個人，佢只係俾咗三個包... 有啲尷尬 😅。問店員拎多個，等嘅時間都幾耐下。
至於上菜速度就正常，唔算等好耐。食物方面：
▪️香蒜牛油煮蜆 ($178)：第一碟上枱，味道同份量都 OK，牛油味好香濃，食落幾惹味。不過食到有幾隻蜆入面有沙，扣咗少少分。
▪️大西洋八爪魚沙律 ($248)：搭配新鮮生菜同洋蔥，八爪魚嘅口感亦都煮得啱啱好，食落唔韌。不過份量睇落唔算好大份，感覺有啲貴。
▪️忌廉薯蓉焗馬介休 ($188)：個面焗到金黃色，賣相好吸引！薯蓉本身好滑，奶香味好出，食落好creamy。可惜馬介休嘅味道就唔係好突出，整體食落冇乜驚喜。
▪️葡式傳統烤乳豬 ($358)：乳豬皮好薄好脆，烤得幾香，味道係唔錯。不過食落就覺得啲肉有少少肥膩，而且以 $358 呢個價位嚟講，份量真係偏少咗啲，有啲唔夠喉。
另外叫左一jar rose sangria ($268) 入口果味幾清新，酒體比平時嘅果酒厚，以一jar嚟講就唔算貴。
整體嚟講，餐廳環境有特色，食物水準有高有低，部分菜式嘅價錢有啲貴，性價比唔算好高。如果唔係特別追求環境或者想試特定菜式，可能會有其他更抵食嘅葡國菜選擇。
张贴
