影片
去澳门玩要试下地道葡国菜，行过氹仔见到呢间餐厅，觉得几有特色，门面几吸引，就决定入去试下佢。一入到去，觉得间舖嘅设计几独特，仲有几层，整体环境几舒服，坐低都几写意。不过呢排天气好热，喺街行到身水身汗行到入去好似冇冷气咁，主要靠风扇，如果可以凉爽啲就 perfect 👍🏼坐低点完餐，店员送上餐包，但我哋四个人，佢只系俾咗三个包... 有啲尴尬 😅。问店员拎多个，等嘅时间都几耐下。至于上菜速度就正常，唔算等好耐。食物方面：▪️香蒜牛油煮蚬 ($178)：第一碟上枱，味道同份量都 OK，牛油味好香浓，食落几惹味。不过食到有几只蚬入面有沙，扣咗少少分。▪️大西洋八爪鱼沙律 ($248)：搭配新鲜生菜同洋葱，八爪鱼嘅口感亦都煮得啱啱好，食落唔韧。不过份量睇落唔算好大份，感觉有啲贵。▪️忌廉薯蓉焗马介休 ($188)：个面焗到金黄色，卖相好吸引！薯蓉本身好滑，奶香味好出，食落好creamy。可惜马介休嘅味道就唔系好突出，整体食落冇乜惊喜。▪️葡式传统烤乳猪 ($358)：乳猪皮好薄好脆，烤得几香，味道系唔错。不过食落就觉得啲肉有少少肥腻，而且以 $358 呢个价位嚟讲，份量真系偏少咗啲，有啲唔够喉。另外叫左一jar rose sangria ($268) 入口果味几清新，酒体比平时嘅果酒厚，以一jar嚟讲就唔算贵。整体嚟讲，餐厅环境有特色，食物水准有高有低，部分菜式嘅价钱有啲贵，性价比唔算好高。如果唔系特别追求环境或者想试特定菜式，可能会有其他更抵食嘅葡国菜选择。
继续阅读
您可能会有兴趣的...