大少我生平最憎就係等位，諗住去親邊都必先訂位，由其喺馬交(Must do!!)，實冇死，第一次打去時，接線嘅姐姐(查實係姨姨)好有禮貌地以嬌嗲嘅聲線同我講：嗯~到時都可能要等架。我心諗，一陣啫，冇所謂啦，殊不知我嘅第一次係足足等咗九個字(45分鐘呀...)...雖然係咁，但仍然吸引我有第二次幫襯，可想而知，我對佢嘅包容有幾咁大...
環境方面，雖則地踎，但都算乾淨，尚可接受。
主角嚟喇...
食肉食得太多，可以搭舊降火冬瓜中和吓﹗
金黃奄仔蟹膏，質量皆非凡~~
三個字形容：好鬼鮮甜...唔點豉油，就咁食都冇問題﹗
