加東 (已結業)

發現原來可以寫澳門餐廳食評 咁岩我仲有相冇del到 咁就寫一寫啦咁我呢就係買團購優惠去澳門玩 所以有呢個百老匯美食券優惠我地去百老匯係睇佢個奇幻秀之前落樓下食街食嘢 只可以講 人流少得可憐 完全冇人 由於百老匯賭場未開 我諗唔到啲食肆可以點生存到 真係完全冇人架咁我地係行盡成個食街 最後揀咗佢間加東黎呢間嘢當然又係一個人都冇啦 我地坐咗陣 我揀咗個海鮮豆腐煲套餐 同埋一個咖哩石斑煲套餐 咁等咗陣已經上枱啦呢兩個餐 海鮮豆腐煲都算幾足料 青口 蝦 魷魚呢啲都有 同埋都幾多魷魚食 份量唔錯嘅 同埋個汁幾入味 味道唔錯嘅 啲汁撈落啲飯都幾惹味添 增添不少胃口跟住個咖哩石斑煲都唔錯 好多魚塊 都係份量取勝啦 但係味道方面都唔錯嘅 但唔算太有咖哩味 同海鮮煲比 海鮮煲比較好食 但咖哩其實唔錯 只係有比較之下海鮮煲好食啲 但佢啲薯仔幾好味但如果唔係有優惠券應該都唔會入黎呢間食 始終都係比較貴嘅