自助山 (已結業)

澳門之行就是來自助山，朋友話好多嘢食同好正，訂咗18:00至20:00時段，U2樓層一出巳有成百人，當時係17:30，服務員叫向前等，發覺左右兩條龍，再問之下原來左面walkin，右面巳booking，你唔問佢佢都唔出聲，快到六點仍未入座，得一個服務員才開始核對booking人客資料，起碼冇咗十五分鐘。話說食物枱有七十幾公尺長，問題就發生了，它是無間斷的食物枱，攞食物就要排隊，插隊俾人鬧，而該處地方之大可容納二、三百人，攞一次食物就要二十分鐘，兩小時可以攞幾多次，同埋的食物開始凍，冇可能由頭排到尾，見有人嘈 : 話的人hold住條line又唔囉野食....，呢樣嘢係香港唔會發生，因為香港冇咁大地方食自助餐，可能有人認為我咁執著呢件事，但足以決定人客仲有冇下次光顧心態。講番食物，款式真係好多，游水五吋大頭蝦即白灼，鮮炸天富羅，兩吋多飽魚仔，生壕...，一籠籠蝦餃、燒買見人係咁攞，自巳就唔見有，湯類太少，楊葱湯，朱湯同東陰功，全部唔合格，甜品好正，成枝棉花糖都有，但竟然豆腐花、紅豆沙欠奉...。埋單兩人連加一共$567，唔算貴亦物有所值，但食過就算，唔會再嚟，因為時間太短，唔可以慢慢嘆~