335
6
3
| 餐厅: | 龍鳳呈祥火鍋雞煲 |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
影片
港铁尖沙咀/尖東站 B2 出口, 步行约2分钟
继续阅读
电话号码
28198881
开饭介绍
打卡港式鸡煲店，以香港70至80年代为设计主题，带来浓厚的复刻感觉。鸡煲有多款特色口味，如秘制咸蛋黄酱鸡煲，非常惹味。
继续阅读
营业时间
今日营业
12:00 - 01:00
星期一至日
12:00 - 01:00
以上资料只供参考，请与餐厅确认详情
有关餐厅
有关奖赏计划
优惠
| 餐厅: | 龍鳳呈祥火鍋雞煲 |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
相关文章
。秘製鹹蛋黃醬雞煲半隻$268鍾意食鹹蛋黃嘅朋友，千祈唔好錯過！呢度係我第一次見到有鹹蛋黃味嘅雞煲！不單止新奇有創意，而且非常有料到！鹹蛋黃味真係超級重！而且浸晒落啲雞度，真係非常香！極力推薦！。龍鳳呈祥牛肉拼盤細$388有冇人同我一樣有選擇困難症雖然我哋都好鍾意食牛肉，但係真係唔知道食邊個部份好。而且又想樣樣都要試啲，呢度就推出咗龍鳳呈祥牛肉拼盤，簡直係選擇困難症嘅福音！牛肉鮮嫩，口感非常好，而且全部都係非常新鮮㗎！食肉愛好者，不妨過嚟試吓！。日本廣島蠔$98。打邊爐又點可以冇海鮮呢？我哋就叫咗呢度嘅日本廣島蠔，真係隻隻都非常新鮮！入去稍微浸幾分鐘就會變成一道美味佳餚！又大隻又多汁，仲非常之肥添！。即製回味五香肉丁餃六隻$78五香肉丁餃，真係呢度嘅一大特色！除咗五香肉丁味之外，呢度仲推出咗沙嗲牛肉餃子，真係非常之有創意！食落去真係令人聯想到唔香肉丁！口感同埋味道都好有質素！回味五味交集嘅童年！🫶🏻。龍鳳呈祥雜菜拼盤$138大家千祈唔好睇小呢個雜菜拼盤！除咗超級大份之外仲好有心思！嗰度有好靚嘅心形白蘿蔔，整到好似波板糖咁真係非常浪漫，仲有超級多我哋鍾意食嘅娃娃菜，同埋超級甜嘅粟米！。自家製陳年鹹檸七 $38基本上係我每次嚟到都一定要嗌飲品！呢度嘅鹹檸七真係非常之有料，個餡係佢哋自家特製，大家絕對可以放心，健康又好味！配上三款可以選擇嘅飲品七喜可樂同埋建議可樂啱晒唔同人嘅口味！食完熱氣嘢嚟返杯涼浸浸，真係爽到冇朋友！
继续阅读
🥚秘製鹹蛋黃醬雞煲 半隻本身雞煲已經好惹味，相當足料之餘雞肉比我想像中鮮嫩彈牙，兩個人食半隻雞份量剛剛好！秘製鹹蛋黃醬鹹香加蛋香十足，金黃色非常濃郁但配搭雞煲又唔會太濃味，之後加上上湯作火鍋，更有粒粒蛋黃，口感不錯！🥩 龍鳳呈祥牛肉拼盤（細）肉拼盤有牛舌片、手切牛肉、牛胸油、牛金錢展、牛肉粒及雪花肥牛。牛肉味香濃無雪味，而牛肉粒粒打邊爐原來都好OK，比牛肉片更保持肉味及嫩口，而牛胸油爽口零肥膩感，需要看似非常邪惡，但肉質有彈力又煙靭！🥟 即制回味五香肉丁餃（6粒）即制餃皮偏向厚，但勝在相當爽滑有口感！五香肉丁餡料紮實，食到粒粒肉丁，味道創新。🦐 龍鳳呈祥手打鮮蝦丸（6粒）鮮蝦丸彈牙，新鮮製有鮮味又爽滑，加上粒粒蟹籽增添口感。🥬龍鳳呈祥［豐盛］雜菜拼盤蔬菜拼盤非常「墜手」，滿滿拼砌一整盤新鮮蔬菜，仲有蕃茄、粟米、蓮藕、雲耳、白蘿蔔等等，而且仲有擺盤，打卡夠colorful。🍋自家製陳年鹹檸七打邊爐少不免會”熱氣”，飲番杯鹹檸七解渴又清熱。鹹檸原粒送上，想幾鹹可以自己調教，鍾意佢用上懷舊膠杯，玩味十足。
继续阅读
今晚來到這間火鍋店，頓時有走進時光隧道重返昔日的香港般，裝潢佈置以七八十年代的香港做主題，難得一見的舊式酒樓大龍鳳雕飾、格仔瓷磚牆及公雞陶瓷碗等，完全是童年回憶返晒嚟！私心重點一讚的是，播放的懷舊歌曲首首都識唱，還要播了好幾首王傑及Danny的金曲，我最鍾意聽。火焰原隻鳳梨雞煲 $288說回食物，雞煲口味都幾多，除招牌無骨鳳翼釀雞煲外，還有秘製榴槤雞煲、秘製鹹蛋黃醬雞煲、龍鳳呈祥雙雞煲（即田雞加三黃雞)等，我們點了個打卡一流的火焰原隻鳳梨雞煲。整個原隻菠蘿於鍋內，店員幫我們倒酒後再點火，待火焰熄滅後將菠蘿果肉及雞件一齊撈勻，雞肉好惹味又肉嫩，菠蘿被火燒後又煮得暖暖的，入口軟淋淋又香甜。其實食完雞煲都已經半飽，可叫店員加湯（可選雞湯或豬骨湯)開始打邊爐。龍鳳呈祥牛肉拼盤(細) $338這個拼盤有齊牛舌片、手切牛肉、牛胸油、牛柏葉、牛肉粒及雪花肥牛，每款大概6片/粒，質素不錯，個人認為最好味的是雪花肥牛，油花靚牛味濃；另外白色的牛胸油亦都好特別，不要以為它是牛的脂肪，其實是牛胸處類似筋膜類的肌肉，煮熟後口感爽口，一點都不油。即制回味五香肉丁餃（6粒) $78丸餃類其實都多選擇，點了份五香肉丁餃，不算太大粒，但皮薄餡多，五香肉丁的味道好突出，雖然標榜是辣味，但其實入口不辣，帶點鹹香。鬼馬油炸鬼 $68見到名字咁得意就叫來試試，原來是油炸鬼上面釀了墨魚滑及飛魚子，不過煮的時間真的要好好把握，因為油炸鬼其實都好快索湯汁變軟。豐盛雜菜拼盤 $128雜菜份量好多亦都好新鮮，有粟米、蓮藕、黑木耳、金菇、筍、唐生菜、油麥菜、娃娃菜，以及好有心思切成心形的蕃茄和白蘿蔔。Hoegaarden生啤(500ML) $88啤酒有好幾款選擇，我選了Hoegaarden，超級大杯，正！自家製陳年鹹檸七 $38友人飲鹹檸七，最特別是用七十年代的紅色漱口膠盅裝著來飲，幾過癮。陳年鹹檸配合七喜，酸鹹甜的味道都有，清新又爽口。
继续阅读
成間舖每個角落都係打卡位，連餐具器皿都係阿婆嗰個年代用嘅😂 一路播住舊廣東歌，成個食飯嘅氣氛都好好！如果有人生日，仲會敲鑼敲鼓咁樣播中式生日歌慶祝！同場其他枱嘅食客又一齊唱生日歌，非常正😍🥳🤣我哋惠顧當晚有四檯客生日播咗四次～呢度係掃QR code自助落單，雞煲全部可以揀辣嘅程度，仲可以揀走芫荽走蔥等等個人喜好選項😍 啱晒我！我要走芫荽🥶🤣🥘如果同蕃薯妹一樣好鍾意食雞翼嘅話，必定要試吓佢哋個〖招牌無骨鳳翼釀雞煲〗，成個雞煲入面全部都係雞翼🤩而且仲要冇骨啖啖肉！雞翼入面釀咗墨魚滑、甘筍粒，增加口感好好食！有得揀大細size，2-3人食就叫個細嘅啱啱好。🍲食完個雞煲就加湯打邊爐，店員會問你要加豬骨湯定係要雞湯？佢哋話豬骨湯會比較濃味啲，我哋揀咗豬骨湯🥰🐮仲有佢哋嘅另一個招牌菜〖龍鳳呈祥牛肉拼盤〗，一碟有晒手切牛肉、牛肉粒、雪花肥牛、牛舌片、牛胸油、牛柏葉，每樣都有六七片！牛肉嘅質素好高非常軟嫩🥰 特別係手切牛肉，油花靚，牛味濃，勁鐘意！🥰🥟呢度有幾款即制手工餃子，我哋揀咗比較特別嘅〖五香肉丁餃〗，真正港式風味！咬開好香五香肉丁味，好特別👍🏻🥬〖豐盛雜菜拼盤〗真係好豐盛😂 有粟米、蕃茄、白蘿蔔、蓮藕、黑木耳、金菇、筍、娃娃菜、唐生菜、油麥菜。份量多！啲菜都好新鮮，最驚喜係白蘿蔔，放咗落去雞煲個湯底煲淋咗之後勁甜😍🐟〖白鱔片〗一碟有成10片，都幾厚肉，煮熟後厚實爽口無泥腥味，唔算多骨～ 連本身唔鍾意食鱔嘅同行朋友都有食咗幾片！😆🍺生啤500ml有三個選擇，全部買四送一！============ヽ(○´∀`)ﾉ♪✰招牌無骨鳳翼釀雞煲（細） $278✰龍鳳呈祥牛肉拼盤（細） $338✰龍鳳呈祥豐盛雜菜拼盤 $128✰即制回味五香肉丁餃（6粒） $78✰白鱔片 $98✰Blue Girl生啤 500ml $88（買四送一）✰Hoegaarden生啤 500ml $88（買四送一）呢個份量我覺得可以3人食😆💵人均約 $420
继续阅读
呢日下晝嚟咗尖沙咀嘅樓上舖食個港式火鍋 餐廳以懷舊香港為主題☺️ 淨係門面嘅霓虹燈招牌已經貼晒題啦 餐廳有多個打卡位 好似行咗入時光隧道咁啊📻招牌無骨鳳翼釀雞煲呢個雞煲真係食得好方便✌🏻 一嚟到店員會喺面前幫手兜一兜啲雞 唔駛驚黐底 跟住食雞嘅時候係啖啖肉㗎 唔駛吮骨 無骨雞翼入面釀咗手打墨魚滑 非常彈牙🦑 雞翼外皮仲輕輕煎香咗 叫咗小辣都好惹味🌶 食到花椒八角嘅香味龍鳳呈祥牛肉拼盤呢個拼盤有多款牛肉嘅部位🐮 包括牛舌片 手切牛肉 牛胸油 牛柏葉 牛肉粒同雪花肥牛 每款牛肉都有唔同程度嘅牛肉香味😛 我就最鍾意牛胸油 唔係度度可以食到 雖然係肥美咗少少 但牛味真係好正即制回味五香肉丁餃呢個餃子嘅餡料辣辣地 非常過癮🥟 餃子外皮比較煙韌 食落有口感 都係個幾特別嘅菜式龍鳳呈祥手打鮮蝦丸蝦丸入面仲見到有蝦肉㗎🦐 唔代表食落口嘅口感唔一致 而係非常真材實料🥰 用料新鮮 蝦肉彈牙龍鳳呈祥豐盛雜菜拼盤呢個菜盤真係超多款菜🥬 有油麥菜 唐生菜 娃娃菜 粟米 番茄 白蘿蔔 金菇 木耳 蓮藕 本身以為咁大個陶瓷杯得一半裝咗菜 諗唔到啲菜係去到底 真係超級豐盛🤣生啤餐廳有好多款啤酒選擇 我哋就揀咗藍妹 打邊爐飲就啱晒🍻 啤啤佢先正呢間餐廳真係幾有特色 食物同環境都有驚喜 最令我有記憶點就係個雞煲 真係想快啲再嚟呢度食過⭐️
继续阅读