青洲劉記美食 (已結業)

可能是對這店的豬扒包期望太高了，真的吃了就發現不是那麼‘超級好吃‘的，一行３人都覺得只是一般，包有點太硬，豬扒也不是那麼多汁的，不知是不是當日人太多了影響水準。咖喱雞絲撈麵的咖喱很香，好像加了些粉各，很爽口的，不錯呢。去這店的路很轉折，要走到聖德蘭小學旁，撓到青州小學後才看見這鐵皮屋。

想唔到身為香港人既我, 係Openrice寫既第一篇食評, 就由澳門呢間隱世既食店--青洲劉記開始....落咗船坐shuttle bus到路環那邊取酒店房之後, 因為太肚餓喇! 同男友係船上面又講好咗第一站要先食豬扒包, 所以個心已經飛咗去青洲劉記喇! 一於出發去尋找久仰大名既豬扒包...估唔到由路環去青洲, 路程係咁遠wor! 但之前聽好多澳門人都話佢d豬扒包好正, 咁都冇計喇! 係坐車既途中, 就連個司機都話: 我個女都有試過佢地既豬扒包, 佢話真係好食架!講番食物, 我地坐低之後, 當然係先黎一個豬扒包再加支汽水喇! 可能真係太餓既關係, 我地仲試埋辣魚包, 魚蛋和魷魚...首先係黎咗魚蛋和 魷魚: 魚蛋原本唔係香港食開果d, 係炸鯪魚球呀! 食得出係即炸, 好熱! 但就唔係話好彈牙; 魷魚都算一般...不過後尾我叫阿姐俾d咖哩汁, 佢都肯俾半碗我地! 態度亦好友善!食到一半, 終於都到辣魚包和主角豬扒包出場! 阿姐好好人, 見我地兩個人, 所以主動幫我地將兩個包都分別切開一半...個辣魚包其實只屬一般, 因為係用罐頭魚嘛, 我自己就覺得冇乜特別, 但個包真係出奇地好食...

11月2日星期日, 已經係第N次去澳門...自從有一次睇旅遊書介紹青州劉記豬扒飽後,慕名嘗試.... 結果一試愛上... 仲成為每次去澳門必到地方!!除o左豬扒飽外, 仲有辣魚飽都係一流!!另外仲有咖哩雞絲撈麵...都只係(MOP11), 抵食!!仲有最抵o既莫過於油菜, 通常都係菜芯, 只係賣MOP3.5一碟.大碟過香港普通雲吞麵舖個D架!!劉記其實仲有一樣都出名o既, 就係西多士喇~西多士確係整得好香口.... P.S. 有一樣要留意o既, 就係佢地每逢1號係休息日.其餘時間年中無休, 我試過摸門釘呢~

我大概2008年7月去既,,當時OPENRICE仲未有呢個CONCER...我睇macau d 介紹食物 web site..我冇食過大利來..冇得做比較..但劉記真係好味到想講粗口,,d豬仈 juicy到冇話可說..連我男友食野咁奄尖,,都話我好叻搵到間咁正既地方..當日我地好好晏先去到,,d包已經賣哂..我地食左豬仈波羅包..學a so話齋..d波羅包d脆皮好脆但唔界口..although地方偏僻..但為左美食冇所謂..

澳門論壇高度推介青洲劉記的豬扒包。這次澳門遊，我們也決定慕名去一趟。劉記的位置頗隱蔽，在青洲小學旁邊小路直入，再經過一村鐵皮木屋，劉記就在空地旁。食店非常旺場，可説是坐無虛席。簡單的餐牌，都是供應一般茶餐廳的東西，奶茶三文治粉麵等等。網上推介了豬扒包、咖哩雞絲蛋包和鱸魚丸，我們也就點了這些來試試看。豬扒包：朱仔包烘得軟熱，不會像有些餐廳，麵包硬得會界損人口。蒜香豬扒新鮮煎起，又腍又入味，兩者夾在一起，的確吸引！咖哩雞絲蛋包：混在炒蛋中的雞絲，份量稍為少，但咖哩的味道不錯，加上熱辣辣朱仔包，是另一種口味，另一個食法。不過，我們覺得用這個咖哩雞絲來伴麵，效果應該會更好。鱸魚丸：淨魚丸一碟也有八粒，還外加兩條青綠大菜心。魚丸雖然細粒，卻是十分爽口彈牙，味道真實，不會像外邊那些又摻粉又摻xyz的化學魚蛋，相對在香港，這樣的魚蛋實不多見。食店雖然環境麻麻，但食物做得認真，而且價錢相宜，確實是個不錯的地方！！

青州小學，當然不是我們的目的地啦，而是隔鄰的…青州《劉記》，雖然位置頗偏僻，而且是鐵皮屋，但慕名而來的人卻很多（因為又是澳門人強烈推介嘛）。我們點了豬扒包、豬扒魷魚撈粗、牛腩撈麵、奶茶、支裝可樂，豬扒包果然又脆又香口，奶茶亦香濃幼滑。撈麵則是網友推介，可是我們覺得魷魚、牛腩味道只是一般，而且麵太多油了，還是豬扒做得最出色…嗯，很飽喔！我看到鄰桌的男女在吃不知是辣魚包還是咖哩雞絲包，好像很好吃似的，於是便多點了一個咖哩雞絲包（外帶），這頓豐富的brunch總共約$70左右。ps.我奉勸一些怕熱的朋友、又或是濃妝小姐們要注意一下了（我們邊吃邊擦汗喔），也要有小強隨時出沒的準備（在所難免的了，始終附近都是樹木破屋）…

坐下問阿姐有甚麼推介,她說豬扒撈麵和雞扒撈麵很正兼有很多人叫,所以我們便馬上叫了兩碗試試. 的確豬扒夠大塊而且很鬆軟;雞扒則大塊和很入味. 麵不會過乾,撈汁後味道perfect!另外當然要吃馳名的豬扒包. 個人喜歡這個包外脆內軟,大大個又不會太乾. 豬扒則和撈麵那塊豬扒一樣,也同樣好吃.最後要讚一讚他們的奶茶. 我的凍奶茶少甜調較得剛剛好, 不會像其他地方會把'少甜'變成奶水或比原奶茶更甜的糖水.劉記的缺點是比較僻,而且附近亦沒有其他景點遊覽; 加上店內沒有冷氣,夏天去會辛苦少少; 不過實在好吃,都算值得.一提,店內阿姐看見我們不斷對著食物影影影便說我們一定是從香港來,更有善地教我們去下一個地方, 很感謝她的幫忙.

我呢個香港駐澳門勞工今日偷懶唔返地盤,就約朋友一齊搵呢間有售傳聞中澳門第一o既豬扖包...劉記美食去食早餐.呢間舖係座落於一羣鐵皮屋內o既大排檔,都幾難搵,九點鐘倒嚟到,見倒好多人已經喺入面食緊早餐.我哋嗌咗豬扖包($11),咖喱雞絲撈麵($13),凍鴦($8.5),同新出o既凍胚芽好立克($11).豬扖包塊豬扖好鬆軟,醃得好入味.豬仔包索咗豬扖啲油,十分match.咖喱雞絲,啲咖喱好香,辣辣哋,味道好似街邊檔咖喱魚蛋啲汁咁.食落有啲爽爽哋o既嘢,口味好清新....咩嚟呢?望一望隔雜廚房有一籮沙葛. 哦....原來係佢.撈麵底啲豉油甜甜哋,仲有幾條菜,好少餐廳啲麵有菜...頓覺好幸福呀.嘢飲就差唔多啦...第一次飲胚芽好立克...幾得意.

之前去澳門, 成日都係去大利來度食豬扒包, 睇到好多人都話青洲劉記先係正~ 所以今次山長水遠都要去偏遠既青洲試下有幾好味啦~ 真係冇令我失望~ 好好食~ 豬扒包: 厘度既豬扒包個包軟軟地, 都好香~ 冇大利來既咁硬, 而且塊豬扒好有肉汁, 剛剛煎起又夠香, 真係好好食~ 講真我鍾意厘度既豬扒包多D~ 始終價錢平, 而且又好食~ 咖喱牛腩麵: 勁好食!!! 厘度既咖喱好正~ 好夠味~ 而且辣辣地又夠香~ 完全覺得小小既舖仔可以整得咁好~ 而且又係好平一碗~ 物超所值!! D麵又彈牙~ 唔會淋!! 真係食多碗都得~~ 推薦!!!! 油菜: 油菜都要讚??? 係呀~ 味道其實冇咩特別, 菜一碟, 但價錢真係破天荒地平~ $3.5....... 一大碟....... 香港邊度搵??? 2個人食真係嫌多~!! 雖然唔知而家有冇加價, 但我覺得碟野6蚊都已經係好抵................. $3.5............. 食得好happy~~ 青洲係遠左D, 但0個度環境幾好~ 當然間舖真係好細同好簡陋, 但食物味道同價錢已經令我覺得環境, 服務已經唔重要~ 最緊要係好食~

這兒有咩好 ? 豬扒包是也 !　什麼 X 利 ... 行埋一邊 ! 當然你只食佢就緊係唔知咩叫豬扒包 , 咩叫做超班 ? 唔信 ? 你問下澳門本地人佢地會去邊度食豬扒包 , 此店一定是坐銀望金啦 .... 哈哈 ! 你問我 D 豬扒點好食法 ? 豬扒最緊要夠入味 , 夠鬆化 , 煎得夠香 , 同夠大塊啦 ..... 當然仲要加埋一個包個皮要又香又脆的 , 要夠大個 , 醬汁要令整個包 juice 的 ..... 死 , 流口水 tim ! 嗱 ! 山長水遠 , 無野由去 D 甘的地方食一個豬扒包架 ?! 放心 ..... 你的努力是不會白費的 ..... , 車錢也不會白花 , 呵呵 !仲有咩好食呢 ? 本地人都話 D 白魚蛋 good 喎 ! 手打爐魚球好新鮮且彈牙 ! 咖哩牛筋腩正 ! 波蘿油 , 咖哩雞 出色 ! 當然主打是豬扒包啦 !!!! 有個壞消息要提供 , 果度無冷氣的 , 鐵皮屋 ..... ( 喂 ! 呢 D 咪叫高人囉 ) , 唔好睇少佢 , 那兒早餐很多本地人食架 , 你知仲要係小學附近 .... 你話好唔好生意呢 ? 不過來旅遊的 , 最好都係下