潘榮記 (已結業)

第一天去: 上午, 見冇乜人, 陣間先買唔洗拎住行街下午, 乜咁多人? 伯伯曰: 冇一盒賣($48), 買十蚊都得(都好, 可以俾多d人買得到)就買左十蚊, 好味呀, 熱乎乎的又薄又脆, 上網知道可以訂, 就問伯伯可以訂兩盒明天取嗎? ok!伯伯好勁咁問你貴姓,幾點之後就繼續整餅, 原來佢d字好靚架, 我地倆個企係度睇左一陣, 佢有本log book記住d訂單的!伯伯真係有型, 佢好似好惡咁不過見佢一個人又要整餅又要一路收$,接訂, 個個又係咁問, 係咁影佢相 (佢唔鐘意架) 好辛勞啊, 大家對他客氣點吧, 畢竟佢地都唔係一間商業化既遊客鋪頭, 而如果佢變到鉅記咁, 我想大家都對佢冇乜興趣吧

哩排都少左機會幫襯啦，因為通常都係去仁慈堂個檔口度買ge，最近經過都好似見個檔口無開，可能係因為仁慈堂維修緊啦.....但又唔順路行去佢地舖頭....我次次經過個檔口都忍唔住d餅香，點都要買返十幾廿蚊黎食，但係正常黎講，未返到屋企就已經俾我消滅晒~食左十幾廿年都仲係覺得佢咁正~曾經買過一細袋散裝俾外地ge朋友食，一程車已經無晒，太香牛油味啦~!

買潘榮記大多數去馬交指定動作，記得暑假來到賣光光，今次適逢sat，沒抱太大期望買到。點知一去到，有不少存貨，所以買了一盒比朋友做手信。但回到hk公司，自己有忍不住用來做早餐...午餐... 下午茶，作手信？忙記了啦！濃濃蛋香味、很脆口、但略為淡少少，如果甜度加多一點更加完美！

在 11.28訂了2磅金錢餅於 29号下午 4:30取. 1盒自己, 1盒家姐指定訂単.準時到取仍然要等一陣,果然好生意.拎上手盒底依黑微暖.於囬程船上取出一盒食.凍了的餅依然十分香,即時消滅了2/3盒.差D返到家中得返個"吉盒"大家最好早一天訂, 因為我上次 (2009.2月)於即日想買2磅.總店話" full book".噴水池旁檔口話 "不能買2磅給我,因他做唔切" -若然做唔切,就唔好貼個1磅 $48.00的價錢表啦 !弄到我空手已囬,家姐十分失望

放棄了街邊無名羊腩煲，女友又嗌肚餓，就近去潘榮記買十蚊減蛋金錢餅頂肚吧！當日唔見老伯整餅，錯過了精彩的製作過程，有點可惜。減蛋金錢餅十蚊大約有十二片，表面烘得有點燶，但入口清脆，蛋味足，雖然唔算得上好好味，但試一試就會上癮，手口不停起勢食，不夠十五分鐘，已被徹底消滅，難怪多數人一買就是一磅裝的，所謂「餅癮難耐」，這次親身體會到了。

經友人極力推薦這個金錢餅,當然要試試它有什麼特別之處因店鋪裝修的關係,我們特意跑來這店多次後,才可以一嚐金錢餅究竟有什麼特別可能我原來對它期望過高,說真的,第一口吃下完全不覺得它有什麼特別不脆的,有點像蛋卷的味道........但卻沒有蛋卷的鬆化但第二次再買的時候,發現不但蛋味香,而且比較鬆脆,比起第一次好吃得多店舖雖少,但見到老闆及老闆娘2位老人家一手一腳地弄的金錢餅,更加添了一分人情味呢......

2009年9月9日行去大三巴途中看見此店賣金錢餅,,見他們是全人手製作,立即買10元嚟試,好香蛋同牛油味,好脆香

做了這麼多個年頭，還是未停下來，一直繼續做，繼續以炭作燃料來做金錢餅，這份堅持，值得尊敬。喝過了難喝的豆漿及沒什麼特別的豆腐花後，來買點好的手信來順番條氣，總共也買了三盒回家，此處的手信，是獨姑一味，只有以雞蛋做出來的金錢餅，只見老闆及其他員在純熟的不斷趕工，因為也真的很多人在買來當手信，以炭火燒着一對鐵板，在鐵板的中間加上六至七團的雞蛋色的粉團，然後將鐵板一夾，不久後即成，眼見雞蛋粉團的顏色比普通的一隻攪拌的雞蛋更黃，應該真的如OR中的介紹所言，減蛋的意思即是減去了一點蛋白吧，看看吃起來又如何。也急不及待的拆了其中一盒來吃，一盒要上四十八元，但真的是很大盒的，有足足四五十塊的，吃起來很鬆化，而新鮮吃當然很脆，但一定是沒有薯片的脆，因為始終由雞蛋做成，在內也是比較多點水份的，而甜度也適中，最重要的是有濃濃的雞蛋香，不錯的，來澳門買一包試試，絕對值得。多謝伯伯的堅持，我們才可繼續吃呢！加油吧！

比較過別人的金錢餅，但是這傢的還是更好吃，鬆化一些，更香些。應該是隻有蛋黃的緣故。老闆好有形啊要買一袋可能要耐心等等。

慕名而來，但找了很久也未找到「潘榮記」的舖頭反而無意中，我在議事亭前地找到潘榮記在街邊的一個流動小擋口於是立即光顧，買了十元金錢餅但老闆道，只買十元不會提供盒子盛載，只好用膠袋裝著一入口，香脆鬆化，帶有十分香的蛋味實在是唔錯的小食

潘榮記的金錢餅很出名，之前有看蔡生介紹當然不會錯過，一買就買了兩盒，仲見到伯伯即場整，新鮮熱辣辣食的話真的好美味，早知再買多盒啦～(最低消費$10 盒裝$48)

一睇外表就知佢有好耐年資............成間鋪最出名就係"減蛋金錢餅"而全店都係用炭燒的,所以會帶有特別點的焦味......如果有返幾個人,買返10蚊,一人一塊,好快食曬

買左 10 蚊試下...想試下鍾唔鍾意先再買...結果係 試下就得...唔洗再買..因為佢係好有蛋味..不過唔係脆口既...NOT MY CUP OF TEA..係咁多..唯一可取既係拎上手重係熱熱地既

小時候已愛吃潘榮記的金錢餅,特別喜歡惠顧議事亭前地的檔口,未試其味先嗅其香,濃濃的蛋香撲鼻而來.嫲嫲也是愛吃之人,每逢經過總忍不住拖着我前去買一小包.本人愛挑較"燶"的來吃,更香口!值得一讚的是此餅多年來水準不變,難得!不過漲價速度驚人,如要買兩盒或以上最好預早一天訂貨

早幾天去澳門，走前買咗2盒金錢餅。去到嗰陣唔算很多人，只見阿伯整餅整到無停手，行埋去個爐就feel到好熱，真佩服阿伯的耐力!!金錢餅 : 一上船已急不及待拆出來吃，打開盒就聞到好香的炭燒和蛋香味，食落有點脆口、有蛋味，做手信的確唔錯，下次必買!!!