影片
以上资料只供参考，请与餐厅确认详情
今次系第一次写食评，唔写对唔住大家！如果有SEARCH 过呢个餐厅名，就会知以前花城区有间一样既店，同样系夹埋的士司机昆游客。 又一个猪咗既客比人㓥 (系我)！入到去就FEEL 到出出地事，星期五晚得一枱客。又话LOCAL 都食？OK，当咁啱冇人。睇完个MENU 上网SEARCH 下有咩推荐菜式。。。 个心即刻沉到落谷底。 但谂下附近都应该冇乜餐厅可以打救我地，唯有勇字当头，照落单。2 个人叫咗 4 样，$500+：白酒蚬 - 偏咸，用法包点汁都晒咗个包蒜蓉法包 - 比较有惊喜，同平时既唔同，唔太觉有蒜蓉颗粒，因为好"蓉"同似用熟蒜，都几香口蒜蓉炒椰菜 - 出晒水，同CANTEEN 个啲伴碟菜系朋友。隔离枱仲叫清炒椰菜，只能讲句god bless you!烧乳猪 - 刚上碟既时间可能厨房赶住出，旧肉食到一半就冻咗，不过不减佢既味道。叫侍应拎去番热，咁厨房唔系HEA 煮热，而系重新上过色，再番烤过。呢个值得一赞，虽然用既猪系中猪唔系乳猪，但系番烤之后系入味且香脆。肥瘦参半，肉质都算嫩滑。至于话值唔值得食，我就觉得一半半啦。
继续阅读
的士司机介绍去呢度食，话呢间嘢正宗又好食，仲主动帮我地打电话去留位，心想当地人介绍都唔会差得去边，开门踏入竟然，晚餐时段都竟然冇客？！算啦，可能唔系游客区，所以静啲呢，自我安慰中！两个人食，点咗一份葡式大虾 一份牛肋骨同一份乳猪炒饭！大虾同牛肋骨都系同一个汁，大虾应该系白烚熟咗后淋汁，牛肋骨就应该系求其煎熟咗再淋相同嘅汁，两样嘢都系，如果唔点汁就根本系冇味！个所谓乳猪炒饭就系茶记嘅普通西炒饭上面放几旧乳猪上去！埋单仲要7百几蚊，完全感觉系中伏，一定唔会再去食，更建意身边朋友千祈唔好相信当地嘅司机，佢地可能带客过去会有佣收！
继续阅读