江戶日本料理 (已結業)

 趁復活節假期過澳門走走，去到港澳碼頭人山人海咁，好不容易上到船，過到去一落船坐即喺碼頭坐shuttle到金沙江戶日本料理食餐好嘅，呢間餐廳我去過幾次，水準一向保持得幾好。由於午餐時間已過，餐廳水靜河飛，只得我這檯客，哈﹗真係有包廳感覺，點了二人套餐，見到餐牌上和牛同海膽茶碗蒸蛋好吸引，於是另加一客和牛同海膽茶碗蒸蛋。套餐非常豐富，有味噌湯、刺身、卷物、天婦羅、海膽焗龍蝦同牛肉卷，主食係堂上石鍋鰻魚飯。首先上枱係刺身，賣相非常好同好新鮮，最出色係紫菜魷魚卷，魷魚加紫菜，正好起了中和的作用，食落冇咁「立」，清爽好多；值得一讚；和牛肉質鮮嫩，天婦羅蝦外脆，肉質爽；海膽茶碗蒸蛋賣相略遜，表面不夠平滑，勝在海膽夠鮮甜，總算不過不失，食食吓開始意識到自己眼闊肚窄，兩個人跟本食唔晒，於是同經理講將未上枱嘅海膽焗龍蝦同牛肉卷直接打包攞走。最後由經理奉上熱騰騰嘅石鍋鰻魚飯，為今餐畫上完美句號。