倫記軟滑腸粉

营业中

休息中

兩日一夜快閃澳門，聽說倫說腸粉非常出色，查看小店在我酒店附近，那一定要去試試看！店內空間不大，坐位亦不多。店內的老板是超級友善，熱情招呼每一位到店的客人。因為澳門太多美食，為了留肚，只點了一款最出名的蔥蔥雞蛋腸粉。上台是熱辣辣的，則面看去，腸粉是雖半透明的，已急不及待放進口試試，的確非常滑！未吃過那麼滑的腸粉。蔥花很花，雞蛋同樣做到又薄又滑。加上由老板自行調配的調味料（醬油/麻醬/甜醬），更是錦上添花。特別是甜醬，呈水狀和漿狀的中間，甜度剛好，不是普通的甜醬，一定要加呀！👍🏻👍🏻

𖤐ˊ˗門面和裝潢很舊，衛生一般 ，牆上有許多明星、美食專欄的介紹，但本人整體感覺一般，只是很正常腸粉。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎.  蔥花雞蛋腸 MOP33顏色鮮艷，拍照好看，粉皮滑嫩，但易散掉，而且蛋和蔥花味道淡。✎.  韮黃鮮蝦腸 MOP31鮮蝦不夠，再加上蝦米🦐，比蔥花蛋更鮮香些，但香港更出色些。

這間店位於大三巴附近，店舖望落都有啲年歷，只有兩張小摺枱，不過他們嘅布拉腸粉值得去一試！腸粉係即叫即製的，我地可以親睹師傅的整腸粉技巧同過程。————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀▪️蔥花雞蛋腸即叫即整腸粉！滑係真係好滑～但係蛋味唔算濃郁，就咁食味道一般，可以自己配上甜豉油同各種混醬，調味之後會更加好食～係值得一試嘅！而且地理位置又方便，掃街食下呢間岩曬🫶🏻

前一次試過嚟澳門突登過嚟呢邊搵呢間腸粉，但試過冇開門，於是今次再嚟撞撞運氣，好彩今次有開門，但就都多人等位，佢鋪頭好細得3張枱，但都可以望到師傅即場整布拉腸粉。今次叫左粟米腸粉同埋蔥花雞蛋腸，佢枱面會有哂所有醬料可以自己任意添加，佢嘅腸粉質地好滑同埋都算薄身，粟米都有少少甜幾好食，而雞蛋腸粉因為有蔥所以一上堂已經聞到好香蔥同雞蛋味，其實簡單啲淨係加豉油都好好食，不過因為真係即叫即做同埋應該得1個爐，所以都要有耐心去等一等。

倫記軟滑腸粉 (沙梨頭)📍沙梨頭沙欄仔街26號泉彩樓地下B號舖🔸桂花龜苓膏腸粉 $29老闆最新研發嘅口味～桂花糖醬都係自己研究嘅 老闆話用出面嘅桂花糖漿覺得味道怪怪哋～腸粉有龜苓膏味食落有少少苦 配搭自家製桂花糖漿啱啱好腸粉好煙韌好滑好有龜苓膏feel 創意十足 👍🏻👍🏻👍🏻而且只此一家 7/10🔹蔥花蛋腸粉 $33原味都係老闆自創～腸粉好滑好煙韌雞蛋🥚好香(*^_^*)仲有啲蔥花點綴下簡單好味😋整體吾錯7.3/10

店舖喺大三巴行多幾條街，店面都幾舊式，店內只有兩張摺枱。腸粉即叫即整，好處係可以睇住師傅表演整腸粉。🔸蔥花雞蛋腸(💰33)(7/10)講真我又覺得食落唔係太驚艷咋喎。最特別在於有黃色嘅外表，可惜蛋味唔濃，滑但又唔係特別滑，豉油又唔夠味。不過佢好大盒，兩個人食都差啲食唔哂。

慕名而來的一間小鋪，舖面只有2張枱，進入店舖時老闆剛入了備料處，我們要等好一會才點到食物。來這裡吃招牌倫記蛋腸粉是常識吧。腸粉即叫即製，蛋香腸粉夠滑，自己混醬上腸粉，美味。

睇完相相，未必吸引到會食，食完就會明點解咁多人推介。係大三巴或者十六浦酒店行5分鐘左右。。蔥花蛋腸粉 $33真！係！好！滑！蔥花同蛋既香味加埋甜豉油，perfect match! 即叫即整大分新鮮，仲可以睇住老闆整。鋪頭外面嘅街係斜路，排隊時有啲唔方便，有心理準備要排隊。當日仲試左原味腸粉，有啲普通，建議揀蔥花蛋。雖然招牌寫住第一鴨粥，但無試到😂另外鋪頭平日會休息，good luck!

唔識路，天氣又熱唯有問人，雖然都算近大三巴，都有啲難搵，喺民居，不過未到遠遠都估倒係佢，因為有人排隊，旁邊就係馬路，行人路有少少窄，所以排隊都有啲辛苦。喺門口見倒師傅即叫即整，純熟嘅手勢，通透嘅腸粉，未食感覺已好古早好有質素。簡單嘅裝修，細細嘅鋪位吸引倒唔止遊客仲有local 居民一定有原因，我地叫咗蔥花雞蛋腸粉同黑松露鮮蝦腸，嚟到賣相就一般般，全用即棄餐具，感覺麻麻，不過食落就真係無得頂，蔥花蛋腸嘅蛋好香，黑松露就更香，而且腸粉好通透同煙韌，蝦又彈牙，真心好食，真材實料。

布拉腸粉即叫即做，一般口感也爽滑，只要粉漿開得好，火喉控制得宜，基本上各家也分別不大。有些店家以混醬取勝，這間就加了雞蛋，變成其特色。影相真的是勝了一籌，但雞蛋沒有任何味道，蛋漿又不均勻地分佈，又有一點點蛋孔。用多一倍價錢，食多少少蛋汁，值不值真是見人見智。有時網上極力推薦的地道美食，當體驗一下當地特色還可以，美食就真是談不上。由於店內只有少於十個座位，如果不能即時堂食，就連布拉腸粉的唯一特色也沒有了，所以想體驗一下地道的朋友，最好還是即叫即食。

記得第一次過黎食既時候眼睛簡直發亮✨腸粉很滑，又QQ😎是很有特色的手拉布腸粉👐今次再來探訪，價錢已略有提升了，但味道返而沒有第一次食咁美味，可能係因為已經帶有七八分飽來食既關係😂😅因為鋪面比較少，所以最好避開早午晚市d時間就唔需要等

經網上推薦，一直好想試，但由於每次都去左其他地方，一直都冇特登過去食，今日終於有時間去試下，搭車不方便，還塞車，和朋友滿懷希望地過去，我們叫了一條雞蛋腸和一條豬潤腸粉，賣相還可以，用黎呃like係唔錯既，食落就認真麻麻地，唔夠香，口感一般，而且價錢相對貴了一點，開始和老闆對話還可以，有講有笑的，但傾傾下，新聞播緊政治新聞，老闆過於激動，個人表示很無奈本人本身也比較鍾意食腸粉，但依間真的一般，冇咩特別，果然希望越大，失望越大🤷‍♀️🤷‍♀️🤷‍♀️

倫記軟滑腸粉以即拉即製既腸粉而出名，但一直未有機會試試，有香港較常見既叉燒腸、牛肉腸等等，但澳門便有蔥花雞蛋腸。店舖旁都張貼了介紹店中的食品。下單後，即叫即整，看到手法純熟咁用米漿整腸粉，倒米漿後蒸一蒸，再倒雞蛋加蔥花蒸一蒸；三兩下手勢好快就完成一碟。完成後，慢慢地卷成腸粉形狀，再手起刀落的切開。店中已放下各樣的醬汁可供客人自行添加(鼓油、麻醬、甜醬、辣醬)。加添了雞蛋制作的腸粉，蛋味唔重而且較老。食落都幾飽，而且一盒份量都很多，建議兩至三人食一盒亦可。

早前吃過這裡的蔥花雞蛋腸覺得不錯，今次再來澳門特意帶朋友來品嚐。腸粉都是即叫即製，需要時間等待。客人可觀看製作腸粉的整個過程。於蒸爐上鋪上浸濕的白布後，倒入米漿蒸一蒸然後加入雞蛋和灑上蔥花再蒸蒸好後連布帶腸粉拉起來，然後用刮板將粉皮刮下來捲起成腸粉再切段入盒；醬油、芝麻醬和甜醬都是自助添加的。蔥花雞蛋腸粉 (MOP 33)單看賣相已經很失望了，雞蛋腸粉的表面很老、有蜂窩狀的氣泡，像豆皮一樣，一點也不光滑，一看便知蒸的時間過久。不過味道尚可，帶點米香，有彈性，份量多夠飽肚。

倫記係之前去完澳門嘅朋友所介紹。店舖細細，只有2張細圓枱。去到個時除左見到旅客慕名而來，仲有d街坊同老闆吹水買外賣。雞蛋腸即叫即製即拉。就如店名倫記軟滑腸粉，腸粉好滑，同有動L 嘅感覺。口味方面，食落去有淡淡蛋味。但蔥花可以更多，製造多d香蔥味。建議大家點豉油食，味道會更出。對於重口味嘅我，就算點豉油都有d淡，所以最後出動最強武器— 麻醬。而朋友冇我咁重口味，所以好鐘意呢個蔥花雞蛋腸。口味呢樣真係因人而異。