倫記軟滑腸粉

营业中

休息中

倫記軟滑腸粉沙欄仔街26號泉彩樓地下即叫即拉腸粉非常軟滑蔥花雞蛋腸在未落任何醬料前試了一塊原味的蔥花及蛋味很香醬料放在枱上任落好好味呀29蚊真係好抵食如果可以跟朋友一起來便可以試多幾款了店內只有老闆一個，腸粉即叫即拉所以需要等一會兒。

雖然嚟過澳門無數次，但每次嚟之前都要搜尋下美食，上youtube 見好多youtuber 都介紹呢間倫記腸粉，而咁啱佢又好近我住嘅酒店，所以喺南屏雅敘唔食太多而留返個肚小小位置試下呢個蔥花雞蛋腸粉好彩嚟到唔係太多人，都係等兩個，之後人潮就陸續湧現老闆忙碌整腸粉米槳蒸熟之後清澈透明腸粉望落非常軟滑Q彈，加上雞蛋及蔥花顏色好美，除咗芝麻，豉油甜醬同辣椒🌶️醬仲有老干媽供應🤔腸粉米槳非常香濃反而雞蛋味道唔重非常推介嚟試試

旅程第一站揀選左嚟呢間近期澳門熱店作午餐地點都唔算太難搵只要從十月初五街搵到沙欄仔街交界再行兩個街口就到到埗時剛好落大雨而天氣極寒入到舖頭後發現無人原來掛左個牌老細去左送外賣唔夠五分鐘佢就返來咯由於上船前已食左早餐所以兩個人都只係叫左一個招牌菜葱花雞蛋腸下單後老闆開始即製腸粉啦分別下蛋漿 米漿 同配料蒸不消十分鐘便完成起爐見老闆熟手地從布上將腸粉割離再分別將「蛋腸」及腸粉卷在一起再切開成一粒粒便完成由於我地最先到所以都較其餘三檯食客送來麻醬豉油甜醬於檯上自己任落試一口不但腸粉夠滑身而且「蛋腸」部分一樣夠滑完全唔會蒸得過老食到蛋味幾香加埋醬料三扒兩撥已經食晒絕對值得推介另外 提一提呢兩日係澳門都見到有節目介紹呢間舖的片段預計客量一定持續多可能日頭幫襯會被夜晚來等得快

在網上介紹倫記的腸粉，聽聞十分滑溜，便慕名而來。我們叫了蔥花雞蛋腸粉。腸粉皮是用雞蛋做的，感覺十分新鮮，腸粉皮十分滑溜，但是欠缺一些雞蛋的香味。蔥花的份量也很多。老闆是用了很柔嫩的米來製造，才會有這個效果！再配上自製的花生醬 ，花生🥜味勁濃，令腸粉的味道更突出。來到澳門不得不食👍🏻

前一晚食完六記，今次就再幫襯另一間係沙梨頭都出名既《倫記軟滑腸粉》~~~倫記位處沙欄仔，沿路上就係白鴿巢~~由於裏面座位有限，所以平時食客多數叫外賣返屋企~~~店鋪内墻上貼滿雜誌專訪同名人合照~~店鋪加得腸粉落個店名度，顧名思義招牌菜自然係腸粉啦，我就叫左每次必叫既蛋花腸，再加一碗粥~~蛋花腸（伴麻醬）- 即叫即蒸，店員係蒸腸粉途中均勻加入蛋汁，並加上適量蔥花~~因此，腸粉滑得黎有微微蛋香，加入麻醬令整體味道更立體~~~（另有甜醬及豉油比食客選擇）~~黃沙蜆肉粥 - 細細碗既粥，但有多多既蜆肉同肉丸，加上蔥花，十分抵食~~~倫記平日可以開到深夜，加上食物質素，絕對係沙梨頭附近宵夜既平靚正選擇之一~~~

今日同兩位朋友興致勃勃由香港到澳門，想一嚐馳名的雞蛋腸粉。誰知，一到達就只見一塊紙牌，寫著店主去了送外賣，要久候十分鐘。我們十分驚訝，覺得店主真是十分鬆容，大開店門，任路人觀看，甚或自行進內坐坐。我們仨有感，與其在呆等，不如繼續走走，便前去洪馨吃椰子冰淇淋打發時間。吃完冰淇淋，我們回到腸粉店外。但是，店主還不在。經過商討後，我們不想浪費時間等待，磋跎一回兒後，店主突然現身，我們立即隨後進入店內，看著店主鬆容地打開蒸腸粉機，淋上粉漿，蒸上一回兒。同時，店主攪拌著雞蛋漿，再打開蒸爐，為雪白的薄薄的腸粉加上一層金衣。未幾，白與金已融為一體，牢牢的黏著白在。店主純熟地把那塊金布捲成形，再手起刀落把雞蛋腸粉砌成方塊。整個過程就好像看著日式鐵板燒的表演，十分賞心悅目。看著那份平平無奇的腸粉，起初只抱著普通腸粉的心態試食。先沾上一點我心愛的辣醬，再把腸粉放入口，我的眼睛馬上瞪大，心裏暗暗大聲呼叫"真是很美味可口！不是我常吃到的腸粉！很是彈牙！"沒有誇大，在眾多澳門的試食中，雞蛋腸粉真是我吃過最棒的。

倫記軟滑腸粉嘅雞蛋腸粉已經有唔知幾多人推薦過，我哋當然唔執輸啦間舖頭真係名副其實嘅小店，得幾張枱，好彩我哋早去，唔係有排等。老闆望落年紀都唔小，但樣樣都親力親為，磨米漿拉腸粉煮粥招呼客人收錢一腳踢，一個人撐起成間舖仲做到咁出色真係好勁由一層紙咁薄嘅米漿，加入蛋漿變金黃色，再灑上蔥花，再卷起然後被切到一口剛好嘅大小，望住老闆整腸粉有種好療癒嘅感覺☺️食落又如何？又軟又滑，入口即溶，好食！而且好平好大份，我哋三個女仔分一盒都夠飽

又是另一間一定要去的平民地道小店位置剛好在南屏雅敘附近所以順道去拜訪南屏出來後向右邊走到黃枝記路口右轉繼續向前走就會看到了真的是不細心留意就會錯過門面用膠幕做門應該是想把冷氣留在店裏去的時候只有門外一組客人在等怕時間晚了已經打佯所以先問老闆還有腸粉吃嗎聽到還有二話不說點了最有名氣的葱花蛋腸粉因為一個人去怕吃不完可是是沒有半份的幫大家問了哈哈下了單趕緊找個位置店裏很小只有兩桌一共五個位置店外好像有兩個位置不過天氣太熱還是在店裏吃好了剛好店裏沒其他客人所以整個製作過程都看得非常清楚從下米䊢打蛋下葱花到腸粉蒸好之後在料理桌上的工序真的完完全全即點即做單子一直來老闆都不會忙亂還有空檔跟老顧客聊天下單後大概五分鐘新鮮即製的腸粉就送到面前了雖然不太環保用發普膠盒和即棄餐具可是用可循環的好像有點強人所難把盒子打開就看到真的滿滿一大盒腸粉份量超級大先嘗了一塊沒加任何醬料的原味腸粉真的超級的滑感覺不用咀嚼就可以滑入喉嚨雖然沒蛋香可是腸粉的質感真的很高好像從來未吃過這麼滑的腸粉桌上放了一共五大枝醬料有麻醬甜醬豉油辣椒醬和老干媽我也毫不客氣的拿起前三種自己來個混醬甜甜咸咸的醬汁令腸粉更上一層樓一口接一口竟然

去澳門hea下食下野，上網搵到有咩好食，見到好多個網頁都贊倫記好好味，就去試下。我地叫左雞蛋蔥花腸加左碗牛肉粥。。。碟腸好滑，本人一向唔鐘意食蔥花，唔好見碟腸粉好似好多蔥，但蔥味唔咪好勁，只係有少少蔥香。唔只腸粉，估唔到個粥都好好味，個粥好綿。。。好好味!

呢間倫記軟滑腸粉，係一間小店黎！以為得好少位坐，原來樓上仲有位架！因為我地本身已經食左野，但又想食呢間腸粉，所以就叫左兩個腸粉share食！想再叫多ｄ，但真係食唔落啦！老細為我地親自下廚! 首先將米漿放入蒸爐，隔左一陣就倒埋蛋漿，之後拎出黎捲起佢！咁就完成左呢個又香又滑既蔥花雞蛋腸粉啦！蔥花雞蛋腸粉 $27食落去既質感比一般腸粉煙韌，我自己唔太鍾意落咁多醬，驚會遮住左原本既鮮味！但朋友話加埋d 麻醬一齊食 更好味!粟米腸 $22d粟米好甜呀，但我就覺得個腸粉味道偏淡d！呢個粟米腸加埋d醬一齊食更好味!

同朋友去一去個短trip黎到澳門😊，黎之前緊係search 下有咩食同玩啦😎。 俾我地搵到呢個倫記軟滑腸粉！見到有網站介紹，又好似好好味咁 ，所以就黎左。我地由大山巴個邊行過去，途中都經過幾間唔同嘅食店，🤤一路食一路行，所以都算方便。去到好搞笑，冇人係到😂有個牌寫住，去左送外賣。不過好快佢就番左黎 ，之後我地叫左個佢地最出名嘅蔥花雞蛋腸粉😍同韭菜豬紅，黎左個腸粉，好大份！唔似香港街邊個d。佢d腸粉真係名不虛傳👍🏼。係好滑，腸粉本身d腸粉點甜醬花生醬都好好食。依加有埋一層雞蛋，令到腸粉有淡淡嘅蛋香味。👍🏼至於個韭菜豬紅就麻麻了🙈，可能唔係拿手野 煮得有d硬。味道都唔及香港濃，可能係唔同口味掛。

澳門事件簿(3)👨‍🍳澳門第三站，本尊同朋友就試左依間好出名的蔥花蛋滑腸粉👍總共有16件腸粉，如果純粹想試下，4個人食就差唔多啦😎多啦😃食落果然大讚，本尊同朋友都對依道美食讚不絕口！🤤依到嘅腸粉食落真係好滑，好滑，好滑！好重要所以講三次🌟有甜醬油同花生醬做配料，但係唯一美中不足的就係裏面如果有餡就會令道美食增添另一個層次👍大家如果鍾意食小食的話，去澳門不妨到依間小店試試，應該會有另一番新的風味🌟

好耐冇去澳門hea 下~見有時間就坐船過黎睇下依家澳門咩景況當然黎到澳門緊係搵好野食(其實去澳門除左食 我都唔知有咩好做hahahaha)先黎到倫記試下個腸粉黎到門口 其實都心大心細入唔入去好因為佢間舖頭門面真係不太吸引(如果喺香港應該走左...)但一場黎到 就入去試下啦坐低望望餐牌 腸粉都有好多選擇但當然試下佢地招牌+香港少見嘅雞蛋腸粉佢地真係即叫即整 見到佢兩公婆夾手夾腳咁整腸粉其實都幾sweet~腸粉大約等10分鐘就有得食 份量都幾多架~賣相都幾靚 可以自己加其他醬料我就先試一件原汁原味先腸粉同雞蛋果然好夾 腸粉好滑好軟同香港個D酒樓厚粉到死嘅腸粉完全係兩回事雞蛋都好香 再加上蔥花 非常好食!!!!

今日同朋友難得黎到澳門玩，我地周圍捐窿捐罅搵美食，早前網上見到澳門十大美食，呢間鋪頭都列入左十大之一，所以今日專登黎到呢間倫記軟滑腸粉試下黎到鋪頭門口，見到門口招牌大大隻字寫住倫記軟滑腸粉，就知道無搵錯地方。呢度有好多唔同種類既腸粉既選擇，除左腸粉之外，仲有其他食物選擇，例如：粥、炒麵等等，但因為招牌菜都係以腸粉為主，就無點到其他，點左一碟蔥花蝦米腸。鋪頭入面只有兩張細台，一張4人台，一張2人台，如果堂食的話，就一次過容納唔到咁多人腸粉係即叫即整，所以好新鮮，等左一陣就食得啦，同埋呢度既醬汁係勁大支，加埋花生醬、甜醬、豉油，味道一流，而且腸粉食落去好滑，平時我都有食慣腸粉，但呢度做既腸粉好薄，但薄得黎又好滑身，真係唔錯不過係食腸粉既期間，老細收到外賣電話，整完野食就渣車出左去送，如果黎到見到無人，都唔使擔心，因為老細時不時都會出去送外賣，送完就會返黎

佢最出名ge梗係蔥花雞蛋腸la,10幾蚊真心超大盒, 份量計好抵食, 但係我就嫌佢d腸粉有d糊口,如果佢d腸粉可以整得爽滑d,咁就完美la,佢仲有個碌鵝粥, 我想試左好耐架la, 但係一次過要買8碗, 點食ar?????haha