倫記軟滑腸粉

营业中

休息中

唔识路，天气又热唯有问人，虽然都算近大三巴，都有啲难揾，喺民居，不过未到远远都估倒系佢，因为有人排队，旁边就系马路，行人路有少少窄，所以排队都有啲辛苦。喺门口见倒师傅即叫即整，纯熟嘅手势，通透嘅肠粉，未食感觉已好古早好有质素。简单嘅装修，细细嘅铺位吸引倒唔止游客仲有local 居民一定有原因，我地叫咗葱花鸡蛋肠粉同黑松露鲜虾肠，嚟到卖相就一般般，全用即弃餐具，感觉麻麻，不过食落就真系无得顶，葱花蛋肠嘅蛋好香，黑松露就更香，而且肠粉好通透同烟韧，虾又弹牙，真心好食，真材实料。