影片
头两个食评都系我出, 因为最近再食发现有惊喜! 无论价钱同食物质素都好出色... $98 二人餐唔驶加一!先黎凯撒沙律, 无乜特别, 但竟然另有一兜黄色蛋黄酱, 令沙律生色不少...青菜薯蓉汤, 度度差唔多都系咁淡, 呢度好在有西洋肠条, 可以调番下味....马介休球, 炸粉好薄, 每人两粒都完全唔觉漏, 不错...经过上次经历, 我特别指明银鳕鱼要煎唔要炸, 老板应承过我话得的, 结果出乎意料, 好好食!!!! 鱼皮脆, 鱼肉极滑但有咬口, 不似比目鱼那么烂, 煎得够香口, 完美之作... 最估唔到系, 意粉竟然放埋一齐 意粉有用油炒过, 有特别的香味, 质地弹牙没发涨, 也没欧洲的钢条型, 绝对啱晒口味! 哥伦布猪扒, 作得咁既名, 我都冇乜寄望, 上台都只见汁不见扒, 同样地意粉也在内, 唯有同鱼各分一半交换成碟食, 碍于无刀提供又费事攞, 用叉匙切猪扒吧... 哇! 好林呀!!!! 匙羹一笃就开! 仲发现酱汁同猪扒间露出了薄薄的西洋肠! 正! 食落肉味比较弱, 因为被浓浓的酱汁盖过了, 茄味极浓, 芝士味都食唔出了, 还好的是西洋肠味道还在, 毕竟是咸肠...二人餐中最后的是甜品, 是正常餐牌没有的芝麻糕, 好有心思制成心形, 可惜呢二人系麻甩佬哩!对面个麻甩佬提议再加酥炸香蕉, 见咁平咪叫啰, 断估都系将香蕉切粒浸浆去炸, 估唔到仲有惊喜!!! 见睇形状, 唔通系细碌蕉?????? 金黄色炸得好靓, 唔系一块炸浆, 似微微的吉列... 食落仲好重香蕉味!!! 咬开后, 质感完全唔似香蕉, 烟烟靭靭, 面头极薄的吉列, 包住一层黄色似糯米制成的糕, 内蔵半透明的啫喱状物体, 分开食完全唔觉有味, 但大啖咬落去就好重香蕉味, 好神奇耶! 我相信系用香蕉油制成的... 埋单每人都只系 $58, 呢个价食葡菜都近乎无乜可能, 仲要咁好食, 只系位置比较隐闭, 生意不太好... 其实妈阁庙行去也不远, 下环街入约30米就到...
继续阅读