影片
更多
2013-12-08
426 浏览
頭兩個食評都係我出, 因為最近再食發現有驚喜! 無論價錢同食物質素都好出色... $98 二人餐唔駛加一!先黎凱撒沙律, 無乜特別, 但竟然另有一兜黃色蛋黃醬, 令沙律生色不少...青菜薯蓉湯, 度度差唔多都係咁淡, 呢度好在有西洋腸條, 可以調番下味....馬介休球, 炸粉好薄, 每人兩粒都完全唔覺漏, 不錯...經過上次經歷, 我特別指明銀鱈魚要煎唔要炸, 老闆應承過我話得的, 結果出乎意料, 好好食!!!! 魚皮脆, 魚肉極滑但有咬口, 不似比目魚那麼爛, 煎得夠香口, 完美之作... 最估唔到係, 意粉竟然放埋一齊 意粉有用油炒過, 有特別的香味, 質地彈牙沒發漲, 也沒歐洲的鋼條型, 絕對啱晒口味! 哥倫布豬扒, 作得咁既名, 我都冇乜寄望, 上檯都只見汁不見扒, 同樣地意粉也在內, 唯有同魚各分一半交換成碟食, 礙於無刀提供又費事攞, 用叉匙切豬扒吧... 哇! 好林呀!!!! 匙羹一篤就開! 仲發現醬汁同豬扒間露出了薄薄的西洋腸! 正! 食落肉味比較弱, 因為被濃濃的醬汁蓋過了, 茄味極濃, 芝士味都食唔出了, 還好的是西洋腸味道還在, 畢竟是咸腸...二人餐中最後的是甜
先黎凱撒沙律, 無乜特別, 但竟然另有一兜黃色蛋黃醬, 令沙律生色不少...青菜薯蓉湯, 度度差唔多都係咁淡, 呢度好在有西洋腸條, 可以調番下味....
馬介休球, 炸粉好薄, 每人兩粒都完全唔覺漏, 不錯...
經過上次經歷, 我特別指明銀鱈魚要煎唔要炸, 老闆應承過我話得的, 結果出乎意料, 好好食!!!! 魚皮脆, 魚肉極滑但有咬口, 不似比目魚那麼爛, 煎得夠香口, 完美之作... 最估唔到係, 意粉竟然放埋一齊 意粉有用油炒過, 有特別的香味, 質地彈牙沒發漲, 也沒歐洲的鋼條型, 絕對啱晒口味!
哥倫布豬扒, 作得咁既名, 我都冇乜寄望, 上檯都只見汁不見扒, 同樣地意粉也在內, 唯有同魚各分一半交換成碟食, 礙於無刀提供又費事攞, 用叉匙切豬扒吧... 哇! 好林呀!!!! 匙羹一篤就開! 仲發現醬汁同豬扒間露出了薄薄的西洋腸! 正! 食落肉味比較弱, 因為被濃濃的醬汁蓋過了, 茄味極濃, 芝士味都食唔出了, 還好的是西洋腸味道還在, 畢竟是咸腸...
二人餐中最後的是甜品, 是正常餐牌沒有的芝麻糕, 好有心思製成心形, 可惜呢二人係麻甩佬哩!
對面個麻甩佬提議再加酥炸香蕉, 見咁平咪叫囉, 斷估都係將香蕉切粒浸漿去炸, 估唔到仲有驚喜!!! 見睇形狀, 唔通係細碌蕉?????? 金黃色炸得好靚, 唔係一塊炸漿, 似微微的吉列... 食落仲好重香蕉味!!!
咬開後, 質感完全唔似香蕉, 煙煙靭靭, 面頭極薄的吉列, 包住一層黃色似糯米製成的糕, 內蔵半透明的啫喱狀物體, 分開食完全唔覺有味, 但大啖咬落去就好重香蕉味, 好神奇耶! 我相信係用香蕉油製成的...
埋單每人都只係 $58, 呢個價食葡菜都近乎無乜可能, 仲要咁好食, 只係位置比較隱閉, 生意不太好... 其實媽閣廟行去也不遠, 下環街入約30米就到...
张贴
