韓屋

前排成日落雨天阴阴最啱食汤饭暖下身，尖沙咀韩国街晚市得呢间有人排队，等左15分钟左右就有位，餐厅唔算大，都几光猛。点完餐之后店员会上韩式腌萝卜，爽脆微辣非常开胃。🍽️薯仔排骨汤🥔 配 韩国红米饭🍚韩国最常见嘅醒酒汤之一，除左薯仔同排骨之外，仲有好多款蔬菜，非常足料。排骨份量比想像中多，有2大旧仲好多肉，煲到软绵入味🤤。汤水调味适中，饮到猪骨汤嘅鲜味，仲带点辣，非常暖身。加配左红米饭一齐食，红米饭烟烟韧韧，有韩国嘅风味。🍽️血肠汤 配 素面🍜血肠用嘅肠衣带点弹性有咬劲，包裹蔬菜粒、猪血、烟韧嘅韩式粉丝，令整节糯米肠口感十足。浓汤里嫩口嘅猪肉片，并撒上韭菜作点缀，令正道汤香味浓郁。素面较日式素面更为弹牙，配上热辣辣嘅血肠汤，美味可口。👍🏻🍽️饺子王🥟应该系餐厅嘅招牌菜，几乎每枱都有点，用迷你蒸笼装住，非常精致好QQ😆，饺子王差唔多有一个拳头咁大，咬落饺子皮好烟韧，唔系一般嘅饺子皮；内馅好丰富，有猪肉、韮菜、韩式粉丝 、豆腐等等，饺子胀卜卜十分足料。🍽️泡菜饺子王🥟同饺子王馅料差唔多，加多左泡菜，令内馅充满泡菜嘅颜色，口味更加浓厚。泡菜饺子王味道偏辣，比一般泡菜更辣😆😆😆