咖哩王印度餐廳 (已結業)

28-10-2008呢日 lunch hour 特別長, 一行 5 人行到落0黎呢間印度餐廳食咖喱. 0黎得呢度都係想食咖喱, 結果一人叫了一份無湯無飲品的 ($32).雖然 set lunch 無湯無飲品, 但店員 (老闆?) 話我0地係全日第一檯客, 所以請我0地飲 chicken soup, 哈哈. d 湯幾杰身, 有 d 似粥 (!), 胡椒味濃烈我揀了 mutton curry 配 naan... 羊肉軟熟入味, 羊味一般不過幾好食; 咖喱就係啡啡紅紅的 masala, 濃濃杰杰, 香而不辣, 蘸 naan 一流! Naan bread 就似 paratha 多 d, 薄薄脆脆又有點牛油香, "mit" 落一般鬆軟, 好在食落都唔會太實, 而且加埋幾正的咖喱汁, 結果又係食完一塊又一塊, 搞到下半場嚴重「naan 氣攻心」, oops. 小店雖然幾黑, 但舒服好坐又乾淨, 感覺不錯; 店員 (老闆?) 有禮貌又友善, service 好好.$32 一個 set, 抵食. 無試 chicken curry, 朋友們又好似話不錯, 有機會再0黎試試吧.