MATJEOM

因為朋友係中環放工，約左佢收工一齊食飯，我地就揀左最近活化後既中環街市作為聚腳點。中環街市保留左古典建築既韻味，同時加入左吾少現代元素，將新舊融合得幾有特色，行入去已經有種舒服既氛圍。就係呢個背景下，我地黎左Matjeom開餐，想輕鬆傾下天、食下韓式comfort food 🍽️🏙️。

招牌蒜泥豬腳 $280
真係勁大一份，足夠二至三人share。豬腳面頭鋪滿左蒜泥，肥瘦相間，膠質好豐富，每一啖都有黏口既口感但又吾會太膩；配埋柚子醋沙律菜，帶返d清爽去解膩。餐枱上仲有五款韓式小菜做拌碟，包括醃辣椒洋蔥片、酸蘿蔔同兩款醬汁，用料幾地道，拌一拌好有層次。仲有優惠資訊要留意：即日起至30/9/2025，凡惠顧中size可以免費升級至大份；而大專院校學生惠顧可享六折優惠（優惠期由即日至31/10/2025）📣。

.
泡菜炒飯 $82
上面鋪滿左紫菜碎，再有溫泉蛋擺中間，食之前將紫菜碎同溫泉蛋同炒飯撈勻，蛋黃同紫菜既香味即刻包覆住每粒飯，泡菜帶來既微酸同微辣令整體吾會太heavy，口感既鹹香同蛋黃既滑潤好match，份量剛好可以share或者自己獨享都岩 👍🍳🍚。

.
炸雞韓式拌飯 $88
將紅蘿蔔絲、豆芽絲、翠玉瓜、醃蘿蔔、紫菜、菠菜等材料加入泡菜同韓式辣醬拌勻，色彩同口感都好豐富。炸雞係熱辣辣上枱，外脆內嫩，有肉汁，拌飯時一啖雞一啖菜飯，辛香又滿足，係飯聚既高能量選擇 🍗🔥。

.
啤酒菠蘿特飲 $68
酒精度大約8%，帶淡淡既菠蘿味，入口有d清甜又帶少少果香，酒感吾會太猛，配上豬腳或者炸雞都幾醒胃，夏天或者想試新口味既時候好夾 🍍🍺。