影片
更多
2025-07-27
614 浏览
琴晚同班friend殺入荃灣呢間「漁樂場」開餐，貪佢有得食又有得聽歌！成間舖燈光暗暗哋，枱同枱之間夠晒位，傾計唔怕嘈住人。重點係每晚有Live Band唱流行曲，氣氛即時升溫，正！ 🥘 秘製爆蒜豆豉雞煲（半隻）｜必點推介！一上枱就聞到「滋滋」聲嘅鑊氣，蒜頭同豆豉爆到金黃香脆，雞件走油走得好靚，皮脆肉嫩仲索晒啲醬汁！半隻份量夠3-4人食，最抵讚係個汁濃得嚟唔鹹，撈飯食到停唔到口（4.5/5分） ❄️ 冰鎮咕嚕肉｜驚喜之作！第一次食凍嘅咕嚕肉，外層脆漿居然keep到爽口！酸甜汁預先掛勻，冰鎮後甜酸味更突出，咬落「咔嚓」聲超治癒～（4.5/5分） 🔥 惹味砂鍋椰菜花｜中規中矩用砂鍋上夠熱辣，椰菜花爽脆冇渣，加咗啲瘦肉片吊味。不過味道偏家常，如果多啲欖菜或者蝦乾粒應該更惹味（3/5分） 🦐 秘製胡椒奶油蝦｜香辣過癮大頭蝦開邊炸到酥脆，重胡椒味！奶油汁掛喺蝦殼好邪惡，吮手指必備～怕辣嘅朋友唔洗驚，連我朋友唔食辣都無有怕，我就愈食愈上癮！（5/5分） 🍹 Cocktails + 水果茶｜消暑一流▪️ Watermelon Breeze：西瓜蓉好fresh，酒味輕盈似果汁，女仔至愛 ▪️ 水
琴晚同班friend殺入荃灣呢間「漁樂場」開餐，貪佢有得食又有得聽歌！成間舖燈光暗暗哋，枱同枱之間夠晒位，傾計唔怕嘈住人。重點係每晚有Live Band唱流行曲，氣氛即時升溫，正！
🥘 秘製爆蒜豆豉雞煲（半隻）｜必點推介！
一上枱就聞到「滋滋」聲嘅鑊氣，蒜頭同豆豉爆到金黃香脆，雞件走油走得好靚，皮脆肉嫩仲索晒啲醬汁！半隻份量夠3-4人食，最抵讚係個汁濃得嚟唔鹹，撈飯食到停唔到口（4.5/5分）
❄️ 冰鎮咕嚕肉｜驚喜之作！
第一次食凍嘅咕嚕肉，外層脆漿居然keep到爽口！酸甜汁預先掛勻，冰鎮後甜酸味更突出，咬落「咔嚓」聲超治癒～（4.5/5分）
🔥 惹味砂鍋椰菜花｜中規中矩
用砂鍋上夠熱辣，椰菜花爽脆冇渣，加咗啲瘦肉片吊味。不過味道偏家常，如果多啲欖菜或者蝦乾粒應該更惹味（3/5分）
🦐 秘製胡椒奶油蝦｜香辣過癮
大頭蝦開邊炸到酥脆，重胡椒味！奶油汁掛喺蝦殼好邪惡，吮手指必備～怕辣嘅朋友唔洗驚，連我朋友唔食辣都無有怕，我就愈食愈上癮！（5/5分）
🍹 Cocktails + 水果茶｜消暑一流
▪️ Watermelon Breeze：西瓜蓉好fresh，酒味輕盈似果汁，女仔至愛
▪️ 水果茶：百香果+橙片+火龍果，果肉多又飲到酒味，解膩首選
🎤 重點加分：Live Band超投入！
Band隊準時開騷，90後至愛Eason , Fiona 都有得聽，歌手幾高質，有感情唔走音，正！
總結：
人均$300左右，雞煲同奶油蝦絕對encore！環境同表演值回票價。如果想chill住食晚餐聽歌，呢度係荃灣唔錯嘅選擇～
张贴
