德國熱狗 (已結業)

除左臘腸，芝士腸，同廚師腸以外既腸都好少食，朋友好想食，又話好值得試下，就陪下佢。本身想叫芝士腸熱狗，不過店家誠意拳拳推介蘑菇雞肉腸，話最受歡迎，我就一試。熱狗好大隻，裝滿一盒，叫餐又配多一盒脆炸鹽味薯條，超飽。朋友如常食紐倫堡腸+芝士+肉醬，有黑椒，辣辣地，較濃味，個人鐘意蘑菇腸多d。蘑菇雞肉腸味道唔會好搶，配熱狗味道好夾。重點係+芝士+肉醬!肉醬整得好好，唔會太酸或者太鹹。整體黎講，都算係我係香港食過又平又足料又好食既熱狗了，如果開係大學會極受歡迎。