小洋蔥 (已結業)

新年期間經過，因為唔使等位，所以即管一試。見到評論，大家都唔係咁欣賞呢間餐廳所以都冇話特別咩期望。我哋一行五個人，叫咗一個pizza ，一個炒烏冬，兩個飯，仲加上兩個小食，食物都好快到，鋪滿一枱，賣相都唔錯。先講炒烏冬，其實幾香，裏面嘅海鮮配料亦都算多，合格！小食方面薯條好正常，但係另一個洋蔥圈就非常厚粉，以為自己食緊油炸鬼Pizza我哋叫咗千島海鮮。佢嘅芝士係好厚身，同埋有拉絲效果，所以唔可以話佢差！不過佢個千島醬係另上，所以成個Pizza都幾乎冇乜味，要將啲醬放上Pizza都度食好奇怪。兩個飯，一個焗豬加一個吉列滑蛋丼。非常平淡，豬扒肉亦都麻麻。總括一句，hea食可以不要認真。